|
.*.*. هل انت عضو شرف في سلنتح الجامعة القصيمية ..؟ (إذا كانت الإجابة نعم تفضل) .*.*.
*** . . الحمد لله رب الأرباب ومجري السحاب وهازم الأحزاب .. الحمد لله حمدا ً يليق بجلاله وعظمته وكبريائه .. وصلى الله وسلم وبارك على نبينا محمد وعلى آله وصحبه أجمعين .. . ***.*** . اللهم ألهمنا صبر أيوب .. اللهم ألهمنا صبر أيوب .. اللهم ألهمنا صبر أيوب .. . . . أيها السلنتح الجامعيون الأعزاء .. يامن تَسَحّبوا في البلاط على خششهم .. يامن تَظَلّموا من (الظلم ذاته) إلى (ماعندك أحد) .. يامن تَسَدّحوا في الممرات طلبا ً للعِتْقْ (عفواً للرزق) .. يامن يعيثون في الأرض ذهاباً وإياباً محافظة وخوفاًً على أمل حياتهم (السرابي) .. يامن تحاكموا إلى قياداتٍ صوريةٍ لجامعتهم الموقرة بكلياتها وأقسامها .. تلك الأكاديمية التي تعتبر بوابةً تعليميةً للمنطقة .. تلك الدهاليز المظلمة التي ستخرج لنا : طبيبا بارعاً .. ومهندساً حاذقاً .. وأديباً ألمعياً .. وعالماً متزناً كيّساً فطناً ورعا .. تلك الجحور .. التي عمر فيها الكثيرون .. وشاب فيها البنات والبنون .. ولطالما تشبث على بعض مكاتبها العاجية (المتدكترون) المتأزمون .. ---------------------*-*-*---------------------- تدرون ماودي أحرق عليكم المفاجأة .. ! :D بس ترى الكلام اللي فوق طالع من قلبي إيوالله .. :S أيها السادة المتمرمطون على أبواب الخير وشاشات الصرافات .. اليوم .. اليوم .. اليوم .. اليوم واليوم فقط .. حصريا وعلى شاشات صرافاتكم الخاوية دهوراً وسنوناً وإن شئتم ضروساً .. :D والتي قد عششت فيها عناكب أفريقية ..! :eek: يوجد مبلغ .. : 1680 ريال سعودي فقط لاغير .. مكافأة شهري 6 و 7 .. لذلك أنصح الأخوة المتزوجين بسرعة مراجعة الصرافات وسحب المبالغ قبل يهونون إدارة الجامعة .. همن تطبعون بمصاريفكم .. **** وبالنسبة لمعشرالعزوبية الملحطين في كل عاير .. فا خوذوا راحتكم لأنه متساوية عندكم .. متشحططين متشحططين الله لايعوق بشر .. من حينكم منتوفين اجتماعياً بلا مكافئات .. وش حيث الحين يوم جن هالقرشين .. :D :D :D وبالهناء والشفاء .. وعقبال ماتتمرمطون ثانية الين يجي عيد الضحية .. :p :p :p والسلام عليكم ورحمة الله وبركاته .. ** ملاحظة ** اللي مايعرف يسحب قروشه يعلمن أوصف له بيتنا لأن حولنا صرافة طيبة بالحيل ..! :p ** وبه ملاحظة ثانية بعد ** اللي هي أنصح العجائز منكم بتنظيم السراء عند صرافة الضمان الأجتماعي لأنه هي الوحيدة ببريدة اللي تسحب المبلغ كامل .. ** خلاص قضن الملاحظات ** واللي يبي صرف خمس مية يمر علينا .. **** طوووووووط ... انقطع الإرسال .. ^^ وهـ بس .. يالله يالله ينفع به سذا .. ^^ الحين أنت وش جابك ..؟ :confused: شيكراً لكم ياسادة .. ياشنبات .. وفي رواية (التماسيح) وآآآآه من دموعكم ياتماسيح .. وياسيدات .. ياشباصات .. وفي راوية (السحالي) علماً بأن المكافأة نزلت بالليل بس متأخر .. لأني مشيك عقب صلاة الأخير لكن ماهناش .. مدري منهو هاللي فاضي قاعدن يودع بأنصاص الليالي .. ولو راجعنا هالجامعة نقول لهم نبي سجل أكاديمي الساعة 9.00 الصبح قالوا انتهى دوامنا ..! :( والله عجيب .. أحوووووووووووووووووووووووووء .. :D :D :D :D :D :D :D :D :D :D نعود إليكم من جديد بمقطعن جديد أي خلقن جديد أي ثوبن جديد <<< أقول تلايص :bad :confused: سم طال عمرك .. . . . |
ـأخيراً .. !
لعلهم أعطوني هذه المرّة كما يعطون الآخرين ولا ينسوني كما سبق !!!!!!! :) |
والله من واحد وواحد ودهـ الاوه حولك يمطخك .. علشان هالبشرى .. :i125 والى متى هالمشكله .. :o ودي أتوقع لكن اخاف أحط بذمتي شي .. بالتوفيق أيها التمساح |
جزاك الله خيراً
فلقد وصل الحال بالبعض إلى حالة لا يعلمها إلا الله ياحبيلك أنت وأخبارك الأحلى ،،، شكراً لك ،، |
أخبار سارة .. :)
للتثبيت .. :d |
الحمد لله الذي أغنانا عنهم
صدق من قال الحاجة للناس مذلّة جزاك الله خيرا على الخبر لهو والله من السرور الذي تدخلة على أخيك المسلم خل الشباب ينبسطون :):):) |
أبو معاذ
أخاف أن المعدل نازل عن 2 تراهم ماينسون الا اللي نازل معدله عن 2 :) |
الله يبشرك با الخير
|
أيها السادة المتمرمطون على أبواب الخير وشاشات الصرافات ..
حلوه هذه العبارة |
خرجنا منها وعلى العهد لن نعود ومبروك المكآفآت ( التويجري أذكر أطلبك ألف وخمس إن شاء الله التسديد متى :D ) أسد . |
الغرييييييييييييييييييييييييييييييب إنهم منزلين لي أكثر من
1680 لعلهم ناسييييييييييييييييين<==========واحد هدر م/ القاطع |
السلام عليكم ورحمة الله وبركاته .. بسم الله .. . . . .*.*. النهيم .*.*. اقتباس:
مرحبا بك ياأبو معاذ .. في الحقيقة النسيان وارد .. الحين الواحد يتخرج وينسون انه متخرج .. وأنت تبيهم ماينسون مكافأتك ..! وسع صدرك .. وبحول الله ستجد الصراافة مليئة بما لم تتوقع .. :D .*.*. تهاويل .*.*. اقتباس:
مرحبا ً أبو سعود .. والله الحقيقة إطفاء الضمأ العاطفي شيء ضروري .. :D خصوصاً معشر العزابية .. لأنهم دائماً ماعندهم أحد يزبن ..[ :rolleyes: ] وإجابة على سؤالك .. إلى متى هالمشكلة ..؟ أقول .. متى مافهمنا أن التطور ليس بلبس الكرفتة على الطريقة الأمريكية .. وليس بلبس التنانير الأسكوتلندية .. وليس بقصات ولاقنوات ولاسخافات .. عندها فقط ستحل غالبية مشاكلنا .. وسنكون متبوعين لاتابعين .. شكراً لك ياشنب ..! .*.*. أبو دعفس .*.*. اقتباس:
حياك ربي يبو دعفوس .. صدقت نسأل الله اللطف والتيسير .. ايييييييييييييييه يادنيا .. تونا نحلى بعينك يبو دعفس ..! :D ياحبيلك أنت .. وشكراً لك .. .*.*. سراج الخير .*.*. اقتباس:
حياك الله .. يالله على ايدك التثبيت .. :D بينك وبين التثبيت شوك .. بتش ..! تحسب التثبيت لعبة أنت ..! أص بس لايسمعك أسد يدقنا .. :D .*.*. أبو عبدالعزيز .*.*. اقتباس:
حياك ربي .. ايوالله الحمد لله على كل حال .. والشباب بعضهم طايرين من الفرحة .. :D .*.*. أبو محمد النجدي .*.*. اقتباس:
حيا الله معرسنا .. اسلوبي هذا وأنا متوضي بدون ماأغسل رجليني .. وشلون لو غسلتهن .. :D لكن رح اسحب دريهماتك لايهونون ويسحبونهن .. والله طماع بعد .. يبي دبل .. دبل تشكن .. قصدي وش يفرقك انت واجناسك عنا معشر العزازيب ..؟ شكراً لمرورك .. .*.*. :: السامي :: .*.*. اقتباس:
هههههههههههههههههههههه ..!! أبو سمسوم .. أنت ماسمعت نشيدة الفهارس حقت أبو معاذ ..؟ لاتخاف عليه دافور ماشاء الله .. :D اذكر اخر مرة سألته عن المعدل قال لي والله اني ضعيف .. قلت كم ..؟ قال 5.1 بس .. :eek: منول كان 6.3 ..! هالكلاك .. :D عموما حياك الله .. .*.*. صديقة الشمس .*.*. اقتباس:
حياكم الله .. .*.*. حسان بن مسان .*.*. اقتباس:
حياك الله .. كما سبق قلت ماشفتوا شي .. هذا وانا متوضي نص وضوء .. :p شكراً لك .. .*.*. أسد العقيدة .*.*. اقتباس:
:eek: :eek: :eek: متى هالحتسي ..؟ :p يجيب الله سيل أقول .. أنت وتوصيفك اللي مدري وشلون قايل .. :i121 ياشباب اللي وده يتمرمط بالشوارع يدق على ابو مالك ويطلب منه وصف محل معين .. وراح يشوف التوصيف المضاهي للقارمن ..! لوحة حمراء + هايلوكس ناطة + ورشة السعدون = أسيل أبو فاطمة ..! :confused: شكراً لحضورك .. .*.*. القاطع .*.*. اقتباس:
هلا والله بصديقي << يتمصلح .. :D الزود كزه لنا بارك الله فيك ونوصله للجامعة .. وكما سبق النسيان وارد .. لكن نسيان عن نسيان يفرق .. شف وشلون نسيان النهيم ونسيان القاطع .. والله حظ ..! . . . . . . وهـ بس أخير ً قضيت من الردود .. ولايفوتني أن أذكر في نهاية هذا الموضوع .. الإخوة الجامعيون المستجدون .. وبحكم خبرتي وعراقتي بالجامعة .. :p ترى أول اسبوع مافش حاقة .. :i128 يعني طهبلة ورجولة من أول يوم ..! :D وبعدين ياجماعة الخير لاتلومون الطلاب بفرحتهم بالمكافئآت .. والله ياإخوان إن فيه أسر تعيش على مثل هذه الطفسة كما لايخفاكم .. وكم سمعنا ورأينا ووقفنا على مثل هذا ..! لكن أملنا بربنا الجبار المنتقم كبير .. . . . :i121 :i121 :i121 :i121 :i121 :i121 . . والسلام خير ختام .. |
وش دعوى يا التويجري
بس أنا أقول الأخبار الحلوة ماتجي إلا من ناس حلوين <<<< يقاله قال شي عالعموم جزاك الله خير ،، وعقبال التخرج من جامعة الدجة والفشل ،،، |
اقتباس:
<<<< بلاوهـ مايبيك ياهدر .!.!. شكرا لحضوري .وبالنسبة لمكافأتي تراي مابيه اللي يبيه يرسلي رقم حسابه بالخاص وأبد كله عشر سنين والمبلغ عندهـ، . |
| الساعة الآن +4: 05:15 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.