|
هنا.... هنا.... حدث معي ...؟؟؟؟ اسمعني ردك
السلام عليكم ورحمة الله وبركاته مساء الخير على الجميع في منتدانا بريده ستي اعذروني ان تكون اول مشاركه لي هنا هي عن بث مافي صدري من قهر:i121 طبعا انا راح انقل لكم ما حدث لي في طوارئ مستشفى الولاده ببريده طبعا يا اخواني هذه القصه حدثت لي قبل اسبوعين لكن ما قدرت اكتبها لكم لانه ما سمح لي يمكن يرجع لعدم التفعيل المهم ما لكم بالطويله القصه بما فيها مع مستشفى الاستهتار .....:032: رحت في الساعه الثانيه ليلاً للطوارى وكان معاي ابني الصغير جاته اصابه برأسه وجاه نزيف المهم رحت طيران للمستشفى عشان يشوفونه والمصيبه هنا يوم دخلنا الطوارئ . ... كان ما فيه إلا دكتور واحد مناوب وعنده حاله طفل يقولون انه منقطع لسانه طبعا جانا المدير المناوب ....لان اذكر اسمه .... سألته وين الدكتور؟ قال معاه حاله راح وتركنا ولا احد شاف ابني الا دكتور جاء شوي وراح .......... اتركوني لمده ربع ساعه دون علاج للطفل هنا انقهرت عليهم ورحت للمدير المناوب وقلت له مافيه غير الدكتور هذا قال ايه !!!!!!! بكل قوه يقولها ...............ياناس مستشفى صارفه عليه الدوله الشي الكثير ويصير فيه هذا الاستهتار والتسيب رديت عليه بحمق :i121 وقلت : طيب لو عندك حالتين صعبه يعني تترك واحد يموت ما لكم بالطويله يا اخوان يوم شافني عصبت راح وبعد شوي رجع ومعاه دكتور نصه نوم ويقول له المدير المناوب : ما عليش يا دكتور صحيناك من النوم :100:!!!! هنا ماذا تروني فاعل امامي ابني ينزف رأسه ودكتور نصه نوم وغرف السساتر فيها نايمات المهم طلعت من المستشفى وانا اقول حسبي الله ونعم الوكيل.... وبعد ما خيطو راس ابني والحمدلله على كل حال وعلى قولت جدتي الله لا يحيجنا لهم هنا السؤال لكم من المسؤول في عدم وجود اطباء في الطوارى ؟؟ لو انك في مكاني ماذا عساك تفعل ؟ اخوكم : ولد عز |
حسبنا الله ونعم الوكيـل ..
هذا صحيح يحكي لـي أحد الإخوان مرةً فيقول مره رحت لم مستشفى الملكـ فهد بالرياض (الحرس الوطني) قسم الإسعاف المهم يقول أنا جاي من الأولين ويقول وحجزت رقم ومعي حالة طارئه مثل ماتطرقت قبل قليل انت المهم يقول واجي اشوف الدكاتره الدكتور المصري ياخذ المريض المصري والسودانـي ياخذ السوداني والهندي ياخذ الهندي المهم يقول انا عصبت لاوبعد جاي قبلهم انا والله قلة حيا وتقفل معي واجي ادش على المدير واهزئة واسب في المستشفى وقالي خذ بالك وهدي اعصابكـ وارتاح انا ابتفاهم معهم ويجي يذل نفسه عند الدكتور تقل شاحذه شي ويجي الدكتور بكل قبح يقول للمريض اللي نفس جنسيته (مو سب فيهم لكن ...!) ويقوله معليش بس ابشوف هذا وش يبغا (قمه الإستهتار) المهم يقول ويعاملني من طرف خشم تقل ابي منه شي ويصرفلي هالدواء اللي مدري وش وعقبها حرمت ادخل مستشفيات حكومية .. السؤال اللي ينطرح : [BLINK]من المسؤل ؟[/BLINK] . . . . |
اخي $ مميز $ اشكرك على مداخلتك هذه وما اقول هذا الي خلنا نذهب الي الاهلي لكن انا وانت نستطيع لكن الذي لايجد ماذا يصنع ؟؟ الصراحه قمت القهر في هذا التسيب والفوضى وهي لا تنحصر على المستشفيات فقط !!! |
مشكور على الطرح الرائع وصراحه موضوعك تحطه على الجرح ويستشم قصدي ويبرا وبعدين أبقولك ترا مو بس بالطواري فوضى أقولها وكلي أسف كل الدوائر الحكوميه ببرييييييييييييييييده فوضيه للأسف وزي ماقالت الماما بتاعك الله لا يحيجنا لهم والسلام
|
وين المراقبين وين المسؤلين على هذا الأستهتار ؟؟
وبعدين كلمه معليش صحيناك يادكتور من النوم ....... اشوف فيها اعتذار للدكتور والدكتور نايم ((((((( حسبي الله عليه ))))))) ما جا يداوم جاء ينام ................... بس تبي الصراحه كل مستشفيات المملكه فيها تقصير بحق المراجعين انا كان عندي موعد اسنان في مستشفى الحرس الوطني بالرياض تخيل عطوني الموعد الثاني او الجلسه الثانيه بعد كم ........................... (((((( بعد ســـنـــه و ســـت شــهــــور])))) يعني يخرب السن وان ما سويت الجلسه الثانيه مده طويله صح ............ وبعدين رحت لمستشفى خاص وخلصت 3 ايــــــــــــــام شوف الفرق |
[QUOTE=احمد الحازم;918796]
انا كان عندي موعد اسنان في مستشفى الحرس الوطني بالرياض تخيل عطوني الموعد الثاني او الجلسه الثانيه بعد كم ........................... (((((( بعد ســـنـــه و ســـت شــهــــور])))) , شلك عندك واسطة جيدة نا س طردوهم قالوا ما عند لكم علاج هههههههههه |
هلا بالبي ولد عز .. يابعدي انت كل المستشفيات اذا ماعندك واااااااسطة .. والا شلق يالبي .. آآآه بعد لو تجي لمستشفى الشميسي كان تقول انك بالخرطوم .. اذا بغيت يناظرونك ويدخلونك .. البس عمامة والله مايردك الا الجنااااااااح الخااااص .. مساكين حنا يالسعودين وبس .. سي يو .. |
والله لو تكلم من الحين إلى بكرى
لاحياة لمن تنادي |
مجنون بريده ما عليك زود
مشكور على التعليق |
اخ احمد
(((بعد ســـنـــه و ســـت شــهــــور))) حسبي الله عليهم المده هذي قريبه .......ز كان طولها شوي ..............امزح سلامه سنيناتك |
زمن الصمت
شكل السوس لعب فيك لعب مشكور |
مدحت شوقي بريده
ههههههههههههههههههه لا عساني اتحل الي هنا |
ابن الموقع
شكلك تقول ياليل ما اطولك |
للأسف هذه حال الطوارئ لا رقيب ولا محاسبة
لكن اعلمك اللي يبي يفتح مستوصف أهلي ببريدة يضع فيه طوارئ إن يكسب |
| الساعة الآن +4: 07:04 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.