|
$$$$ . . . . . زوجتي لعبت علي . . . . . $$$$
أنا لا زلت أبحث عن زوجة . . . . أخبرني من أثق به فقال : لقد أزعجتني العام المنصرم بكثرة الذهاب للسوق في رمضان ( يقصد زوجته ) لكن هذه السنة قلت خلينا كويسين و نحل المشكلة من بدري شاورت بعض الرجال شرواكم حول الحل للمشكلة فنصحوني بأن نشتري أغراض العيد في شعبان وفعلا ذهبنا للسوق واشترينا وقلت الحمد لله سنرتاح هذا العام من السوق لكن في أول يوم في رمضان قالت زوجتي بقي نعال للبنت و ما أدري إيش و طولت الكلام ... قلت لنفسي خلينا نوديها هالحين قبل الزحمة . . . وديتها وبعد أربعة أيام قالت لي : ترا ثوب البنت يبغى له تطويل شوي فلازم نشتري قماش و نخيطه على الثوب لأنه قصير ، يالله ودني للسوق . قلت بنفسي ثوب البنت قصير ما يصير . . .لأ . . . لازم نطوووله علشان حنا ما نصير قدوة لغيرنا بتقصير الثياب . و رحنا للسوق بعد أيام قالت لي : الشيخ المنجد الله يجزاه خير أرسل رسالة يقول فيها إنه أحسن الوحده تقضي أشغالها قبل دخول العشر . فااااا وش رايك البلوزة حقت البنت ما تناسب للبنطلون وودي أشوف شيء يناسب و إن أختي نورة تقول إنها شافت بلوزه تهبببببل بستي ماكس . فاا وديت المره للسوق دخلت العشر المباركة . . . أنا عندي طاري روحة للعمرة . قالت شف قبل ما تروح للعمرة ، لازم نروح نودي القماش لشهيرة علشان يسوي له تكسير ثم نخيطه على التنورة . . . رحنا بعد يومين ... زوجتي : ترا القماش قضى ... رح لشهيرة و دور خياط يصلحه ويطلع قبل العيد و . . شف الله يعافيك تراي عندي قماش يصلح تنورة لبلوزة عندي ودي ألبسهن يوم العيد باليل . إذا جيت تروح للخياط خذه معك لا تنساه أعوذ بالله . . . ليلة العيد عندي أربعة مشاوير اثنين منهن لخياطين والثالث لمحل نعال و الرابع لزكاة الفطر بعد هذا كله . . . اكتشفت إن زوجتي لعبت علي والله يا أنا كمخه لكن هين الوعد السنة الجايه نبي نشري الأغراض بشهر رجب و نرجع و نبدل بشهر شعبان . انتهت القصة في الختام . . . قال تعالى عن الشيطان ( إن كيد الشيطان كان ضعيفا ) وقال عن النساء ( إن كيدكن عظيم ) |
أشعة في بلقع يا اخي اللي يخدم زوجته واولاده ما يسمى كمخه وليست الزوجه لاعبتن عليه بالعكس والله انها هي المعزة الذي يخدم اهله في رمضان وغيره |
يقولن وودهن بس يعجزن كل الحريم الا من رحم الله كذا !!! لاكن ما ينلامن ::: وعلشان ما تقولون اني محايد مع الحريم ؟ انت تروح براسك للسوق وتجلس يومين علشان تخيط لك ثوب ابيض والله يكرمكم جزمة سوداء وتطقم لها شراب اسود وشماغ وماركة معروفة وتحمد ربك !! اما هي مانب رايح اتكلم عن اغراضها !!! ابتكلم عن اغراض باطفالك ويالله خذ تطقيم من هذا جزمة ومن ذاك شراب وبنطلون وابلش بالقيمص اللي يركب على البنطلون فما بالك اذا صار عندك خمس اطفال حفظهم الله . هذا كله كوم والكوم الثاني العروض والموديلات اللي ينزلوها اصحاب المحلات ما تجي الا قبل العيد باسبوعين وفيها !! يعني الوقت هذا يلزمك اثياب دافيه لو رحت قبل رمضان تلقى عندهم كلها بضاعة الصيف ، يعني ما تصلح للوقت هذا ، وتصريف من الستوكات قبل الشتاء !! و انا اتفق معك انه لازم نزيد من ثقافتنا التسويقية بشكل اكبر وهذا ........... !!! تقبل تحياتي |
بصراااحه أخووووووووي هذا واجبك
لكــــــــــــــــــــــــــــن يبدو إن الرجل شخصيته ضعيفة شوووووووي!!! علشان كذا صارت حياته رايح جاااي للسوق الله يعينه!!! |
أشعة في بلقع...
أنا وإياك كمخ ودراويش وما عندنا سالفة ... لو قلت منقول لضننت القصة قصتي!!! |
الشكوا لله وشنسوي
|
قال صلى الله عليه وسلم :
{ خيركم خيركم لأهله وأنا خيركم لأهلي } مع اني ماتزوجت ولا شيء . . بس هذا لازم . |
مواااال يتكرر سنويا . .
|
الحمدلله انك قلت الاغراض لزوجتك وعيالك
انا استغرب من اغلب الازواج والاخوان اذا قالو لهم اهلهم ودونا او جيبونا قالو مالنا دخل دورو احد!!! وزوجي اولهم يعني اذا ماوديتني انت واخواني بلشين بعيالهم وش اسوي بعمري وعيالي!!!!!!!!!! |
قايلكم خلوا الحريم يسوووقن <<<< مدخل علماني هع هع |
^
^ حتى لو المرة تسوق لاازم معها محرم ولاتطلع لحاالها ..!!!:i125 |
اقتباس:
^ شقصدك حاط هالآيتين؟؟:( يعني المرة تقصد تتعب رجلها ؟؟!!:confused: غريب فعلاااا .. ألحين تكشخ عيااله وترزهم صاارت .. تكيدله !!!:eek: عالعموم الله يعينه .. ويعين الجميع وشكرا |
الحل عندي
سمعت انه فيه حبوب نزلت جديده للسوق تخلي الحرمه تكره السوق |
اقتباس:
يا أخي الكريم تبي تطول لو كل ما قالت لك قلت مشينا قلها إذا دخل رمضان ترى ما لك إلا روحتين للسوق بس تقضين فيها كل أشغالك وغير الروحتين ما فيه لو تعيدين بمريول مدرسة ، وشف بعد كذا تلقاها خلصت أمورها من الروحة الأولى . والله يعينك |
| الساعة الآن +4: 02:26 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.