|
كلمات ملطوشه من مذكرات طفل
السلام عليكم ورحمة الله وبركاته هذه كلمات وجِدت في مذكرات طفل كتبها بعامية اللغه..ودهشة السؤال؟ السبت فتحت عيوني..أدور عن نور.. أمروني:(غمض).. و...غمضت..بعدها ما شفت لا أبيض ولا اسود! الأحد كنت أسمعهم يقولون:( ألعن أبوك ! ) ,( يا حمار) ,( يا حيوان), (يا ثور) ( يا بقرة),( يا لوح),( يا جدار)... فتوقعت اني في حديقة حيوانات.. فتحت عيوني ابغى اشوف هـ(الحيوانات).. قالوا لي:"ما يصلح تشوف قلة أدب".. سألتهم:طيب..في عصفور؟؟ صرخوا في وجهي: ( انطم وغمض )..!! الاثنين سمحوا لي اشوف التلفزيون..كنت لحالي منسجم مع أفلام كرتون.. دخلت امي..وكان ابو عائلة ادمز( يبوس) أمهم.. ركضت امي ..غيرت القناة..وصرخت بأعلى صوتها.. "عيب عليك..قاعد تشوف قلة أدب..!!" ناظرتها بكل براءه وانا متعجب من اللي صار:" طيب وش صار؟؟ أبوهم يبوس أمهم!.." قالت لي وهي معصبه مرررررره (التبويس..قلة حياء!!) بعدها بأسبوع..شفت امي تسلم على ام الجيران و( تبوووووسها ).. قلت لها وانا كلي أسى"يا ماما..التبويس قلة حياء!!.." الثلاثاء كانوا بنات خالتي عندنا..وكنت الولد الوحيد اللي يلعب معهم.. وأبوي بس يبحلق عيونه فيني وين ما رحت ووين ما جيت.. بعد ما راحوا..ناداني أبوي وقال:"عيب الواحد يجلس مع بنات..قلة أدب..!" بعدها بكم يوم..كان أبوي جالس مع عماتي..ناظرته بطرف عين (وتبون الصدق حقدت عليه).. وقلت له:"اللي يجلس مع بنات..قليل أدب!!" الأربعاء كنت اسمعهم يقولون(صدام قوي)..وأعجبني... بعد الأزمه..قالوا(حرامي ومجرم).. سألتهم:كيف؟؟!!.. قالوا:"حرامي ومجرم..وبس..واسكت..!" وكنت أسمعهم بعد يقولون (جيم كاري..فاسد)..فكرهته على طول.. وكانوا يشوفون أفلامه..ويضحكووون.. كنت أسألهم"ليه تضحكون؟!..ما تقولون انه فاسد"... قالوا..ورا ما تنطم بس.!؟؟ الخميس أبوي يقول( االتدخين حرام) .. واللي يدخن يدخل النار.. وفي يوم شفت ابوي جالس مع صديقه أبو حمد.. وأبو حمد ماسك السيجاره بيده.. وقفت وسألت ابوي"" طيب اللي يجلس مع اللي يدخنون..يدخل النار بعد؟!!!" الجمعة أسمعهم يقولون..ان اللي يطول في مكالمته يغازل.. واللي يروح للسوق يغازل..واللي يعرف انترنت يغازل... وامي تطول على التلفون,,وتروح للسوق,,وتطقطق على الكمبيوتر.. رحت لأبوي وانا مصدووووم::" أبوووووي الحق.. أمي تغازل !!!! للاسف هذي صور من المجتمع ينهون عن فعل ويأتوا بمثله .. ولي سؤال ..... وش رايكم في ذا المجتمع عندما يربي مثل هذي التربيه ..؟؟ ننهاهم عن فعل نحن نقوم به ..؟؟ |
راااااااااائعٌ هو موضوعك بدايةً من عنوانه ومروراً بتفاصيله وانتهاءً بسؤاله........
كثيراً مااقترف آبائنا هداهم الله مثل هذه الأخطاء معنا والواجب علينا نحن الجيل الواعي المثقف أن لانكررمثل ذلك مع أبنائنا في المستقبل ........... استمرررررررررررررر:41 |
:41 أحسنت .. ! |
ياااااااحرررام الولد راح فيها اللي زي كذا بينصدمون بالمجتمع
الاب والام فكرتهم سليمه يبون يربون الولد تربيه صحيحه بس ماعرفواالاسلوب اللي يوصلونه له بشكل حلو بكذا مايعرفون انهم جالسين يدمرونه .. نص جميل اتمنى اطلاعي يكون خفيف عليكم.. |
كلام جميل وسياسة/ اسكت / كل وأص / ما لك دخل / موضوع ما يخصك / هذا عيب / توك صغير / قم بس قم / رح فارق / كل هذا يرد ونسمعه ممن حولنا وهذا ناتج عن فارق الزمن بين كل من المربي والمتربي وما علم المربي أن هذه السياسة سياسة الكبت التي تولد انفجاراً ولم يعرف أن الأمر لم يعد كما كان في عهده فالواقع تغير نهائياً فأعان الله أولادنا على تحمل درجة تجمد بعض الأمخاخ شكراً لك موضوع يستاهل المناقشة لشدة الحاجة إليه لتغيير بعض مفاهيم عند البعض |
مذكرة متميزة وكتابة رائعة وبالنسبة للتربية في هذا الزمن فهي من أصعب الأشياء فقد يكون المربي يخالف الأشياء التربوية فيكون ذلك سبباً في حيرة الطفل وقد تكون المخالفة من المجتمع لا من المربي فكيف يوجه المربي المتربي هذا السلوك كان الله في عون الآباء والأمهات المهتمين بالتربية .:: سليمان بن مهران ::. |
| الساعة الآن +4: 06:53 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.