|
يعني هذي حالتنا إذا نقص ( الرز ) .. سي يو ..
السلااااااااااااام عليكم .. هلا والله بالشباب .. والشابات .. الأحياء منهم والأموااااااااااات .. ياهلا والله بأهلي كلهم .. ياشباب أنا لي يومين وكأني اتكلم مع خشمي .. ويوم رحت للمستوصف قال لي الدكتورة شي غريب .. يقول انت عندك اللوزتين .. الصراااااحة إني انا انشطب مخي .. وهل فيما اذا لو .. انتم تسذا مثلي عندكم اللوز....تين .. ياجمااعة انا خابر اللوز لوز .. والتين تين .. وراه انا فرقعين جدي .. عندي ( اللوز ) صايرن ( تين ) يادافع البلى .. مير الظاهر إني ابمكعهن وأجدعهن وارتاح منهن لايصيرن باتسر ( اللوز ) ( جح ) :D الأمر الثاااني والمهم وهو اللي انا كاتب هالكلاام علشانه .. يانااااااااااااس وش اللي صاير للرز .. الصراااااحة إن اللي يصير هاليومين ماهوب معقول .. يعني معقولة الرز يرتفع الى هالحد .. ويصل الى اسعار خيالية .. http://www.alwatan.com.sa/daily/2005....p14.n1472.jpg أنا ماادري وش السالفة .. هل هي اسعار عالمية .. أو لعب تجار خارجي مع تواطئ من تجار الداخل كالعاااااااااااااااااادة .. او الهنود هجت بهم وتركوا الفلفل وطاحوا بالرز .. الغريب إننا مانشوف تدخل حكومي .. مثل التدخل في الشعير .. وكأن ( الرز ) حاجة أي كلاااااااااااااااااااااام .. وهو اللي يعتبر ( القوت ) الرئيسي بالسعودية .. مع إن ( الرز ) للأوادم .. والشعير ( للبهايم ) والصراااااحة إني خايفن إن هالسنة يصير السحور تونة .. والله اعلم .. إن هالسنة بعد زكاة الفطر هالسنة ( مكرونة ) والله يستر لانصير باتسر نبداء نشري الرزبالحبة .. http://www.6abib.net/pic/uploads/a453d09826.jpg تلقى الواحد يدخل للبقالة ويقول : لو سمحت يالحبيب .. عطنا ( ست وعشرين ) حبة رز .. ويطلعهن البايع .. ويقعد يعدهن له .. ويحطهن بكيس ويقول خذ .. وعدهن هنا قبل لاتروح .. ترى إن رجعت وقلت لي ناقصااااااااات مانيب معطيك شي .. <<((== تقول ماخذن قروش من بنك .. ست وعشرين .. <<((== يطلع البايع مصري ويقول .. عايز ايه بالست يامال الزهااااااااااب .. ويطلع الرجاااااااال ويروح لبيته ويدخل وينادي زوجته .. تعااالي يام الشباب خوذي هالكيسة به ( ست وعشرين ) حبة رز .. حطيهن بالخزنة بين القروش .. وبعدين تعالي .. شوفي تراي عادهن عد .. ابيك هاللحين تقسمين بالله قدامي وتقولين .. أقسم بالله .. اقسم بالله .. أن أحافظ عليهن .. أن احافظ عليهن .. وأن اطبخهن لي ولعيالي .. وأن اطبخهن لي ولعيالي .. وأن لااتميلح واعطي اهلي منهن .. وأن لااتميلح واعطي اهلي منهن .. وأن اوقع على إستلاام كل حبة .. وأن اوقع على إستلاام كل حبة .. والله على ماأقول شهيد .. والله على ماأقول شهيد .. يالله خوذي ثمان حبات وسوي لنا منهن غداء اليوم .. ****************************** عاااااااد وإذا جاء وقت الغداء تشوف الواحد يمسك حبة الرز بإصابعه وكأنه يبي ياكل صامولية من قوة التركيز .. والأم تنااااااااادي عياله .. يالله ياعيال تعالوا للغداء .. اليوم حاطين ( رز ) .. ويجونك الشباب يقرشون كلهم مع الدرج .. وكأني بهم وهم يقولون .. اوووووه رز .. اووووه رز .. والأبو يقولهم : اسمعوا ياعيال الذين امنوا .. ترى هالرز ماجاء ببلااااااااااش .. جااااي بعد عد أيمان وحلوف .. ترى اللي يبي ينثر حبه بالسفرة .. والله ماعاد يذوقه .. نعطيه أندومي ويخب عليه بعد .. واللي يبقى مايحط للدجاج .. هاليومين حنا اولى من الدجاج .. وبالنهااااااااااية اقول : اللهم لاتجعل الرز تكبر همنا .. وسلااام ائليكم .. سي يو .. |
مشكوور أخــويـ : مـدحـت والله ياأنا تقطعت تسبدي على هالصبح من الضحك أما (( ست وعشرين )) والله انك منسم محبكـ 0 0 |
هلا ومرحبا استاذ مت حت
يااااخي حراااام عليك كل هالقصه عن حبت رزيزه واحده لو ابي اطبــع كلامك كان صار 10 ورقات يااااكثر هرجك توووك تثبت انك مصري بحق وحقيقه ذكرتني بالباشا اللي قاعد ببقاله بحينا اذا تكلمت عن الصحه صااار دكتور متقاعد واذا كلمته عن الفضاء قال انه كان يدرس بالطيران واذا كلمته عن .......................... الخ المهم ماشا الله عليه قااااااموس لسـاااان وبعد ين تعال ياااامت حت يااااخويه انتبه تشيل اللوزتين لانه فيها خطر>>> طبعا الكلام منقول من الباشا طبعا رايح تقول خطر كيف ؟؟؟ انا بقولك يقوول الباشا ان اللوزتان من فوائدها تستخلص السموم من الجسم وتخزنها و000000000 اقوووول انا كثر هرجي ضحكت منك انت والباشا وبلاني الله والمثل يقول لاتضحك الا من ((( مصلي وصواااام ))) اكمل ولا خلاص يا متحت ياااخوي |
ماشاء الله عليك هههههههههههههههه اجل اللوز جح مشكور عالموضوع والرز ارتفع ارتفاع ناري محبك |
هههههههههههههههههههههههههههههههههه ..
هههههههههههههههههههههههههههههههههه .. شفت أن ما بك ملح .. أعوذ بالله .. أجل تحري اللوز اللي عندي وش يطلع .. الله يستر لا يطلع برشومي .. تسن صتز عاد أروح فيها ... أقول خل عنك الرز بس .. مشتاقين لخشك يا خلفهم .. سير خل نشوفك يا بعدي .. مبطين عنك والله .. |
مدحت شوقي بريده جزاك الله خير اقوول تونا نعرف قدر الرز. قبل اسبوع اعلنا حاله الطواري بالبيت والخطر القادم وصل الدرجه الخامسه . وهي اعلى الدرجات على الرز. مانطبخه الاوجبه واحده حتى يفرجها ربك . وتفقنا على حضور جميع الزوجات في هذه العطله حبا للرز وتوفير للمصاري. |
هلابيييييييييك عاااااااد تخيل تروح لناس بعزيمة حاطين لك سليق وإلا تروح لم عرس تلقى عشاهم مكرونة طاعوووووووووش ما فيه امل تجي ابد بس حنا مشكلتنا ما نعرف قدر النعمة إلا إذا فقدناهـ ( اتدري بتقولون ما فقدنا الرز بس انه صاب شيئ من حالات التوتر الهستيرية التي صاحبت ارتفاع اسعار الارز مما ادى إلى تدخل عثيمي برفع السعر اكثر من اول بحجة البيع بسعر التكلفة حسن كراني يسلم عليكم ) |
هههههههههههههه
ايه والله انك صادق همن لارحنا للبقالة نقول نبي رز ابو كاس قال ما عندنا الا ابو فنجال معا لرز رخيص |
. :D:D:D:D:D و هل قال لكَ أحد(ن) من العالمين بأنك منسم:D تخيلت عاد إذا جينا نشري بالحبة, نقعد نساحروه يعطينا شي(ن) زيادة:rolleyes: نساحر وهو يعيي.ونساحر.وهو يعيي لين بالأخير يعطينا كسرة حبة:D:D:D بس أعلمك أن الرز بيقعد ينافس الذهب بالمحافظة عليه :re لكـن بما أن (( الطبقة العادية بالسعودية أرصدتها بالملايين! )) علينا أستبدال الرز بكبسة المعكرونة. وسحور هالسنة أشكوى لله شكلها يا معكرونة يا ( أندومي):eek: مقلع غفر اللهُ له يقول.: من غيب خطي يا عيال الأيه:09: |
ههههههههههه ..
|
أجل ست وعشرين حبة ..
رحم الله أبازرنخة .. كان يعد حبات الشعير عدا .. ثم أتيت من بعدهـ يامدحت تحذو حذوهـ .. ألا على طاري اللوز أنا أشور عليك أنك تشيلهن وترتاح .. لأنك إذا جيت تبي تشيلهن يبي يعطونك قحشة عسكريمات .. فـ شوري عليك أجزم ولا يردكـ أحد .. :d شكراً ليييييييييكو |
اقتباس:
هلا بالبي الرااااااااااااااااااااحل .. يابعد معاليق شدوقي انت بعد .. ياحبيلك يابعدي أنت .. وشكراً لك على .. |
والمشكلة يقولون أنهم ريضين بنا والرز يبي ياصل إلى أسعار خيالية بس ماودهم يفاجئون المواطن ويبي يخلون الإرتفاع تدريجي الله يجعلهم يمسطون مع درج الإستاد عيال الجحش :D صايرن الشعب مهكاكة عندهم من خساير الأسهم إلى ارتفاع العقارإلى الأغذية .. مدري يبوننا نموت جوع نمشي بالشوارع مصلوخين ننام على الأرصفة ولو أن الدعوى ماتاصل لهالدرجة ولله الفضل والمنة لكن دولة به أكبر مخزون نفط وفائض الميزانية يخلي كل فرد بهالديرة يعيش ملك مب حرام ينقص ظهره بالديون تلاحقه القروض مع كل جهه يتمنى بيت مُلك ؛؛ ونجوم السماء أقرب له على وضع الجشع اللي يصير وبعدين ماتسلطوا يرفعون الا الرز يعني خابرين مجتمعنا هذي وجبته الرئيسية مانعرف لاصحون مشاوي ولاحمص ولا أي شي ثاني .. ماغير يمكن مكرونه باشميل ناكله مرة بالشهر ونصوره وننشره بالبلوتوث من قوة انه غريبة .. ايييييييه يالدنيا السعودي اللي لاحطوله بادية الدفان يضرب بخمس لا بملعقة يبي يخلونه يبدى يوزوز لاشاف لقمة الرز ويتذكر الأيام الخوالي همن بكل حسرة يغمس التميس ببيالة شاهي :bad اهئ لكن أملنا بعد الله برجل المواقف أبو متعب يضع حداً لارتفاع الأسعار ولعل اللي صار سحابة صيف تذكرنا بنعمة الله ويرجع عقبه المياه لمجاريها وشكرا مدحت يافرخة قلبي |
مشكور
اخي / مدحت |
| الساعة الآن +4: 03:38 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.