|
المدارس الأهلية ؟
في هذا الفصل الداسي الثاني كثر تحويل الطلاب للمدارس الأهلية وخاصة الكسالى منهم . حتى بعضهم يتقصد الضعف حتى يكون الوالد ما عنده حل إلا مدرسة أهلية . سألت اليوم واحد درس هاليومين آخر الفصل الأول بمدرسة أهلية في الصف الثاني الثانوي قالي : ضياع في ضياع الحضور على كيفي الاختبارات مشي حالك ما حصلت شي حتى يمكن الورقة بيضاء وتحصل على الدرجة كاملة بالدراهم الأدب التقدير الاحترام الله يخلف المؤسسون يهمهم كسب الدراهم عفوا الطلاب وش رايكم ، وش الحل ؟ أليست ورم خطير في جسد الأمة ما دامت بهذه الصورة اكتبوا تجاربكم |
للأسف مثل ما يقولون ( الشق أكبر من الرقعة ) ! فالأمر يبدو أنه يزداد إلى الأسوأ والمشكلة غذا لم يكن لها حل يجب إجتثاثها لكن .. من يملك القرار .. أو الشجاعة في إقرار القرار ؟ أتوقع أن الكثير من الجهات تتحمل المسئولية حيال هذه المعضلة أولياء الأمور - الطلاب أنفسهم - وزارة التربية والتعليم - المدارس الأهلية - ملاك المدارس فكل له نصيبه من المسئولية واللي يزيد الطين بله أننا نرى الآن ظاهرة الجامعات أو الكليات الأهلية والتي أعتقد أنها توازي من يبيع شاهدات الدكتوراه الماجستير بالمال فلا أعتقد أنها تختلف عن مشاكل المدارس الأهلية السلبية |
ماقول الى الله يخلف على التعليم الذي صار بأيدي ضعفاء انفوس
|
ياخي الحين صاار كل شي بفلوووس
اذا وريتهم الفلووس انعميوا |
أخي العمود أخي من فرسان بريدة أخي نواف أشكركم على مروركم ، وتشريفكم و أتمنى أن أرى منكم ومن غيركم تجارب في هذا المجال من أجل إثراء الموضوع لكم شكري مرة أخرى |
انتم اخذين فكره شينه عن المدارس الاهليه وبعدين من قال ان الي مايحل بالامتحانات النهائيه يعطونه الدرجه الكامله هذا كلام خاطئ |
المدارس الأهلية تحتلف باختلاف مدرائها على حسب شخصة المدير انا عملت سنتين في مدرستين مختلفتين الأولى فيها شر كثير من ناحية الأخلاق ونظام جيد لدرجة أنني كنت من ضمن الكنترول الغش انسى قاعة عامة مش فصول ووجود المدير أغلب الفترتين ، ومن ثبت أنه يغش يعطى محضر وينبه والنظام الجديد يخصم درجة السؤال اللي غش فيه نعم الحضور فيه تسيب وفيه هروب كحال المدارس الحكومية لكن الأهلية أكثر والمسألة نسبية وثاني حاجة الطلاب في الأهليات إما مطاريد مدارس حكومية أو صعوبات تعلم أو متخلفين أو دشير وأصحاب سوابق واللي مدحتي الأهلية أكيد لم تجربي الأهليات ووجع الراس فيها بصفتي أني أخذت الوكالة فيهما سنتين وخالطت جميع الجنسيات والجانب أفضل بكثير عندهم انضباط وأدب وحضور رهيب أما ربعنا ما عندك أحد نصيحة لوجه الله ( لا تدخل ولدك أخوك بنتك أختك أهلية متوسطة أو ثانوية ) إلا إن أردت خرابهم فالله يعينك البلاء أن المشرفين في إدارة التعليم من الملاك لهذه المدارس ولهم نصيب الأسد فيها وأيضاً المدير المكلف للمدرسة الأهلية يعطى 10 % لكل طالب فيتنازل عن المبادئ وسجل بس أكثر سجل أكثر كي تكون حصيلة السنة كم مليون والله يعيين المساكين |
ياناس انا ادرس باهليه مثله مثل الحكوميه بالانظمه متشددين مره والدرجات ما يزودوننا ابد والشرح ازين من الحكوميه |
أغلب الأهليات ماديات وباقي الحساب عليك يارجال مدرس سعودي بأهلية يوقّع بالمسير على راتب 2500 ويعطونه 400 ريال ولو يرفض يفصلونه واللي بعده ياولد الشباب ماسكين سرا للتدريس يوم كانت تحسب خبرتها وأظنهم اليوم خلاص خلوها وياقلب لا تحزن من هالواقع المر000 |
اقتباس:
اقتباس:
|
أحسن!!
هو ليش مافيه حطوا مدرس بنقالي. |
.. ياشين مدارس الأهليااات .. الله يفكنا منها .. غثاء ووجعة راس . .. وأبحاول اكتب موضوع عن الأهليات من ناحية السلبيات والأيجابيات .. .. والله الموفق .. |
انا اوافق الراي مع اختي بالعكس شديدين والمدرسه على حسب المدير
|
اقتباس:
انا الحمد لله ناحه ان شاء الله بس حنا مادخلنا اهليه الاعلشان الدرجات الكامه لانه الحين معدل تراكي والمواد صعبه هذا الي خلانا ندخل المدارس الاهليه |
| الساعة الآن +4: 10:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.