الحريم : عالم مغلق وسر غامض !
 

اسمحوا لي بالبداية اني استخدم العاميه اشوي بهالموضوع وأعرفكم بنفسي
أنا عمري 35 متزوج وصار لي على زواجي تقريبا تسع سنين ومع هذا كله دايم أفكر بجنس الحريم
اللي أفكر به بالضبط هو طبيعتهن ! إلى أي حد هن يختلفن عن جنس الرجال !
عندي بعض الأسئلة ودي أطرحهن عليكم بحكم خبرتكم بالتعامل معهن :
وما يمنع تشارك الحريم أو البنات بالإجابات بس اللي يهمن هم الرجال بصراحة لأني ودي أعرف صراحة الرجال يفكرون مثلي ولا لا :
1_ إلى أي حد تعتقد انك فاهم جنس الحريم ؟ تعرف طبيعتهن وتحس انك فاهمهن بالضبط ؟ تعرف وشلون ترضيهن وشلون تزعلهن ؟ وانه بإمكانك تصير فارس الأحلام المنتظر ؟ ولا هذا أصلا شي مايهمك ؟ وإلى أي حد ؟ ولا هن بالنسبه لك عالم غامض وإذا كان غامض فهو غامض إلى أي درجة خل نقول من 100 )

2_ من تعتقد عنده طبيعة قلقة ومعرض للاضطراب النفسي أكثر بحكم ظرفه الاجتماعي وتكوينه النفسي والعضوي ؟ الذكر ولا الأنثى ؟

3- من هو أكثر وفاءا واخلاصا ؟ الرجال ولا الحرمه ؟ وإذا كانت الحرمه هي الإجابة فعلى أي أساس بنيت إجابتك ؟ ماتعتقد إن الظروف الاجتماعية المحافظه تحكم على الحرمة تكون أكثر وفاءا لو على الأقل من الناحية الظاهرية ؟ ولا هذا يرجع أصلا لطبيعة الأنثى ؟

4- أنت في تعاملك مع الحرمة عموما مثل أمك , عمتك أو خالتك , بناتهن , أختك , زوجتك , بنتك , حبيبتك ...... من ما تكون ان شاء الله الحرمة اللي تمشي بالشارع هل يدخل في تعاملك معها عنصراعتبارها أنثى ؟ واحساسك بالأنثى ؟ وهذا العنصر إذا تدخل بتعاملك معها يدخل بشكل واعي ولا غير واعي ؟ يعني يجي كذا لا إراديا ولا أنت تستحضره بذهنك ؟طيب هذا العنصر يختلف معك بحسب طبيعة قرابتك وعلاقتك مع هالحرمة ؟

5- إلى أي حد أنت جريء مع الحرمة ؟

تقدر تضرب لنا مثال ؟

طيب تقدر تتذكر أيام الزواج الأولى ؟

فرضا .... كنت تمشي بالشارع وشفت وحده زينه واعجبتك واغراك الشيطان والهوى إنك تتابع النظر لها ؟ وفجأة انتبهت لك وحطت عينها بعينك ! وش راح تسوي ؟ تطنبس لا إراديا ولا تتابع النظر ؟ وذا طنبست فهذا علشان الحيا اللي جبلت عليه ولا أصلا أنت تضيع مراجلك مع الحرمة باعتبارها سر غامض ولا تعرف وش اتسوي بمثل هالمواقف علشان الحريم بالنسبة لك سر غامض ؟

اسمحو لي اني أبدا بنفسي بالاجابات :
1- الصراحة الى الحين هن بالنسبة لي سر غامض وتقدرون تقولون اني فاشل بفهمهن بنسبة 20 بالمية ! أنا أتكلم عن جنس الحريم الحين موهوب عن زوجتي بالتحديد وقولت اني اتمنى اكون فارس الاحلام المنتظر هذي صارت معي لما وصلت 30 وبدى هالاهتمام ينقص همن ينقص لما وصل خمسة بالمية الحين وشكله باكر يبي يصير صفر .

2- أنا اظن الحرمة هي معرضة للقلق أكثر لكن على انه معرضة اكثر للضغوط النفسية لكنه اكثر استقرار وتماسك من الرجال ( وشلون قلقة أكثر من الرجال ومع ذلك أكثر استقرار من الناحية النفسية من الرجال ؟ ماقلت لكم سر غامض )
3- بالنسبة لي يدخل بتعاملي معها اعتبار كونها أنثى بشكل لاواعي يعني غصبن علي ومع كل الحريم بداية من أمي لأبعد الناس عني !
4- اظن مسألة الوفاء والاخلاص ماله علاقة بطبيعة الذكر ولا الأنثى من ناحية تكوينهم النفسي والعضوي لكن ظروف المرأة الاجتماعية عندنا تفرض عليه تكون أكثر وفاءا من الرجال .

5- بالنسبة لأيام زواجي الأولى لازم أعترف اني كنت أتصنع الجراءة واحاول اغيب عن الواقع اشوي علشان أأقلم نفسي مع الظرف الجنسي أو العاطفي الآني اللي ما تعودت عليه وجديد علي !!!!!!!!!!
بالنسبه لي لو تعرضت لموقف بالسوق مثل الموقف المذكور راح اطنبس غصبن علي مادري وراه حيا ولا ان المراجل تضيع بس الغالب ان المراجل تضيع بدليل انه لاراحت البنت وانتهى الموقف اقول لنفسي ورا ماسويت تسذا ولا تسذا !ولو تكرر نفس الموقف برضه راح اطنبس واقول لنفسي مثل اللي قلته بعد مانتهى الموقف !

من يتجرأ ويجاوب على الأسئلة أوبعضهن ؟
إذا عندك معرف وتستحي ولاودك تجازف بوه ميخالف ادخل بمعرف جديد وجاوب ! أنا عاذرك لأن الأسئلة حساسة اشوي !

حياك الله أخي فتى مطير

من خلال معاشرتي لزوجتي ثارت لدي الكثير من الأسئلة التي تتعلق بجنس المرأة وفهم طبيعتهن المختلفة عن جنس الرجال ووجدتها محيرة أيضا لدى الكثير ولهذا طرحت الموضوع . هذا الموضوع دعوة للنقاش والحوار بغية الوصول إلى فهم أكثر لطبيعة المرأة والتعامل معها بشكل إيجابي ولايتعلق بشخص امرأة بعينها .

كل الشكر والتقدير على مرورك وإثرائك الموضوع .

أهلا وسهلا بك أخي الصمصام


[QUOTE=الـصـمـصـام;589924][center]..

وهذا هو الغرض الأساسي من طرح الموضوع ولذلك كان موجها منذ البداية إلى الرجال وخاصة المتزوجين منهم وإن كان باب المشاركة مفتوحا للجميع :)


أتمنى أن تضع روابط لمحاضراته هنا إن وجدت َّ له لاحقاً والتي تناقش هذا الموضوع بالذات ! :)

هذا جانب مهم تشكر على إضافته ياأخي الكريم وهو مهم في بناء أي علاقة إيجابية ويتأكد حضوره في الحياة الزوجية

كل التحية والتقدير لمرورك وإثرائك الموضوع

لاتعليق ..!

كل الشكر على المرور وإضافة الرد

!!!!!!

عذراً فهناكـ الفرق الشاسع
ولكن يعتبر قياس مع الفارق .

تحية عطرة لك أخي ابو هشام

وكل الشكر على مرورك وإضافتك