|
إقترااااااح لكم ياشباب بريدة .. سي يو ..
السلااام عليكم .. هلا بشبااااااب بريدة .. في فترة الصيف تكثر الزيجااااااات .. والزوااااجاااااااااات .. ويمكن أنه بكل يوم يصير ببريدة من 20 الى 30 عرس .. او اقل او اكثر .. ولعلي اقترح عليكم هنا بإقاااااااااااامة زواج جماعي .. لايروح تفكيركم على طول للشيعة .. لإنهم هم اللي يتزوجزن جمااااااعي .. لإن بعض المدن مثل الطائف وغيره بدت تطبق الزواج الجمااااعي .. فالزواج الجمااااااااااااعي يقلل المصااااااااااريف ويوفر على الشباب .. ويمكن أن يطبقة بعض الشباب اللي يعرفون بعضهم البعض .. وعلى سبيل المثال .. عندنا وبهالمنتدى اربع الى خمس أعضاء يبي يتزوجون بهالعطلة .. فمالمانع إنه يصير زواجهم جمااااااااااااعي .. مع الحرص على التنظيم الجيد والدقيق .. علشاان مايجي واحد من الشباب ساحبن وحدة .. ويطق على خويه ويقول .. ياخي هذي حقك وطلع اللي عندك تراه حقتي بس غلطانين الشباب المنظمين .. عااااد تصير اللي عنده ازين همن يقول لايالبي ماعنديلك شي .. رح راجع اللجنة .. وإلا اقولك راجعنا بكرا .. همن يصبخ بالباب .. ولا أنسى أن أوضح لبعض الهدور .. إن الزوج الجماعي ماله دخل بالنقل الجمااااااعي .. :D :D :D ياليت كل واحد يدلي بسطله .. عاااااد لو تقولون يامدحت ياسطل :D لاعمرك تقترح .. وسلاااام ائليكم .. سي يو .. |
أقتراح منتاز بس شف لو يخلون من باتسر عرس ثاني لكل واحد بلحاله لأنه ماله طعم أربعة جميع معرسين بقصر واحد ما يعطونك الناس كرت شكرن على اقتراحاتك المنتازة الشاكر لك أبونادر |
للبيـــــع الموضوع ..!
|
اقتباس:
هههههه ههههه ههههه هههههه النقل الجماعي هو نفسه النقل الجماعي ياحبيبي ! هذا سطلي ولكلً سطله لا أحد يبلشنا أولا ( نحتاج الكثير لنفسرها دعوها على غموضهاً ) |
الفكرة هذه موجودة في جميع أنحاء المملكة ولكنها عادة ما تكون داخل نطاق العمل الخيري وأنا أُأيد هذه الفكرة على أن تطبق داخل محيط الأسر (أي أن كل أسرة ترتب زواجاتها بحيث يكون زواج جماعي) فإذا كانوا من أسرة واحدة كان ترتيب هذا الأمر أسهل وأقل أخطاءاً وكان تقبل المجتمع لها أكثر وإن كنت أتوقع بأن مجتمعنا النجدي لن يتقبله بسهولة وإن كنت أرى أن كثيراً من الناس -ولله الحمد- يجعلون زواجاتهم عائلية ومختصرة فهذا أفضل من جهتين إحداهما إراحة الناس من الإحراج والارتباط بمواعيد الزيجات فيخسر إجازته كيلا يغضب منه أحد ومن جهة أخرى فهو أقل كلفة وأسهل مؤونة بوركت أبا إبراهيم على طرحك المتميز ولا حرمنا الله إبداعاتك |
أقول يادببببب
لاعمرك تقترح لا أللحين بـراشدي أن يستدير راسك ولا تدري يابعدي والله أبـ أقول السراحه أنه كل واحد وده أنه يكون لحاله ويتهنى وكل واحد وده يكون له زفه لحاله مثله مثل الناس سييكرن ولا عمرك تقترح لابـ .. |
وين يا مدحت هذا وليدي ما ابيه الا مستانس و بلحاله بالقصر اجل وشلون معه اربع معرسين لا و الله هذا وليدي الكبير لازم نفرح به لحاله والله عجيب اربعه جميع و شف هالزحمة و الناس و بعدين يله العشاء على من و إيجار القصر من يدفعه [ كلام احد امهات الأربع ] :) |
وعليكم السلام ورحمة الله وبركاته الأخ الفاضل ... أول شيء فكرة الزواج الجماعي يمكن مقبولة نوعاً ما بس لاتنسى ان أغلب أهل نجد ومنهم القصيم الزواج يكون على أهل الزوجة !! وبعضهم يبي حريم والبعض الأخر مايبي الا رجال وهذا الأفضل ،، ................. شيء ثاني بقوله لك وبصراحة انه عتب على أخ مثلك فاضل وتطلع منه هالألفاظ ((ساحبن وحدة)) ((هذي حقك وطلع اللي عندك تراه حقتي)) !! يعني الشيء أسلوب ولباقة وذوق في إختيار الألفاظ .. وشو يسحبه ياكافي بهيمة هي حتى البهيمة يُحسن الواحد معاملته .. وشلون بأنثى كتلة من الإحساس والمشاعر تقول عنها ساحبها أو هذي حقتك عطني حقتي !! ... وراك شارية من سوق الغنم !! الله المستعان |
8 8 8 :eek: [line][/line] أي والله أنه أقتراح أبن ست وستين كلب :098: على الأقل الواحد يموت ولا له بالديون و وجع راس بالقبر<<<تفكر بعيد! بس تعال يا بعد معاليز ألبي ترى حنا من اليوم وراايح و حنا نتبع طريق (( المظاهر )) و أخر شي نفكرن بوووه هو راحة المعرس:bad ؛ واحد من الشباب الله يوفقه زواجه بنهاية الأجازة و بفندق وسفر خارج وللحين ما لقى (( بيت )):098: يا أبن الحلال مانبي جماعي مدري أقتصادي نبي الترفق بــــ التشرط اللي مالم أبوه داعي :mad: ولا وشحيثنه حصيص مهرها ستين وسفر خارج وبنتي لا... مدت..:026: يا مدحـت هل أنتَ توحيني..؟ العرس الجماعي من يومي أمص جمعي و الناس تطالب بوووووه بس أقولها لك و أنا (أعــرمش أندومي )!! أستحالة يصير..يعني فكرك أهل الطائف مثل وكاحة أهل نجد.:062: مقلع غفر اللهُ له. |
... أعتقد أنها فكرة لم يتأقلم بعد معها المجتمع النجدي .. و لكن لا أستبعد رؤيتها في السنوات القادمة ، و في الأسبوع الماضي تزوج اثنان أو ثلاثة من أبناء القصيم في ليلة واحدة .. |
للأسف يا مدحت أنا شخص غير مقتنع بالزواج الجماعي لأكثر من 2 يعني زواج 2 وبس الصراحة صفة معرسين يعني ماتدري من هو العريس اللي جايين لمه ( إذا كنت من طرف البنت ) |
اقتراح جميل جداً لكن مثل ما قال الصمصام أن المجتمع النجدي لم يتأقلم معها ,, وعندكـ شيبان والله لو تغير الجدار ما غير رايه .. شيكرن |
اقتباس:
هلا بالبي ابو ناااااااااااااادر .. يابعدي انت مادامهم يبي يحطون من باتسر عرس لكل واحد .. اجل صار العرس الجماعي زود خساير بس يالبي .. يابعدي انت .. شكراً لك على حضورك .. سي يو .. اقتباس:
انت شكلك شريطي يالبي .. ياحبيلك يابعد معاليقي انت .. |
اقتباس:
ابو هشاااااااااام .. الله يخلي لك هشاااااااام يابعدي .. احس إنه ابيض وقشطة ومزيون وكله ملح .. بس شكله تسبير طويل عريض ومابخشته ولا شعرة .. مادري وراه اتخيله تسذا .. يمكن علشان إسمه هشام .. يالبي يابو هشام .. النقل الجماااااااعي يفرق عن النقل الجماااااااعي .. النقل الجماعي هذا .. معناه هو شركة سابتكوا .. اما النقل الجماعي الثاني .. فهذا يختلف .. اول شي .. النق .. مهيب ( لا ) .. لإننا درسنا بأولى متوسط إن النق لازم يصير تربيع .. والجماعي .. يعني الجم اعي .. وهذي بدوي إسمه اعي .. والجمه واحدن من ربعة .. والجم هنا بمعنى اسكت .. :d لازم يالبي تفرق بين الكلمتين لااحوس مريرك هاللحين .. ومشكور يالبي .. سي يو .. |
| الساعة الآن +4: 05:15 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.