==> ما يطلبه المشاهدون <==
 

بسم الله الرحمن الرحيم
ثم أما بعد ياشباب الأمة
والله اني وأنا أحط الموضوع هذا أتراجد من الخوف
لأنه صراحتاً متعب على الشباب في الوكالة ، ولا أبي أحد يكد علينا يا ألبي أنتم
تصدقون عاد ... كلللللكم والله انكم بعد سلوتي
هذا هو الموضوع الذي ينتظره المتابعين لقناة سعف الدولية
وهذا الموضوع يا قلبي هو ** ما يطلبه المشاهدون **
موضوعي هو == اطلب أي صورة من بريدة وأجيبه لك بذيا




--------------------------------------------------------------------------------

لكن بشروط يجب التقيد بها
والمخالف ترا شركة سعف تماتيك تبي تلغي طلبة ,, ولا يسمح له يشارك نوبة ثانية
الشروط هي كالتالي
ـ كل واحد بهالمنتدى له طلب صورتين بس
ـ عدم الزامنا بوقت معين ، فهو يعني علكيفنا نصور أهم شيء نجيب له الصورة
ـ توصيف المكان المطلوب للتصوير يا ألبي بالدقة أو حوله
ـ الصور التي خارج الدائري ، تتأخر إلى مدة تصل إلى عشر أيام
<==== خياط دبي
ـ ممنوع منعاً باتاً انك تذكر بيت معينة ببريدة
<==== ابوعاصم
ـ ما أشوف أحد طالبن لي صورة سيارة معينة ، الموضوع متخصص بالأماكن يا ألبي
ـ عدم التحجير بالأسئلة .. يعني واحد يقولي شارع كيرلا
ـ عدم التشرط بليل ولا بالنهار .. هذا راجع للمصور
ـ الطلبات مهيب بالترتيب ... الي اقرب لنا .. يمكن يجي واحد متأخر بالطلب ونحط له الصورة أول واحد يعني مهب دليل
= نرجوا التقيد بالانظمة ولا ترا نرجع لتشليق الوجيه =


// وشكراً للطاقم الإداري لشركة سعف //
وللمصور : مصيول علوني
وعلى الكنترول : سعفة
يعتبر هذا الموضوع الأول من نوعة والذي ترعاة شركة سعف
WWW.S3F.NET
تحياتي وجغفاتي المتدودلة
والسلام عليكم ورحمة الله وبركاته
وترقبوا ستدوديوا سعف الرقمي
S3F Digital
دمتم في حفظ الله ورعايته

السلام عليكم


ابي الله لا يهينك .. تقول لمصيول ... يصور لي لأي مزرعة ببريدة من فو ق

نفود ( طعس ) .. أما الصورة الثانيه خلن أو فرة لوقت ثاني


تشكراااااااااات افندم

مزبوط
 

عاشت أيامك ياسعفة - صراحة موضوع منتاز
ممكن تلبي لي الطلب هذا
أبي صورة للجماع الكبير اللي في السوق الداخلي
وان حصل البوفية اللي بالزاوية اللي عند آخر إشارة في شارع الصناعة ( جنوب الديرة )

ياحبيلك بعد

مع السلامه

انا ابي صورة
ابوقلبين وهو محجور بين اربعة نيجيرين ... مغازل اختهم

ابي صورة مصيول وهو عاكس الكمره وحاط الفلاش في عينه :confused:

طال عمرك ابي صورة واحد من الشماسية مسبل عويناته..ودي اكتشف سر جمال عيونهم..:D

السلام عليكم

كفو والله يا سعفه مدام سذى ابيك تصورلي بريده من فوق البرج

كان ماعليك كلافه

ومع السلامه

أبي صورة لبريدة من الفضاء ...

ههههههههههههه ياحليلك ياسعفة والله إني مستغرب من هالشركة القوية الخربطّة

عفواً معلييييييش بس ياسعفة ياااخي انا داري إنك تكرهن بس مااقدر استغني عنك ياألبي مادري كلبي أوووووووه آسف والله إني آسف ياسعفة منب عايده مرة ثانية

بس طال عمرك ابي صورة واحدن من أهل الخبوب قاعدن بسوق الجردة وإلا بحراج المقاصيص وهو فوق الدتسن حقه ويبيع جح.

يارجال خذرفت انا ماادري وش فايدة حراج المقاصيص ولانب ادري عن بيع الجح هو يحرّج عليه وإلا وشو.......شايب ماعليّ شرهة صح....:) لا

هههههههههههههههه

سراحه موضوع ولا بالخيااااال أما عنوان الموضوع هههههههه أنا قلت أبشوف الحميد من داخل

ياسلالالالالام على هالمخ اللي يعرف يتكتك ويطلع أفكااااار زي وجهي:D

طبعاً من زين وجهي شبهت فكرتك عليه لأني وجهي زي القمر باآخر الشهر:D

عااااااااشت اياااااامك ياخلفهم إيه هاذي المواضيع اللي تفتح النفس

تكفى أبطلبك طلب لاتردني قل تم ياألبي

أبي صوره لكمبيوترك إذا ماكان فيه مانع

والصوره الثانيه ميخالف يعني نطلب تنثين وإلاّ بس وحده

المهم الصوره الثانيه أبيك تصورلي دوّار الربوه اللي بجنب القصور الملكيه إن ماخانتن الذاكره

تكفى يابعد هاللي قاعد بجنبي:D

شكراً مقدماٌ لاتتأخر علينا هالصوره أبهديه لواحد عزيز وغالي علي بلييييييييييز :D

ابي طال الله عمرك صورة ... كرفتا .... ؟؟ (( مسكت معي )) دبره ؟؟

الثانيه خله بعدين ... نلقاااه """"""""""

وش هالفكره ياسعفه والله وايد حلوه

لاكن قولك مايتشرط هي لليل والانهار هذا من حقه لانه يمكن ماتظبط باليل
واحلى له بالنهار فنرجو التراجع عن هذ الشرط .

يالله يارب انه يتراجع عن الشرط الي بالسطرثمانيه من الشروط يارب

الأخ سعفه //

الطلب الثاني .. تولم ..

ابي صورة ... لمنارة مسجد الجاسر بحي السلام (( مسجد الشيخ عبد العزيز الأحمد ))

سا بقا.. بس شف .. تكون الصورة .. من تحت المنارة يعني تلصق بالمنارة من تحت
.
و ترفع راااسك .. و تعطين صورة .. حلوه .. و شف اذا ما طلبت منك الصورة ..

و لو تصير الصورة بالنهار .. تكون أو ضح ..



و لك .. تشكراااااااااتي ..

كما لا تنسى الطلب الأو ل .. .

, و أهلا هلا

سلام عليكم ورحمة الله وبركاته
 

ابي صورة صارور خضر
وإلا ضب أثرم
ترى هذا طلب واحد بس يابعد سلوتي.
مهوب طلبين يا بعد سبدي.
الطلب الثاني بعدين لااشلق مناخرك




لك تحياتي على الفكرة والتعب في التصوير مقدماً
والسلام عليكم ورحمة الله وبركاته