معاناة أهالي شرق بريده في أبيات من الشعر
 

هذا الموضوع يتكلم عن طمر النفايات الصحية في عمق البلد و وسط الأحياء السكنية في شرق مدينة بريدة ......



الطمر شين ولا مع الطمر مجلاس
والله ولي الناس كلن دخيله

أمانة مابه أمانة ولا احساس
صرفاتهم جرت علينا الهزيله

عشنا بجوٍ تعتذرنا الأنفاس
ميثان غازه والمصايب إمهيله

عيشت عذاب كلها شر وأتعاس
ومطالب أهل الشرق مامن حصيله

أمانة بالشر تطوي على باس
وماله بدروب الرخا والجميلــه

ناس هفت وشغلته تذي الناس
وجرت لديرتنا شر الهزيلــــــه

كيف الزبايل عندنا مابها باس
وأحياء الأمين من الهبايب عليله

ياحيف وين العدل والحق نوماس
يامن يحاسبهم على كل عيله

ننخاك يافيصل وفعلٍ على ساس
إتعدل اللي مالنا بتعــديلـــــه

ننخاك نخوة ماتعود بالإفلاس
والحر ماخيب حر يشيلــــــه

وسلام لك حيثك حرار وقرناس
وإلا ردي الطبع مانلتجيلـــه

وسلام لك إعداد ماداج عرماس
وإعداد مالاحت بروق مخيلــه

وصلاة ربي عد ماهب نسناس
على نبيٍ حذر من الرذيلــــــه

أكيد ياعزيزي لأن هالريحة تزعج الاموات من قوتها

والله كنت موجود المغرب في القاع البارد

والله تاذيت من الريحة ...

ادعو ربكم بالفرج العاجل لهذه المشكلة

حول موضوع معانات اهلي شرق بريدة

--------------------------------------------------------------------------------

صح لسانك .
يارجل مناطق الشرق ليست تابعة لأمانة منطقة القصيم .
هم لو خلونا نتبع مجمع الشماسية او الزلفي كان احسن من خدماتهم بمراحل والله اني اغبط اهل الشماسية والربيعية والبصر وحتى المناطق النائية مثل النقرة والزبيرة رح شف طرق سايدين ودوارات ولا بالاحلام ولا فيها الا ....... الله يكرمكم وحنا في وسط بريدة لا ننعم حتى بأقل الحقوق من عمال نظافة او سفلتة او انارة مع العلم هذا كله واصل المهند سسسسسسسس السلطان و المهندسسسسس ابو مندرج وغيرهم كثير ولم نرى سوى وعود طارت بها الرياح .
وهذا الحكي له اكثر من ثمان سنوات . لكن ماعندنا واسطة و العجيب ما ردو علينا ولا رد حينما كتبنا موضوعنا بالجريدة ( عزيزتي الجزيرة ) .
مير..... شل من رأسك انهم يبون يسوون شيء لكم . وياقلب لا تحزن .
مير اشكو امركم لله تعالى ثم........... المجلس البلدي !!!!!

عمر اليحيى

هـــــداج

algasimi

ابراهام

يعطيكم العافية على المرور