|
فيه شي فاقعن مرارتي ولا يهون البنكرياس
السلام عليكم ورحمة الله وبركاته
وشلونكم يا أعضاء المنتدى والله فيه شي فاقعن مرارتي ولا يهون البنكرياس بالنسبه لجامعة الإمام اللي على طريق عنيزه ليش مكافأتهم أقل من الجامعات والكليات الأخرى لا يجين أحد من الأعضاء يمشي رده ألف ويقول ليش الحسد اللهم لا حسد انا الحمد لله مستقر ببيت أهلي وبنعمه بس المساكين المغتربين يبون سكن وغثى وبلى وجلى وبعضهم داجن هاج وهو كبير عائلتهم وعايش هو واهله على الله ثم على المكافأه اللي تجي متى مابغت والله قهر لايجي أحد يقولي مكافأتكم 860 والكليات الثانيه وجامعة الملك سعود 1000 ريال يعني ماتفرق أقول على مهلك ياحبيبي عساك ماتكلفت على الرد ياخيي بالنسبه لي وأشكالي ماتفرق كثير أما بالنسبه للمغتربين اللي مايعلم بحالهم الا الله فهي تفرق وكثير بعد لكن ما أقول الا حسبي الله ونعم الوكيل على الظالمين هم تجيهم رواتبهم بالوقت المعلوم ولو تتأخر ساعه كان قوموا الدنياء وقعدوه وشكرا أتمنى تكون الردود واقعيه |
اقتباس:
يابعد حيي توي ادري :confused: لا والله معذورين:(<<<<والله من الشر. |
حبيبي انت تتعلم على حساب الحكومة ............. يعني مو شرط ان تكون فيه مكافئه .......... اهم شي تكون فيه شهادة تأهلك للي انت تبيه ............. بعدين لو عطوك 1000 ريال بتسويلك شي ..............
|
إيــه مقيـولـه مـن قـبل " مـايحـس بـالنـار إلا اللـي وأطيهـا"
بعدين يا " مجنون بريدة " من قالك إن المكافأه 860 حنا مكافأتنا 840 تصدق ,, أعتقد إن الزياد شملتهم (5%)....فصرتو أكثر منا بعشرين ريال ....خخخخ :07: |
اسكت لايقطعونها ........... تراهم يتهددون!!!!!!!!!!
الله يعينكم،،،،،،،،،، |
غير ماذكرت ياخي .. أود معرفة لماذا تتاخر مكافات الجامعة كل شهـــــــــــــــر .
|
و لاتهون الثآنويــة ..
ماشاء الله فآئض الميزآنية درآهم الى بآتسر ..! |
اقتباس:
نفس الفكرة اخوي احمد,, يفترض انه مافيه مكافاة وياليت نشوف الدول الثانية ونقوووول الحمد لله على النعمه لوهي ببلاش عاد وش لون مكافاة... شكرا تقبل مروري رامح |
مجنون بريدة لذة الحب في الشئ القليل و اللي يصرفونه خير و بركة و زين بعد إذا ما تأخرت عليكم .. :Dشئ بسيط أفضل من لا شئ:D |
.
. اقتباس:
ويفترض أن لا رسوم على الماء كما الدول الثانية !! قد أكون أنا وأنت ممن لا حاجة له بالمكافآت .. ولكن لتعلم أن هناكـ من تقف لُقمة عيشه على هذهـ المكافئة .. شكراً ايها الحبيب . . |
وعليكم السلام ورحمة الله وبركاته مجنون بريدة أولاً / تنبيه للأخوة الثمانية الذين ردوا قبلي ليتهم ردوا السلام عليك وهذه ظاهرة عند أكثرالأعضاء أراها بازدياد 000 ولا أدري مالسبب ؟؟؟!!! ثانياً / صدقت والله دولة ولله الحمد من أغنى دول العالم وحريصة على تعليم أبنائها ومساعدتهم 000 فمنهم العائل الوحيد لأهله ومنهم المتزوج ومنهم من عنده ظروف والتزامات فوالله كما قلت إن الطالب وخاصة الجامعي بحاجة لرفع مكافأته ولتعتبره الدولة موظفاً لمدة أربع سنوات 000 حاجة الناس للمادة أصبحت ضرورية 000 بل وكيف يعيش أي إنسان بدون مال سكن 000 وسيارة 000وأكل 000 وأهل 000 ومصاريف الله أعلم بها 000 ولكن والله هم البطانة إن صلحت صلح حال الأمة وإن فسدت فسدت الأمة 000 وبالمناسبة أقترح زيادة مكافأة الطلاب 000 وذلك أسوة بزيادة غيرهم بل هم أحق 000 بل هم أحق 000 بل هم أحق وللعلم مامن تأخير بالصرف إلا ووراءه ما وراءه 000 وجزاك الله خيرا |
عليك السلام عزيزي
بسم الله على مرارتك .. ولا يهمك أنا أعلمك السبب السبب بسيط وهو أن مكافأة الكليات النظرية أقل من مكافأة الكليات التطبيقية وذلك الفرع (نظري) تحياتي |
وعليكم السلام ..
وأضيف على ماسبق .. إذا وُكل الأمر إلى غير أهله فانتظر الساعة .. :rolleyes: |
أشكركم على مروركم وردودكم فبعض الردود واقعية لأن المثل يقول اسأل مجرب ولا تسأل حكيم وبعضها وللأسف لاتعنيلي شي مع كامل إحترامي:rolleyes:
|
| الساعة الآن +4: 06:21 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.