|
يا ناس قهر .! بعد عنا وضع مخيم كبير تكون ( منطقة في الدهنا ) لأمير .!!!!
السلام عليكم ورحمة الله وبركاته أحبتي الكرام . . . كنا قد وضعنا مخيم كبير وجهزناه تجهيز كامل لكي يستوعب عوائلنا كلها أي في حدود 15 خيمة وما تحتاجه من إستعدادات من الوايت الذي أرهقنا إدخاله داخل النفود وسيارة الدورة المياه اعزكم الله وووو الخ .. كان هذا بالأمس يوم الثلاثاء .! اليوم كنا مستعدين للذهاب لإنهاء ما نقصه بعد يوم حافل من المتاعب وجدنا دوريات ( .. ) عندها وتقول أخرجوا من هذا المكان لأن هذا المكان ملك للأمير الفلاني ...!!!! هل أنا في وعيي .؟ أأرض الدهنا نطرد منها لأجل أنها مملوكه .؟ أرض كلها عروق من النفود إلى مئه سنه لن ياتي أثر حياة فيها ..! سؤالي ... لن يكون لماذا قد تملك هذه الجز من المنطقة ... فهو حر بماله ... بل لماذا نطرد ولا يوجد بها ما يخاف عليها من ثروات وغيرها ... حتى ( حطب الأرطا ) لا أثر له هناك .! هل الطرد صادر من مركز الدوريات المنطقة والقرار كان إسترجالياً .؟ أبولجين |
أعانكم الله ..
نصيحتي : أُخرجوا بسرعة , قبل أن يحصل مالا تحمد عقباهـ ,, نصيحة لله ,, |
والله وأنا أخوك وش تقول وش تخلي..حتى الأخضر واليابس احتلوه..
وكذالك صار لنا بالثمامه كان لنا مخيم هنالك وشلناو..وكذالك قبل 10سنين طلعنا يم روضة الخفس الثانيه>>لاحظ قبل كم سنه..المهم طلعنا له وصلناه الظهر والله ما به إلا سيارتين أنا وواحد ثاني بس..إلا وواحد من المجاهدين يقول يالله ارحلو يبي يجي ايمير..وش تقول..وكذالك أنا مره ضاع جوالي يم فيضة أم المصران حوله مخيم ايمير..المهم رجعت يم المكان واقعد ادور واحوس وين الجوال..إلا وهاك الربع جاي يقول يالله وش تبون وش تزينون..قلناله السالفه وما صدق إلا بالقوه يبينا نمشي..وش تقول وأنا أخوك..والله عندي كذا موقف لكن مايسعني الوقت.. ادري أخوي أبو لجين اني طولت عليك والله هذا مابالقلب..اللي يحزن.. |
اقتباس:
اللهم آمين الآن نحن في طور الإقناع وإن لم تجدي فمنة الله ولا منة خلقه أبولجين |
اقتباس:
الثمامة قل أرض مملوكه والعمران وصلها ويخاف عليها ( نجد له عذر ) ومن ناحية روضة الخفس ألم .. لكن الشكوى لله قل ربيع ويبي يحجزها ... لكن عروق الدهنا وش الخوف منه .؟ خصوصاً إن المخيم إعداده واضح أنه فقط بالإجازة ..!! عموماً ... لله الشكاة ... قالتها بنتي ... حيث إن مخيم أخوالها على طريق رماح في ارض خلا لا حياة فيها والآن بعد هالسنين يطردون لأن الأرض طبعاً لـ ... تقول يبه ليه ما نستأجر منهم البر .؟ << والله هذا كلامها .. :oo لله المشتكى شاكراً لك مرورك الكريم وإضافتك الداعمه للموضوع ابولجين |
. . . . كان الله في عونكم ابولجين أكيد صاحب الارض المدعي زورا وبهتان برميل الغاز الدُب ماغيره شعلووولي ولا تعووووبي :rolleyes: . . عاد سمعت انا والله اعلم ان المريخ يوم سمعوا أنه أحتمال فيه فيه حياه وماي :42 جاء شعلوولي وتعوووبي وحجروا عليه والله مشكله من جد الله يهديهم هذا الي نقدر نقوله فقط |
انتبه لبيتكم بس لايصير املاك خاصه وانت ماتدري! :104:
تحياتي لك |
اتوقع والعلم عند الله أخي ابولجين بأن محماس فاضي ولقاكم ولا بش امير ولا هم يحزنون ... |
عليه من الله مايستحق هذا الامير لا وامير البيعه بعد ! خووووش ولاية على مبايعة!!!
اما مايقول الاخ ابومحمد النجدي في رده (بعض الأمراء يحوس سمعة العائلة بسبب تصرف أرعن غبي أحمق ) فانا من وجهة نظري العكس صحيح وهو ( بعض الأمراء يحسن سمعة العائلة بسبب تصرف حكيم ورشيد!) والا لا؟!! |
أبشركم وصلنا لمكتب الأمير ( ... ) وقال ميخالف أجلسوا بس لا أحد يطاعس على النفود ولا تحطبون .! أصلاً ماحولنا حطب هذا شي لأننا لقينا مكان داخل العروق ولا فيه اثر لا جن ولا أنس وكان يعيب فيه عدم وجود حطب والحمدلله جانا مانتمنى فكه منهم والتطعيس هذا اللي يبي له مفك عجل علشان نستوعبها .! عموماً ... الله يهديهم وبس هذا اللي نقدر نقوله اقتباس:
الله يهديهم والله مشكلة .. عموماً الحمدلله على كل حال وشاكر لك مؤازرتك والحمدلله إنتهت على خير ابولجين |
اقتباس:
صحيح مملوك لأحد الأمراء ... وللأسف ... هذا أمر من عندهم ... لكن يبدوا لي أنه حب تسلط بعض العساكر وإستغلال الأوامر وإلا لو فيه ذرة رجولة وعروبة ما قام وفعل مافعل لا هنت يا قلبي ابومحمد ابولجين |
اقتباس:
الحمدلله أبشرك إن البيت معه صك شرعي وعليه شهود لا تخاف عليه :( ابولجين |
اقتباس:
فعلاً هو كذلك ... لكن أيضاً ... الأرض اصبحت مملوكه بالفعل .! لا هت يالغالي ابوعلي ابولجين |
اقتباس:
لم تصل إلى هذه الدرجة ... بإذن الله إن فيهم الخير الكثير ولهم منا الدعاء لهم بالصلاح والهداية ابولجين |
| الساعة الآن +4: 02:17 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.