وينكم من عنيزة يامحبي بريدة موضوع نرجوا المشاركة
 

انا كتبت هذا الموضوع بما اني من شباب بريدة ومن محبين بريدة وياويل اللي يسب بريدة:(

واتوقع ان كل شباب بريدة يحسون بنفس هذا الشعور
وهو

هالحين لما تمشي في احد شوارع بريدة اوفي حي من الاحياء تجد العجب العجاب من مطبات ومن حفر في غير محله اما التحويلات والحفر فحدث ولاحرج اقول الى متى وحنا ساكتين ولانتكلم ولانقدر رفع ولاحس ولارس في يوم من الايام كنت شاري جنوط مرسدس جديدة وطبعا مثلي اكيد اني ابتحرز من هالحفر والمطبات وغيرها لاكن مالبيد حيلة الجنوط جديدةو وتمويراشهن بوية وفي نفس الليلة خرجت اجيب عشاء لاهلي من الكوخ((ادري تقولون مر)):eek5
ولما رجعت وكنت مستعجل وطبعا اتحرز من الحفر اللي بالشوارع لاكن دون فايدة وقعت في مصيدتهم وانا كنت امشي لفيت عن حفرة واثري بحفرة ثانية هذا بحي مشعل وياويل الجنوط راحن فيها وجلست اخربط بالكلام وادعي لاشعوري من القهر
هذا موقف من المواقف واللي بالقلب اكثر بس ابي حل للمشكلة تكفون
اماالجامعة اذا طلعتله تجد خمس تحويلات اواكثر على طرقك يعني بدال ماتمشي قبل المحاضرة بـثلث ساعة امش بعد الصلاة ويالله تاصل بالسلامة
ولما تشوف شارع زين ومافيه اي شي لاتحويلة ولاشي لاتستغرب لانك اذا استغربت بكرة حاطين فيه تحويله او مطب اوي ا شي ينكد عليك
وشوفوا عنيزة انا قلت عنيزة لانها اقرب شي لبريدة بشوارعها الفخمة وبالتطور والتحويلة عندهم ماتستغرق شي ماشاء الله..
معليش على الاطالة وعندي كلام كثير اتمنى اني وفيت وابي منكم انكم تبدون الراي والتفاعل والمشاركة
علشان نتمنى ان يكون لها مجيب

اخخ ذكرتن ايام جنوووط المرسدس وكفرات الخط حقت خوي الصغير مهب انا! كانت موديل 2002 (خطووط خليجي) وقعدت سنتين وشوي ولا طب البر به!! وش لون عاااد مطباات بريدة , يااخيي انت صادق شوارع بريدة راليات عمااان مهب شوووارع! لكن الشكوى لله واحرص لا تطير البويه لان اذكر ان حلا الجنوط برشتهن!

اخوووك رامح

والله انك صادق
بس عنيزه لحالها ومن زمان عنيزه معروفه بالمحافظه على مدينتهم وانا من الناس الي كل بعد فتره لازم امر على عنيزه افر فيها ساعه واطلع لبريده ومثل ماذكرت بريده بالمطبات والحفريات يكفيك الحي المربوط بين الرفيعه والعكيرشه والنقع الخط المتواصل بين هذي الأحياء كله مطبات يجيلها تقريبآ 20 مطب والخط كيلو واحد مايستاهل وبعضهم ما لهن فايده ومن ناحيه التحويلات يا ما جبنا العيد بالتحويلات والسبه يجيك مفاجئ ولا بعد الحفريات تروح السنه وهم ما خلصوا
والمشكله محافظات بريده احسن من بريده وهي مدينه مثل عنيزه البكيريه وغيرها الله يعين عليك يابريده ويخليك لنا ربي ولايحرمنا منك ويوفقك بمشاريعك القادمه انشاالله
ومشكور على الموضوع _ _ _

من عمل شي يحصله

رامح مشكور على المرور وهالحين خلينا الجنوط لين تهدى الاوضاع اللي في بريدة من مطبات
احمد الحازم:والله ماعذرك تروح لعنيزة توسع الصدر بالشوارع والفلة ومشكور على المرور.
الدليله:اشكرك على المرور.

صدقت
وكل شوارع بريدة مع الأسف كأن ماسك " مطناج "
شكرا

إلى متى هذا التخلف وينكم من عنيزة يا محبي بريدة تبتلون وأنتم بريداوي وعنيزاوي تحلف يا شيخ أن بينكم قارات ترا المسافة كله (25 ك) أستحوا على وجيهكم والله بعذر الصهاينة والأمريكان يوم تسلطوا على الإسلام والمسلمين لأننا تركنا المهم وذهبنا نبحث عن التفاهات للأسف والله !!!!!!!!!!!!!!!!!!!!!!!!!!!!!!!!!! يا مسلمين 000

اخي محب الغرباء:ارجوا انك قرأت الموضوع زين انا مادري ان كنت تهجمت على عنيزة أوشي بالعكس انا ضربت مثل فقط لاغير ولا تحسب اني قصدت عنيزة من باب الحقد أوالعصبية بالعكس هم على روسنا واخواننا مجرد اني ضربت مثل لاقيس واقعنا بواقع شي مقارب لنا

ابومحمد: اشكرك على المرور
بريداوي لميتد:صدقت
ابوثامر:مشكور على المشاركة.
تقبلوا تحياتي