|
عند طلب ضروري الاصحاب الخبره
السلام عليكم ورحمه الله وبركاته
ممكن طلب انا ناويه افصل مطبخ جديد البيت الامنيوم بس حبيت اسال ايش افضل المصانع عندنا وبكم الامتار وافضل نوعيه الامنيوم ولكم جزيل اشكر |
بصراحه انا فصلت للبيت مطبخ قبل فتره
وجلست تراي خمس شهور ويالله جزمت بالبدايه كنت حاط ببالي ستة الاف للمطبخ ويوم خلصت وراجعت الفواتير لقيت المبلغ 12000 ألف تعرفين كل مارحت زودت حركات وادراج ........الخ طبعآ معي المدام وما خليت محل انا وهي الا ودخلناه وسألنا عن السعر والشكل والجوده وآخر شي فصلنا الالمنيوم يسمى مدرج الابواب والرفوف مدبوله......... والفصالات المانيه علشان تصير قويه وما تطيح والرخام اصطناعي مع المجلى كامل الي لفت انتباهي في المحلات ان بعضهم يقول سعر المتر كامل مع الزوايا وطبعآ يصير غالي وسعره من 900 الى 950 وبعضهم يقولك سعر المتر بدون الزوايا يعني يحسب الزوايا لحالهن وسعره 650 الى 750 بس هنا الامتار تصير اكثر وفيه بعد مروحة الشفط اللي تحط فوق الفرن يحسبونه 1200 وهي تشرينه من برا 800 يعني تشرينه من برا افضل وهم يركبونه وما اقول الا الله يعينك يبي يوجعون راسك لو اعرف احط صوره المطبخ هنا كان صورته لك بس ما اعرف اتمنى اني عطيتك فائده |
وراه طيب ماسكه المنيوم !!
|
اخــــــــــتي (اخــــت الرجـــال)
إذا كنــتي مــن سكــان بريده.. على طــريق المــدينه محــل اسمــه (شيــخ المطـــابخ للمنـــيوم).. وإذا كنــتي باالرياض طــريق العــليا.. اتمنـــى اني افــدتــك.. |
اقتباس:
على الفائده وجزاك الله خير اقتباس:
اقتباس:
وعنده مطابخ يجننو بصراحه مشكوره اختي |
أنا فصلته في الريـاض
وكان ســعره 10000 ريال ,, طبعاً رأيته في أحـد المنـازل في بريـدة وسـألت عنه قيل أنه مصـنع في الريـاض ويأتي إلى بريــدة لوجود زبـائن له , ومن ثم يـأخذ المقاسـات والأمتار والطلبات ويؤمن المبلغ ومن ثم يحضره لكِ ويركبه ,, بإختـصار أقـول : الريــاض أرخص وأجمل ,, |
انصحك بشيخ المطابخ مره حلو
|
اختي الغاليه
انصحك ان تدورين جميع المحلااات حتى تقتنعيم بأسعارهم وأشكالهم احسن لك يعني |
الرياض أفضل لتنوع الخيارات.. وكثرة الموديلات المستحدثه .. والجودة المضمونه مع تفتيح كل العيون..لأنه هنا للأسف مسيطرة عمالة متميزة بزين الخبز أول!!!!!
كما أن هناك الإلتزام بالمواعيد صادق مو مثلنا تنلطعين شهرين بعد الموعد الأصلي... والله يدبرك على الصالح.. |
اقتباس:
ومتنوعه شكلى ابروح الرياض واشوف واقارن بين الاسعار مشكور اخي حفيد اعقيل اقتباس:
وانا رحت المحل شيخ المطابخ حلو وجدمشكوره اختي اقتباس:
رحت وقيمه الاسعار وهي متفواته يعني مابينهم فرق كبير يمكن 100او 200 وراح اطلع الرياض واشوف الاسعار اقتباس:
وانا ابطلع الرياض واشوف المطتبخ الى هناك وشكر لكم جميعا |
أبومهند تعااااااااال هنااااااااا نبي قسم خاص بالمتزوجين طلعوا الشيبان |
مطبخي فصلته من محل بشارع التخصصي بالرياض اسمه (فنون سيدتي) المتر ب800 ريال مو المنيوم اعتقد اسمه( فيبر قلاس) والصناعية بالرياض فيها محلات كثيرة وفيه جنوب حراج بن قاسم محلات رخيصة اذكر المتر ب500 ريال .. |
| الساعة الآن +4: 01:52 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.