|
مــبروك لأهـل بريدة فقط تم تشغيل قناة بريدة للشعر على تردد 1و88 fm mbc
بسم الله الرحمن الرحيم أهلا بجميع أعضاء وقراء منتدى بريدة ستي ومساكم الله بالخير ... من هنا وعلى هرم منتدى بريدة ستي سيتم إن شاء الله إطلاق قناة شعرية تنافس بقوة mbc fm وبنو راما الغنايات { والمشرف عليها شباب منتدى بريدة ستي }وتكون على تردد { 1و88 fm mbc } وخاصة لأهل بريدة فقط .وهي على برنامج { mb3 } .فالمطلوب من مستخدمي mb3تشغيل البرنامج على نفس التردد المذكور حتى تعم الفائدة من مستمعي القناة وتكون القصائد مفيدة ونافعة . مع مراعاة مستخدمي البرنامج تشغيله في كل أوقات ركوبه السيارة حتى ولو لم يتم الاستماع ليستفيد الغير .... 9/3/1428هـ |
الله يبارك فيك اخوي جسااااااااااااااااااااااااس .. والله اللي يبي يثولث عنده ( حفيد عقيل ) .. بس يالبي من المشرف او القائم على هالقنااااااااااااااااااااة .. وهل المشاركة متاحة على طول والا فيه تنسيق والا وشلون يالبي .. سي يو .. |
وعليكم السلام ورحمة الله وبركاته.
جزاك الله خيرا وبارك الله فيك. يا ليت لو تشرح لنا أكثر عن كيفية إضافة البرنامج الذي تقول عنه. وهل تشتغل القناة على الراديو أم عن طريق الإنترنت. نرجو الإفادة عاجلا. وشكرا. |
ارجو ان تكون القصائد التي تبث على هذه القناة
باللغة العربية الفصحى .. حتى تعم الفائد جميع السامعين.. |
والله همة ياشباب بريدة سيتي
الله يوفقكم،،، |
اقتباس:
وشلون القمة عندكم ويقولون أن ابو شوشه مقاطع السعووودية صز ؟؟ المهم خلفهم . هذا البرنامج وأنا أخوك شفت اكثر شباب بريدة يستخدمونه وقلت ياليت يستفيد الغير منها بدلآ من ان يستمعوا للأغاني . فالزمن هذا كثر اللي يسمعون القصائد وتركوا الغناء ولله الحمد . وبالنسبة للمشرف أو القائم عليها لا يمكن أن يسطر عليها ولعل أن يتطور الامر بعدين . والمشاركة متاحه للجميع . بحيث مثلآ : انا وأعوذ بالله من كلمة انا معي البرنامج اشغل الراديو على التردد فإذا سمعت شخص مشغل البرنامج اتوقف عن التشغيل وإن لم يكن فأبداء بتشغيل البرنامج . لأن المسافة لا تبعد عن 100 متر. عند مسير السيارة . وإن شاء الله ستتطور مع الزمن . |
اقتباس:
وأنا اخوك رح لأقرب محل حاسب لبيتكم . وقله عطن مشغل برنامج mb3 والزين اللي أنصحك به هي اللون الفضي مع الريموت بسعر تقريبا 90 ريال . وله مدخل لليوسبي { فلاش } تأخذ اللي تبي من الحجم وتضيف إليها القصائد المرغوبه . إانتبه . مايشتغل غير mb3 يعني شف وش نوع المقطع إذا كان مثلآ برنامج نوكيا أو غيره فإنك تحول هذا البرنامج إلى mb3 وتلقا البرنامج في قسم التقنيات بالمنتدى . أرجو انك فهمت |
اقتباس:
القصائد تكون للجميع وتكون متنوعة أفضل من النبطي والفصحى وغيره لكن المهم اللي ينبغي أن نتداركه هو عدم تشغيل أي مقطع فيه موسيقي . |
اقتباس:
وإنت إيقالك عاد منتب مثولث يابوبراهيم:) بس الصراحة أنا مافهمت شئ >> الكبر له دور:) |
لم أفهم و لا حرفا ً واحدا ً ..
|
اقتباس:
وشلون مافهمت شي أنت وحفيد .؟ أللحين أبو أبراهيم ماشاء الله عليه فهم وأنتم إلا اللحين . المهم تعرفون برنامج mb3 الصوتي ؟ فيه وصلة تباع عند محلات الحاسب تشتغل على الراديو. بحيث تجيب يوسبي فيها مقاطع من الأمبي 3 وتدخلها في الوصلة بعدين تروح وتشبكه في ولاعة السيارة وماعليك فقط إلا أن تشغل الراديو fmوتحط التردد 1و88 وتشغل الوصلة وتسمع مقاطعك عن طريق الراديو . وبأمكان صحاب سيارة أخرى يكون بجوارك ويحط التردد اللي أنت مشغله ويسمع من طريقك بحيث لا يبعد عنك 200 مترآ تقريبا . فهمتوا او اخلي أبو أبراهيم يجبي سبورة |
فكرة رائعة جداً
بس المسافة 200متر ماتلاحظون إنه شوية ،،، |
طيب أنا ما عندي الوصلة ، هل إذا فتحت الرادو على التردد اللي تقول ،، يطلع شي ؟؟
تحمل أسئلة الشيبان ، تعرف المخ اشوي و أنا أخوك ، وسع صدرك ، |
اقتباس:
شوف إذا كان مستخدمي البرنامج عددهم كثير فرايح تنتشر أكثر . |
| الساعة الآن +4: 02:35 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.