|
طالبات آخر زمن..
السلام ...
أنا حاليآ معلمة في إحدى الثانويات ببريدة تفاجأت بقلة حياء (بعض )الطالبات "انتبهوا أنا قلت بعض علشان مأظلم" في آخر الدفتر العجب العجاب تمنى الزواج من شخص معين وتكتب مواصفات اللي تبي بكل وقاحة رسائل غرامية وأشياء ماتنقال أنا درست بالرياض وكنت أتمنى أنقل لبريدة ( قلت ان شاء الله أحسن طالبات) ونقلت بس للأسف ماتوقعت الطالبات كذا |
عجيب ! الله يعينك ... من جدك انتي؟ يالله الصراحه وقاحة >> بس وشو له تشوفين دفتره ؟؟ الله يعينكم يالمعلمات الحين هالجيل كخ>> وانتي من العصر الحجري ذذ |
دلـ(ماما)ـوعة*
>> بس وشو له تشوفين دفتره ؟؟ الدفتر من حقي إني أشوف كل صفحاته .. |
والله .. أشوى ان ماعندي دفاتر عشان الابلا ماتشوف حوستي >> طبعا حوسه ادب ..:d والله وطحنا به آثاري المعلمات قبل يفتشوون ذذ |
من جد قلت أدب ((الله يستر عليه ))
((يوم كنت أدرس دفتر مافيه أيهذي الخرابيط الحمدلله )) |
ما تدرين إننا بزمن الإندلاق من القوقعة الفكرية ..
يعني هذا التطور اللي يقولون ... الله يستر من العواقب الجاية بس ... طيب عطيهن درس عن هالأشياء نصيحة وخليتس فالته معهن خصصي حصة تراهن يتأثرن بسرعة .. . |
يووه ذكرتين يوم اني بالثنوي كاتبه ورا بدفتري مقاضي امي
طماط ,, خيار ... الخ وشافته المدرسه وحطت استفهاام وش كبره:bad طاح وجهي |
خخخخخخخخخ
انا مرة حققققققققققدت على معلمة قهرتن بس تهوشن اومير امسك وراء الدفتر و اكتب حششششششش و ان ابلا فلانه -اللي له الدفتر- به وبه وبه و متسلطة و الله لا اسوي و اقول بس مدري قرت اللي انا اتبه او لا |
ولماذا الاستغراب من هذا التصرف ونحن في زمن الإنفتاح ولكن ياأخيتي إنها صيده فلا تنفلت من يديك فقربيها إليك بلطف وود و ابتعدي عن( همجية بعض المعلمات الشدة والتوبيخ ) وهل أهل القصيم صحابه يمشون على الأرض كما يظن بعض الناس :confused: |
برضوه الشكوى لله
وش نسوي هذا الجيل التالي بمدرسة بنت خالتي بالمتوسط متعيدين بعيد الكفار الاسبوع الماضي وجايبات قاتوهات وشموع وحركااااااااات شي فعلاً يضيق الصدر وتقليـد أعمى |
اعجبتني ردودكم وبعضها ضحكني ...
ياليت البنات اللي عندي مثلكم .. |
لاحول ولا قوةالابالله....
|
شكل الطالبةتبغاك تعرضين طلباتها على المعلمات ان كان الطلب موجود
هههههههههههههههههه استغفرالله الله لايبلانا |
| الساعة الآن +4: 03:07 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.