بريدة ستي - للمتزوجات ويمنع دخول الآنسات

للمتزوجات ويمنع دخول الأنسات
اسمعي سيدتي المتزوجة

هذا الموضوع مصرقع يعني من باب الدعابة والضحك والفرفشة ولا يأخذ بمحمل الجد
وفي نفس الوقت اياك أعني ياجارة

.
عزيزتي المتزوجة يمسيها بالخير . AM
عزيزتي المتزوجة يصبحها بالخير . PM
بأعطيكن عشرة نصائح والله يعينكن .
وعلشان ياقباقب عيني تكون حياتكم في سعادة لا تتطبقوا هذي النصائح و تمعنو في افيها ولا تنفذوها بالحرف الواحد .
1/ اذا جاء زوجك من العمل وطبعا تعبان وودة يقيل ( ينام بعد الغداء ) شغلي الغسالة وابدأي في غسيل الهدوم وياليت يكون باب الحمام مفتوح علشان يستمتع بصوت الغسالة.
2/ اذا روحتي معاة للسوق واصر انة يدخل محل معين أصري على عدم الدخول تراة شايف وحدة مزيونة دخلت المحل وودة هو وخشمة يتميلح قدامها.
3/ اذا تأخر في الليل عن الحضور في موعدة وبمجرد ما يفصخ ثيابة ويدخل الحمام يغسل شمشي فنيلتة الداخلية هي نفس الريحة حقتة والا تغيرت وشوفي الثوب من الخلف من جهة الياقة فية روج للحضريات ( حمرة ) وللقرويات (ديرم ) .
وشوفي بعد شماغة شعرة لاصقة هنة والا هنة .
4/ اذا حصلتية منهمك في مطالعة التلفزيون ولازم يكون مبارة بين الهلال والنصر حطيلة طرطيعة وراء ظهرة من حقت البزارين بقايا عيد رمضان .
5/ اذا كنت تشتغلين وهو برضة يشتغل يعني اثنينكم بتروحون الصبح يم الدوام طبعا لازم يكون فية شغالة خلية الين تجي الساعة 9.30 واتصلي على البيت وبترد الشغلة وفي نفس اللحظة دقي على جوالة واذا سمعتي صوت جرس الجوال في السماعة معناة تتركي الدوام وتروحين للبيت وتدعسين في بطنة ولا تنسين الشغالة .
6/ حاولي انك تبرمجين الرسيفر حق القنوات الفضائية بأنك تلغين قنوات لبنان كلها وتحطين قناة اليمن / السودان / السعودية 1.2 / والشارقة واذا اصر انة يتابع خلك مع هيفاء عليك بأفيوز العداد خرجية وارمية فوق سطوح الجيران.
7/ اذا جاء في يوم وعادة يكون في الصيف وقلك عندي انتداب لتبوك او جيزان تراة كذاب مسافر كازا بلانكا مع الشلة حتى وان كان الجواز معك يطلع بدل فاقد .
8/ اذا جاء في الليل ودخل ينام واعطاك اشكل يعني ظهرة قومي سيدتي ببخ الغرفة بالمبيد الحشري وقفلي الباب وروحي كملي سهرتك قدام التلفزيون .
9/ حاولي تقشطينة اول بأول ترى اذا كثرت الدراهم راح يتجوز عليك علشان كذة غثية كل يوم طلبات .
10/ سيدتي العزيزة انا بتأخذي بهذة النصائح ماني مسؤل اذا طلقك رجالك