يقالك سامي الجابر .!
 

يقالك سامي الجابر .!







تدرون يا إخوان إني في يومٍ من الأيام .. وفي ليلةٍ من الليالي ..
قبل ما أروح للشباب في طلعتنا الأسبوعية اللي يوم الثلاثاء ..
كنت مار سوق تمور الربوة أنا وولد عمي ..

دخلنا السوق .. ورحنا لمحل معين ..
وصلنا المحل اللي نبيه ..
وقفت أنا وولد عمي نسولف مع راعي المحل (طبعاً راعي المحل واحدٍ نعرفه) ..
المهم وحنا نسولف ..
إلا ويجي اثنين من القناة الأولى ..
واحد مصور والثاني مقدم ..
وياقفون عند المحل اللي حنا واقفين عنده .. ويناظرون التمر ..

عاد قالهم عاد راعي المحل (خوينا) : سوو مقابلة معي .. وسوو دعاية لي ..
قال المقدم: لا ماراح نسوي معك مقابلة ..لأنك أنت راعي المحل .. وحنا نبي زبون ..
ويلتفت علي وقال: ودنا نقابل مع هذا أبونظارات ..
أنا ألتفت عليه .. وكشرت .. وصديت ..
قالي: وش فيك كشرت .!
قلت له: أنا ماحب التلفزيون ..
قالي: الحين يقالك سامي الجابر ..
أنا سكت .. لأني أكبر من أرد عليه برد ثاني ..
ويلتفت المقدم لولد عمي ويقول له: نبي نقابل معك أنت .!
قال ولد عمي: مابقى إلا هي .. أطلع على التلفزيون السعودي .. تبي تفشلن أنت .!
المقدم بصراحة استغرب من ردودنا .. سكت هو وخويه وراحوا ..
حنا أخذنا غرضنا .. وطلعنا من السوق ..
رحت لبيت ولد عمي .. وحطيته عند البيت ..
وأنا رحت للشباب في مكاننا المعهود ..




الخلاصة:
ليش التلفزيون السعودي مستحقر .!
هل حنا بس اللي مستحقرينه .!
أم بسبب ضعف مايقدمه .!
أما ماذا .!

ولماذا رد علي المقدم .. وقالي: يقالك سامي الجابر .!
مالهدف من قولته كذا .!





أترك المساحة الباقية لكم ..




كتبه الصباخ
بتاريخ 4/9/1428هـ
الموافق 17/9/2007م








ودمتم سالمين ،،

وش دعـــــوى أكبــــر من أنكـ تــرد عليه !! يمكنـــه يمزح والا شــــــي؟ ...

بعــــذرهـ يـــوم أستغـــرب ... بســـم الله أحس أنكم نطيتــوا به ... الله أعــلم مدري >> خافت

أرجــــو أنكـ تقبــــل نقدي بصــــدر رحــــب أخوي الصبــاخ

:
دمـــــــت.

أنا أحد الأشخاص الذين يستحقرون التلفزيون السعودي .. وذلك بسبب مايقدمه من برامج تافهه بكل ماتعنيه الكلمة :) ..








:cool: شكراً لك يا ألبي على هذه المدحة الجميلة ..


ياخي أنا قلت إني ماأحب التلفزيون والطلعت قدام الكاميرا .. تبي تغصبن أطلع يعني .!

بعدين بصراحة التلفزيون السعودي مافيه أمل أطلع فيه .. يعني لو هو تلفزيون ثاني .. ممكن إني أفكر أطلع فيه :cool: ..

اخووووي كان ماسوي دع وقلت له اعذرني

هو موظف مهب تروح تكشر بوجه الله يصلحك تقل اصغر عيال اهلك

اعتذر منه بكل ادب مثل ماهو طلب منك انت اعتذر منه

تقبل مروري

دمت في محبه

ههههههههههههههههههههههههه

وش عنده .. مايتنازل يطلع بالتلفزيون ...

مهوب عاقل مقعراتي ... ههههههههههههههههههههههه

أجل كشرت ؟

ياحبيلك يأبو ريم ... وه بس ..

قسم بالله مالك داعي ترفض المقابلة ..

أما بالنسبة لقوله يقالك سامي الجابر ..

فأتوقع أنه يحب سامي الجابر .. لاكن المفترض يقول .. يقالك الجني العبد ... هوع هوع ..

والله أنك دولي يأبو ريم ..

عاد أعرفك من يوم وأنت صغير .. وأنت ماتقابل إلا cnn ولا المنار ..

هههههههههههه

..

أهلا بالصباخ ..

ياليتك ماكشرت ياشيخ .. :)

وش هو قايل .. وش ذنبه .. اللهم أنه مذيع .. كما قالوا الشباب .. :)

الإبتسامه أقل كلفه من الكهرباء وأكثر إشراقا منه ..

.

.

:)

هههههههههههههههههههههههههههههههههههههههههههه

والله اعلم

غريبه سعودي ومايبي يترزز قدام التلفزيوون
اخبر لاجابو مقابله بسوق انواع المقاريد يتدعسوون ورا المذيع واللي يقابل معه ooo1
يعجبني ثقلك واريحيتك :d :d

.