|
ليش اسواق الوشاح النسائية تمنع النقاب؟؟؟؟
هالحين بريده كلها مافيها الا اسواق الوشاح النسائية
وحريم بريده يفرحن فيه علشان يفتشن ويأخذن راحتهن بالتسوق بس اللي انا ملاحظته من ضمن شروطهم: ممنوع ان المره تدخل وتتمشى وهي عليها النقاب؟؟؟ طيب ايش سبب المنع؟؟؟ احيانا بعض الحريم ماودهن يعرفن فتلبس نقاب.. واحيانا الوحده ماودها تلبس وتكشخ فتلبس نقاب.. واحيانا الوحده يكون ماباقي على زواجها ايام فتلبس نقاب.. واحيانا الوحده تكون في فترة (النفاس) وتخاف ان احد يشوفها ويعرفها فتلبس نقاب .. كل هذي احتمالات .. تفضل لبس النقاب في الوشاح فليش يمنع؟؟ اذا كان قصدهم يخافون يكون رجل!!! ليش ماتطلب اللي جالسه عند الباب (للتفتيش) إن أي وحده منقبه تفتح وجهها عندها حتى تتأكد انها مره.. وبعدين تدخل عادي بنقابها.. ليش التعقيد ؟؟ انا اعرف معلمات كثيرات ماعمرهن راحن للوشاح .. يقولن مانبي طالباتنا يشوفننا.. فلو سمح بالنقاب لذهبنا؟؟ فمن يوصل رأينا لمدير الوشاح؟؟؟؟ |
احيانا بعض الحريم ماودهن يعرفن فتلبس نقاب.. واحيانا الوحده ماودها تلبس وتكشخ فتلبس نقاب.. واحيانا الوحده يكون ماباقي على زواجها ايام فتلبس نقاب.. واحيانا الوحده تكون في فترة (النفاس) وتخاف ان احد يشوفها ويعرفها فتلبس نقاب ..
_______________ ياحليلك.....حريم بريدة يطلعن الوحدة من بين مليون بنقاب او بدون الرجال يحفظون لوحت السيارة........ والحريم تحفظ الصوت والشكل الخارجي ولون البشرة والحركات,,,,,والبـــــــــــــــــزران يعني مطلعينك إلي يعرفونك مطلعينك لو لبستي خيمة راح يعرفنك المراوح القعاديات |
؟
؟ ؟ ؟ يخافون الأطفال يخترعون ؟ ؟ ؟ ؟ |
ومن قالك انهم يمنعون النقاب النقاب مسموح فيه
الا اذا كان هالمنع شي جديد |
ههههههههه
ياحليلكم ياحريم بريده بحياتي كلها ماشفت مثلكم بلبس النقاب في المجتمعات النسائيه وش يبي يضرك إذا كحلتي عيونك وحطيتي على شفايفك مسحة روج ومشطتي شعرك ولبستي لك تنوره وبلوزه محترمات ...؟؟ أستغرب من هالعاده ..!! في كل مكان تروح له تشوف منقبات والمشكله ياريتهن يحترمن أنفسهن الوحــده منهم تبي تاكلك أكل بعيونها شين وقوية عين :eek: لا وياريتها تستر على روحها تمشي وتتكلم بين خلق الله شفت فلانه بالمــلاهي وفلانه ودي أدري وش عندهــا بالبنك ومدري وش اللى موديها للمشغل العلاني ..!! أتركو خلق الله لله وأغفلو بصراحه ما ألوم الوشاح لو منع المنقبات مايكفي تنقبكم بالعثيم ووالنخيل ..؟ |
فعلا لماذا يمنع النقاب في الوشاح ولايمنع لبس القصير والبنطلون؟؟؟؟؟؟
شيء غريب؟؟ |
السلام عليكم.. شي طبيعي يمنعون النقاب علشان يتأكدون من الشخصيه.. وبعدين وش عندتس تتنقبين تبين تقزين الناس والهم مايقزونتس:( ............................... .. .. بالنسبه لكلام أخوي غشمشم.. اقتباس:
الوشاح مجمع متحفظ ولا يسمح باللبس العاري والقصير والبنطلون.. وكله ندوات ونصائح .. لا تقولون مالاتعلمون...........؟؟!! [glint] بحفظ الله ورعايته: 12 |
ههههههههههههههه
ضحكتينن الحين مامليتن 24 ساعه متغطيات براا البيت ذكرتين قبل كم يوم كنت مصخّنه ورحت للمستوصف وغرفة انتظار البنات فيها فوق الـ20 وحده وكلهم متغطيات مع العلم انا فترة الانتظار احيانا تتجاوز الساعه والغرفه مغلقه ومافيها الا بنات من الطبيعي اني افتش ويوم فتشت طارت عيونهم علي بسم الله علينا تقولين لابسه بكيني معليش ما أشوف النفاس ولا عدم التكشخ حجه عشان تتنقبين لانك بنقاب بتضايقين الكاشفات ولا تنسين انه مافيه شي يدل انك بنت إذا انتي متنقبه فا لازم بهذه الاماكن الكل يفتش ولا بتضايقين غيرك وبعدين ردودك مع احترامي لك استنتجت فيها انك مو واثقه من نفسك متى تفتشون باللهي؟ إذا عند الحريم وعند الرجال متغطين شكلكم بس بالبيت !! |
انتم تدورون المشالكل بذنب الكلب ...
وش عليكم لو منعو الفتش كان قلتو ليش يمنعونه ولو قالو افتشو قلتو وشوله وراكم انتم على بريدة دورون به المشاكل ... اللي مايبي يفتش لا يجي ... مفهووووووووووم |
الدوله ابخص ..( ماله دخل)
|
رغم إبتعادي عن هذا الجانب
إلا أنني أشاهدها (حسنة) تحسب لصالح أسواق الوشاح كنوع من التدعيم و الحماية على نسائنا من داخل الأسواق المغلقة عليهن . و حضور الأسواق ليس من الضروريات حتى تذوب فيه المصاعب فعلى رأي المثل الشعبي : ما طاح من الحمل أخف للبعير . و أستغرب فعلاً من هذا السلوك لدى النساء في التجمعات النسائية سواء في الأسواق النسائية أو الزواجات أو الإحتفالات ، فعلاً شيء غريب ! شكراً لكم يا سادة .. و دام الجميع في حب و سعادة . |
أهل مكة أدرى بمطعم البيك ....؟
|
اقتباس:
لبس البنطلون والقصير مسموح بالوشاح .. ومايقولون شيء عليه |
اقتباس:
اهم شيء آخذ راحتي بلبس النقاب وافتش على راحتي |
| الساعة الآن +4: 12:10 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.