|
استفتاء للبنات وللرجال
سؤال للبنات وخصوصا المتزوجات واتمنى الرد يكون صريحا مع ذكر الاسباب.... هل الرجل القادر اذا تزوج على زوجته لاي سبب كان يعتبر خيانه ونكران للجميل وهل معناة انه لايحب زوجته المراءه قد تكون مشغوله باولادها وحيانا عندها مرض في ارحامهااو تعبانه فيضطر الرجل للزواج الثاني مع اعطاء الاولي كافة حقوقها مع العدل قدر الاستطاعه......اتمنى الاجابه بكل صدق : 12
|
بما ان الاستفتاء للبنات وللرجال س / هل الرجل القادر اذا تزوج على زوجته لاي سبب كان يعتبر خيانه ونكران للجميل ج / من وجهة نظري لا س / هل معناة انه لايحب زوجت ج / قد يكون س / المراءه قد تكون مشغوله باولادها وحيانا عندها مرض في ارحامهااو تعبانه فيضطر الرجل للزواج الثاني مع اعطاء الاولي كافة حقوقها مع العدل قدر الاستطاعه ج / ليس على الإطلاق |
والله ياأنت ياصاافي النية مخربه .. مجرد التفكير بالعرس تعتبره المرأة خيانه .. يعني انت شينة ( المرة ) من هاللحين يعني خربته .. يالبي الشرع محلل اربع .. وإذا انت عارف إنك تبي تقدر تقوم بشروط التعدد .. فالله يقويك .. وإذا انت تحس إنه مافي أمل تعدل .. فأحسن لك امسك الأرض .. ونصيحيتي لك يالبي أم عيالك خلك بجنبه مادام هي مريضة .. فهي الآن اكثر حاجة لوقفتك معه .. لاتزود عليه الغثاء .. وتفكر بنفسك وتنساه .. وإذا كانت مشغولة بكثرة العيااااااااااااااال .. فماأتوقع انه جت من أهله وهي حاملة بخمسة .. ماجابت هالخمسة الا من عمايلكم الزرقاء .. كلكم مسئولين عنهم .. والمفروض تساعده عليهم .. وسلااااااااام ائليكم .. سي يو .. |
عزيزي ، إن من يعتقد بأن التعدد خيانة ، فإنه يتهم الرسول بالخيانة - وحاشا المصطفى - صلوات وربي وسلامهُ عليه .
|
يابو معااااااااااااااذ .. عااااااااااااااد مالقيت تشبه الا بالرسووووووووووووول .. عسانا نجي ظلااااااااااااال نعلة الرسول يالبي .. شبه صافي النية بابو سليمان ( الـــ ... ) اللي عمره هاللحين 70 سنة .. وتزوج 89 مرة .. يعني عدد زوجاته اكثر من عمرة .. وياليت الموضوع ينقل للساحة المفتوحة علشاااان نآخذ راحتنا هنااااااااااااك .. أحس كأننا واقفين عند باب قصر عروس ونحتسي ونتصدد كل شوي تطلع وحدة .. تعالوا هناك تعالوا .. مادام راعي الموضوع يقول للرجال وللنساء .. خلاااااااااص تعالوا عند الرجال .. سي يو .. |
.
. كتبت في أحد المواضيع عن سبب حب تعدد الرجال للنساء .. وكرهه عند النساء .. وكنت أعذر للرجال وأعذر للنساء .. وجعلت السبب الرئيسي هو عدم العدل بينهن .. ولكن ردت علي فتاة من بعدها لم أرى الموضوع حتى الآن .. وقالت في ردها : المرأة تغار على زوجه .. يعني أنت ما يرضيكـ أحد يشاركـك في زوجتكـ .. حتى المرأة ما ترضى يشاركها أحد في زوجها .. لعل هذا الرد عن ألف ألف موضوع .. ولا داعي بعد هذا الرد للبحث عن الحلول .. لأن الغيرة مزروعة في القلوب .. وإذا أردت أن تنزع الغيرة عن أحد فأنزع قلبه أولاً .. بعد هذا الرد أحيي تلكـ الفتاة على شجاعتها في ماقالته ونطقها في الحقيقة .. حتى أنا لُمت نفسي بعدها لماذا أكتب مثل هذهـ المواضيع .. وأعلم أنه سيأتي ممن يدّعون أنهم أصحاب عقووول كبيرة ويقول هذهـ قليلة أدب وإلا ما عندهـ حياء .. فكما لكـ رأي أيها الكبير بعقلكـ .. فلها رأي يجعل عقلكـ صغير عندها .. . . |
بـــصــــراحه مــــابي زوجــــــي يتـــــزوج علـــــي مــــــــاأبـيــــــــه بالعــــربـــي ..... ولو تزوج بموووووت قهررر .... أكيد مابي أحد يشاركني فيه .... اخوي هذا شي طبيعي .... وأنا بعد مستحيل أتزوج رجل مع مره .... مابي أنكد على زوجته وأقلب حياته ..... الشباب مالين البر والبحر وقفت على المتزوجين ....!!! وهي مو خيانه بس مانبي التعدد .... لا موشرط أنه مايحبها فيه يحبون ويتزوجون .... أذا عندي أولاد ومشغوله فيهم .... يكون بعلمه أنه هو اللي يبي كثر البزران ولو هي علينا كان ماجبنا الا 4 والـ 5 لاصار عمري 45 ونعمه ..... |
اقتباس:
تحياتي للجميع بالتاكيد لن يكون هناك موافقة من اي امراه الا اذا كان عندها خلل بالشخصية .. فمن الطبيعي والعقلي والفطرة ان ترفض الزوجة ان تشاركها امرأه اخرى مع زوجها وحليلها وصاحب دربها وحبيبها وعشيقها ..وكنت اتمنى قبل طرح مثل هذا التساؤل ان تجعل نفسك بهذا الموقف .. اعتقد انك لا تستطيع ان تمررها بعقلك .... صحيح ان النساء فتنه وان الشرع قد اجاز التعدد للرجال .. لكن خلونا نتخيل لو كان الوضع للنساء (بغض النظر عن المحاذير الشرعية .. هي تخيلات فقط ) للوصول الى احساس المرأه اذا زوجها اخذ عليها وحده ثانيه .. والله ياجماعه شي ماتطيقه الجبال .. تخيل طالعه من عندك رايحه لزوجها الثاني .. فعلا الله يكون بعونكن يالحريم |
هههههههههههههههههههه واوك .. تخيل تدق عليه وتقولك .. وش تبي لاتدق علي تبلشنا .. أنا عند رجلي الثااااااااااااااااااني .. الليلة ليلته .. كم مرة قلتلك لاصارت ليلته لاتدق علي .. انت ترضى يدق علي وانا عندك .. وإذا تقابلوا بمجلس .. ماأحد يسلم على الثااااااااااااااااااااني .. وكل واحد وده يفرم الثاااااااااااااااني .. وإذا حطت لوه مرزامين بالشماغ وانت مرزام واحد .. قلت له .. إيه تحبينه اكثر من .. حاطتن لوه مرزامين وأنا واحد .. ياسلااااااام بعد بعد .. وأنا قاعدن ادور شراااااابي الكحليات وأثر المليح جاري ( تاكهن ) .. بعدين وراه هاك اليوم تروحين معه لدورية عمومته .. وأنا تطلعين روحي ماتروحين معي للدورية .. وإلا إذا جت ليلتوه طرتي من المغرب طيران عنده .. وأنا ليلتي ماتجين الا الساعة 11 تقولين ازعبل هالعيال وادرسهم وأعشيهم .. مع إن عيالي أكثر من عياله .. وبعدين ترى مهوب على كيفتس إذا سافر يومين تروحين معه .. يومي ترى ماأحللتس ولا أبيحتس .. ماعلي منتس .. يومي تجين عندي بوه .. والله ياويلي ان تعااااف حياته .. تبي الجد .. ياشين ( نغر ) الرجاااااااااااال .. سي يو .. |
متحت هذي والمعزبة مهيب عندك , اجل لو هي عندك وش تسوي . :D
شوفوا يا جماعة : اللي يعتقد ان فيه امرأة تقبل أو تتقبل الزوجة الثانية , فهو مهبول . وانا اقولها لكم نيابة عن معظم النساء : نعم , زواج الرجل من ثانية , يـُعتبر خيانة , بل خيانة عظمى . لكن خلونا ناخذها بالعقل شوي ( مع ان الحريم ما فيه عقل بمثل هالامور , واحياناً دايم :D ) : العوانس والمطلقات والبنات عموماً كثرن يا جماعة , وذولي تراهن حريم مهنب قروده .. يعني تراهن يبن رجال . لا تجون تقولون لي : ياخذونهن شباب ما أعرسوا ؟؟!! هالجحلط اللي ما أعرسوا داااااااجين وكثير منهم مهوب كفو الصراحة , لا علم ولا دين ولا وظيفة .. يعني عور وينشق . وبعدين حتى لو قلنا ان هالجحلط يبون يعرسون , هل يبي يغطون كل هالحريم ؟؟؟!!! وهل يبي ياخذون مطلقات أو عوانس ؟؟؟!!! يعني بالنهاية , راح يبقى حريم أكيد . طيب من يبي ياخذهن ذولي ؟؟!! أتوقع الحريم المعرسات يبن يقولن : بكيفهن , بقليط , وش دخلنا بهن .. وانت تبي تصفي الملك . :D فأقول لهن : طيب , منب مصفي الملك .. بس حطن ببالكن انه ممكن بنتك أو اختك أو قريبتك تكون وحده من ذولي .. كذلك حطن ببالكن انه ممكن هاللي مالقن رجال يشبعونهن , ممكن يتجهن للمغازل أو أشد . فهل ترضن يا حريم ان حدا بناتكن أو خواتكن أو قريباتكن , يقعدن بلا رجل . وهل ترضن اننا " ننحرف " ؟؟؟!!! :D لأ , قولن : انحرفوا ازين .. قولن ؟؟! وه , اوجعتن اصابعي . : 12 وتقبلوا تحياتي 00 المتزن |
الله يرزقنا بوحده الحين ، وبعده الله يكتب اللي فيه الخير إن شاء الله :) .
|
اما الزواج الثاني فلا اعتقد انه خيانة... وطبيعي ان ترضى المراءة بزواج زوجها من ثانية في حال المرض... ومن ذكر أن الزواج الثاني للستر على المطلقات والأرامل فهذا مالا نراه.. كلام فقط والكثير من يتزوج الثانية يبحث عن صغيرة السن وجميلة أيضاً.. |
اقتباس:
أما اشتراط الجمال , فهذا طبيعي لأن الرجال اللي يبي يعرس , يبي يستانس وبرضه يبي ياخذ أجر هالحريمة . :) لأنه مهوب معقول الواحد يعرس على وحدة وهي ما جازت له . والحين وانا اخوتس حتى الحريم ( المطلقات والعوانس ) برضه يتشرطن !!!! يعني البلاء بالطرفين يا همس . :) وتقبلي تحياتي 00 المتزن |
اقتباس:
أنا لو عااااااااانس ماخذ رجل معه مــــــــره ..... لـــو مطلقه ماخذ متزوج مستحيللله ..... يعني خلصوا الرجال .... أتزوج مطلق , متوفيه زوجته , كبير بس بدون مره , أي شي لو أخذ أي كلام بس ما معه زوجه ..... مو لازم وظيفه أهو شي ولد ..... ياخي أنا متزوجه ليه عشان أستانس مو عشان الهوش والغيره اللي تموت الحال .... يكون بعلمك أني لسى ماتزوجت ...... ولا أرضى لزوجي بعدين يتزوج علي ...لو مهما صاااااااااااار |
| الساعة الآن +4: 10:43 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.