هذا اللي صار اليوم .........؟
 

السلام عليكم
صليت العصر بمسجد مستشفى الاطفال ببريدة وسحبت عمري بعد الصلاة لجرير وكنت اول من دخل المحل واحس انه لي (منزرق)ما به الا انا وكل وده يخدمن من الباعه خقيت بغيت اشري كل اللي يعرضون علي لكن افتش بالمخباة مهن شيء(اقعطي) طبعن طلعت فوق وبديت بتفحص قصدي تصفح كتب الاشعار وسبحت بين الابيات وانا اعيش بطيف المحبوبه المهم مريت على كتب البرمجه والطاقة

وصفت اني شريت عذراء جاكرتا لنجيب الكيلاني
طلعت من مكتبة جرير وعيوني على هرفي
وصارت مواقف لكن لغة الحديث هي العيون والشم تجيكم سالفة الشم بعضكم انفتحت شهيته خاصة اللي ما تعشو دخلت وطلبت بديت اشوف القوائم على قولتهم المنيو حنا تلقانا اندور الكثير والمشبع اذا بغينا نطلب لكن ما حنا ماكلينه كله لكن ما هنا جوع يعني اذا دخلت مثل المطاعم ذولي لاتكثر وتبلش ابحث عن اللذيذ لو كان اشوي الشبع خله بالرز والدجاج اما المذاق خذ اشوي لو كان غالي بنظرك المهم اخترت طلب على المعتقد عندنا ما صبرت وانا قاعد بالمطعم اشم رائحة طيب زينه يعني نفاذه وهادية بنفس الوقت واعجبتن وتكل الريحة تقولي لابعد ابخليك تشم اكثر وشلون صدفه رحت اغسل يوم فتحت الباب اثره بوجهي صاحب العطر واجيك اغيم اشوي واطيح المهم اكلت اللي قسم الله ورجعت لللسيارة اللي موقفه عند المستشفى وانا امشي شميت نفس الريحه والطيب وادور واشوف رفيقي صاخب العطر بعيد فعرفت انه مر من هنا عاد قلت بنفسي وانا ابتسم تراه الحين ما يشم الريحه هو لان خياشيمه ممتلئه وتعودة على الريحه والموقف ذا ذكرن بقصة احصلت للواحد من الشباب يقول لي هو اني كنت انتظر زوجتي تطلع من العرس وقبل ما يجن شفت واحد سلمت عليه عند سيارته ورحت لسيارة وتجيك وحده بيضاء ايدينه وتروح لم رفيق اللي تو سلمت عليه وقلت يا حظه زوجته بيضاء وسبحت بخيالاتي وتمنيت زوجتي مثله وفجاءه جت المراه اللي شفت وركبت معي واثره زوجتي يقول صراحه .......


عندي تعليق يطول بس ودي اترك لكم التعليق ولكم تحياتي

ياخي اكتب بلهجة مفهومة عشان الناس تفهم , نص كلامك مافهمته

ابشر يا اخي

طيب متي تنتهي المغامره

تكملة المغامره هي نظرتي للحياة كيف تكون الدنيا مكششوفه وملذاته متعدده لكن انت الي اين تلجاء وتختار وتحت اي سماء تستظل وفوق اي ارض تستقر

نفس الشعور ........ العذر اخوي بس فعلا مافهمنا شي

عموما شكرا لك

:oo:oo

هناك حكمه تقول

كثير من الناس يعطون قيمة رفيعه لما لايستمتعون به ويبخسون قيمة ما يتمتعون به

وبعدين

أخي المستنير أنت تحتاج أن تستنير بطريقة غيرك في الكتابة حتى تستطيع إيصال الفكرة .. وإليك ملاحظاتي :
أولاً : الكتابة وسيلة وليست هدفاً .. فلا تكتب حتى تجد داعياً للكتابة ، وترى في إمكانك إثراء الموضوع الذي تكتب عنه .
ثانياً : حدد فكرة معينة لا تتجاوزها حتى تطمئن إلى أنك أوصلتها بطريقة واضحة .. التجديد في الأسلوب مطلوب ، ولكن بعثرة الكلام بدون روابط بين جمله يفقد الكلام أهم أركانه .

عموماً اخي .. أظنك تملك موهبة تحتاج إلى تربيتها وتعاهدها .. وظني أنك ستنجح في ذلك ..
لك ودي واحترامي .. وإلى الأمام

اكن لك كل الود والاحترام وفي طي حديثك وزواياه نور يهدي للنصيحه الصادقه والنقد البناء الذي ننشده
واخيرا لي فكرتي (رائي صواب يحتمل الخطاء ورئي غير خطاء يحتمل الصواب) الشافعي رحمه الله
وهي [احسن شيءتجعل القارئ يحرك عضلات مخه مو انت اتفكر له وتعطيه معلومه جاهز
مثلا تذكر حدث ونتيجه بدون تعليق او فوائد وانا اظن ان هناك من استفاد وهذا المستفيد يكفيني الكيف الذي تمتع به وليس المقصود الكم فإشاره قد تكون خير من إناره وقد يوجد في النهر ما لا يوجد في البحر]
ولكم اطيب تحياتي

الصراااااااااااااااحة ماتحسفت إلا من شي واحد إن العطر ماذكر إسمة

ياليت نعرف الإسم..