إلا النبي 00 ( قصـيدة لـ حـفيـد اعقيل ) 00 ؟؟
 

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""](1) إلا النبـي الهاشمـي منبـع الخـيـر = نفديـه مانملـك مـع الــروح والـجـاه
(2) أعـادوا الكـرة ويـتـلاه تكـريـر = واللي مضى حنا تـرا مانســيناه
(3)عدائهـم معـروف مافـيـه تغيـيـر = فـي محكـم التنـزيـل حـنـا قريـنـاه
(4) أصل العـدا ماهـو برسمـة كرتيـر = تـبــادل أدوار وتكـتـيـك شـفـنـاه
(5) قد قالها بوش(ن) وصفـق لـه بليـر = حـرب صليبيـة مـن الشـرق لأدنــاه
(6) واجب علينا نعلـن الرفـض ونغيـر = ونعلـن غضبـنـا فعلـهـم مارضيـنـاه
(7) ماتكفـي الأعـذار ماغيـر تخـديـر = الدافـع أكبـر مــن معـاذيـر نـقـراه
(8) عاثـوا بأراضينـا بقتـلٍ وتدمـيـر = الجـرح غايـر والصـراخـات تـتـلاه
(9) إنشـد فلسطيـن الجريحـة وكشميـر = وأفغـان والشيشـان صاحـت بـويـلاه
(10) وأرض الرشيد اليوم عنها الحكي غير = تشكـي ولاتلـقـى جــوابٍ لشـكـواه
(11) في كل لحظة نشوف لقطات تصوير = مشاهـدٍ جفـت لهـا العيـن مـن مــاه
(12) قتـلٍ وتشريـدٍ وسجـن وتهجـيـر = وخيـانـة تخـفـى عليـنـا نـوايــاه
(13) ومساجد تضـرب قنابـل وتفجيـر = الشيـخ قيّـد والسجـن صــار ملـفـاه
(14) الأم تبكـي دم فـي بطنـه صغيـر = الأب مـقـتـولٍ وعـلــج تــــولاه
(15) الجرح يكبر والـدوا فيـه تقصيـر = يمـوت ماحصـل سـريـره مــع دواه
(16) والخبز صفوا له جمـوع وطوابيـر = لاسـد لـه جــوعٍ ولا عــاد كـفـاه
(17) يمنى بها خبزه مع كتـاب تنصيـر = ومنديـل يمسـح بـه دموعـه بيـسـراه
(18) خوف الهوية عـاش هـم وتكديـر =ومصيـر مجـهـول ســواده تغـشـاه
(19) وحنا إنشغلنا بين رقص على الزيـر = ويالـيـل ياعيـنـي وليـلـه يـالـيـلاه
(20) ومزايـنٍ مابيـن شعـل ومغاتيـر = قامـت علـى ساسـه نـعـارة مغـبـاه
(21) شفنا بهـا فخـر وتباهـي وتبذيـر = دراهـم تصـرف علـى غيـر مـجـراه
(22) وأحـدٍ ينـادي للقيـادة وتحـريـر = همـه ينـفـد ماتلـقـى مــن أعــداه
(23) يخلـق مشاكـل مالهـا أي تبريـر = يشغـل جميـع النـاس بأتفـه قضـايـاه
(24) يقـول أنـا حـرٍ برأيـي وتفكيـر = سخـر سخافاتـه علـى الديـن وحـمـاه
(25) الله لايبقـي علـى الأرض خنزيـر = صنعـة كفـر واضـح هدفهـا ومغـزاه
(26) يارب وأنت اللـي عليـك التدابيـر = نصـر يزيـح الكفـر ويـزيـل مبـنـاه
(27) وصلاة ربي عـد ماغـرد الطيـر = وعـداد مانبـت الحيـا فــي شغـايـاه
(28) على النبـي اللـي دعانـا بتبشيـر = عـداد مـن يمـم علـى البيـت ينصـاه
[/POEM]

هباااااااااااااااااااااااااااااااااااااااااااااااا ااااااااااااااال
ياشيبنا . والله هباااال ..
صلح لسانك .. لاخلا ولاعدم ..

أدنو برأسك .. دعني أقبلهو .:)

روعه ماشاء الله عليك
الله يزيدك
يارب انها تكون سبباً في الشرب من حوض نبينا

مشكور وفيت وكفيت.

جعل الله لك ولكل قارئ بعدد ما خطت يداك من حروف آلاف الحسنات ..

وجمعنا بك مع النبيين والصديقين والشهداء والصالحين ..

مافيك حيلة ..

وفالك البسباس ..

خابرن الشيبان يحبونه على الرغم من أنه ماهنا ضروسن تساعد ..

لكنهم قوارض ماشاء الله حتى لو شفت الاثم فاضي من الضروس ..

:090:

اللهم آمين


تحياتي لك وجزاك الله خير

هههههههههههههههههههههههههههههههههههههههههه
ههههههههههههههههههههههههههههههههههههههههه

:113:

,

أستاذ حفيد ,, هذه أحد روائعك ولا شك أنها تشابه سابقاتها جمالاً ..
بارك الله فيك ..

:)