|
الحمدلله اللي فاز الهلاااااااااال .. سي يو ..
السلام عليكم .. هلا بشباب بريدة ستي .. والله ياأنا مبطي عنكم .. ( مبطي عنكم ) <<((== هذا مثال جمع تكسير وإدغام بغنة جميع .. الصراااااحة انه جتن رسالة من موقع ( سبق ) تقول ان الهلااال فاز .. وتذكرت فرحت جدتي موضي .. كل مافاز هالهلااااااااااااااااال .. ادري انكم متعجبين وراه مستانسة .. بس اذا عرف السبب بطل العجب .. وشوفوا جدتي وراه مستانسة .. .................... الحمدلله .. شفتي ياهيلة .. ابشرتس فاااز الهلاااااال .. تصدقين انهم يوم جابو الهدف .. اني نقزت معهم من الفرحة .. وأن جدايلي راحن الله يخلف .. قرطتهن المروحة .. مير فك الله إذاني بعد .. وإني من عقب العشاء وأنا ادعي ربي انه يفوز الهلااااااال .. طيب وانتي ياميمتي من متى وانتي تشجعين حقين الكورة .. يابنيتي ماتدرين انتي .. انا ودي يفوز الهلااااال علشان ولدي صالح هالقنزة يفرح .. لأنه اذا ضاق صدر ولدي صالح .. ماهنا روحات ولاجيات وانا مواعدتن اختي منيرة نبي نزور عمومتس نشوف بنتهم لولوة ( مضنية ) وخزية .. تبي تطلع ماشفناه .. ويوم اني قلت لهالقنزة ابيك تودينا .. قال اذا فاز الهلاال وديتكم .. وأنا اعرفه اذا انهزم فريقه يضيق صدره همن مايودينا ولايجيبنا .. والله ماحلفتين ياهيلة انهم يوم اهتزت الشبكة .. ان كأني انا اللي شايتتن الكورة من زود الفرحة .. بس اعلمتس بعد .. الله لايسلطوه هاك الأبرص ماامدان افرح وأقوم اغسل عباتي الا يوم بغى يجيب قوووووووووول وبغى فسد علينا الروحة .. ودي والاي داخلتن علية بالشاشة وغايلتوه غول .. بس ابو سليمان ( بعلي ) الله يخليه لي بغى اليوم يمهن سلسفيلي .. وانا اشوف المباراة وجت الكورة عند الباب .. خقلت برجالي البريق ايقالي ابطلع الكورة .. وينشب البريق بجبهة ابوسليمان .. ويقومن ويهلمن الين قلت العيد الليلة .. وقالي بعد .. انتي منهبلة هاليومين .. ........................ الى متى وامثال جدتي موضي يستجدون ابناااائهن .. والى متى وأبنائنا يعلقون طاعتهم لأمهاتهم وآبائهم بأهوائهم .. هل هواية تشيجع الكورة ومتابعتها تنسينا حقوق والدينا .. وهل نحتااااج لفوز الهلااال او النصر او الرائد او التعاون .. حتى نقيم لوالدينا وزنا .. وهل مقدار والدينا وطاعتهم بحجم هواية لم تسمن ولن تغني من جوع .. لماذا لايكون الأولاد اكثر تحكماً في هواياتهم كماهن الجنس الآخر .. حيث ان الفتياة اكثر تعقلاً من الجنس الآخر لهن .. فالفتياة متابعات لموضة الجمال واللباس ويتبعن الجميل منه .. ويعملن به ويستفيدن من هويتهن .. أما الشباب فتشيجعه نقمة عليه .. خسارة مال وجهد وأعصاااااااااب .. شبابنا يشجعون الرياضة .. وركبهم تئن من كروشهم .. كم اتمنى ان لاتطغى هوايتنا على هويتنا .. وأن لاتكون هي التي تحدد علاقتنا وكلنا أمل بأن لاتنتظر امهاتنا وآبائنا فوز لفريقنا حتى نطيعهم .. وسلاام ائليكم .. سي يو .. |
والله مبدع يامدحت هههههههههههههههههههههههه الله يجعلنا من البارين بوالديهم ميرسوو خيـو |
إلى الله المشتكى ...
ابدعت عزيزي مدحت في طرحكـ .. كم اتشوق إلى قراءة مواضيعكـ .. تحياتي لكـ ولجدتكـ ... |
رائع ..... أوصلت الفكره بأسلوبك المرح اثاري الهلال فايز ،، عشان كذا المطاعم زحمه اليوم!!!!! شكرا لك |
ابدع اخوي مدحت
والله انك صادز تشوف العيال اذا قلت لهم شي قالو بعد المبارة او قبل المباره لو ان امه وخواته يروحون ويرصون ساعه وازود الين يجون الناس وهم الحالهم ليش ولدهم وده يشوف المبارة |
اقتباس:
ابو عرااااااااده .. هلابك يالبي .. ترى ابو عراده اخو ابو قرااااااعيط .. وكلهم من آل شوشة .. مشكور يالبي انت على مرورك الكريم .. والله يجعلنا من البارين بإمهاتنا .. وآبائنا .. سي يو .. |
.. إن هذه المباريات أوجدت بيئة خصبة لإحداث كثير من التقاعسات عن أداء الواجبات المطلوبة من الإنسان ، كواجباته مع نفسه ، و مع ربه ، و مع أهله و ذويه ، فكانت مسيرة بشكل مخيف على وقت الإنسان ، و تفكيره ، و بالتالي تعارضت مع الحقوق الأخرى .. و لك ان تتخيل أن بعضهم يأتي إلى الملعب من بعد صلاة الظهر ، لحضور المبارة التي ستقام بعد صلاة العشاء ، و الأكثر من هؤلاء ، قد أضاعوا الصلاة ، و الله المستعان .. اللهم رد شبابنا إليك رداً جميلاً .. شكراً لكـ أستاذي الفاضل .. |
الحمد لله على كل حال مبروك مدحت شوقي بريده شكل العايلة او( الجراد) كلها هلاليه :110: |
طيب وينك يوم جدتك موضي تدق كل هالدق وتمسطر من ابوسليمان شكلك متابع للمباراة مع القنزه ياله قل الصج |
وهـ يالبى قلب جدك دامه هلاليه وياحوبي لهـ .........
أجل ياطعم الفوووووز دامهـ داعيهـ<تن>لنا............. |
بلسم على الجرح استاذنا مدحت
بر الوالدين واتجاه الابناء قضيه اخذت بالتوسع نحو الاسوء ابتداء من تقديم الاصدقاء وانتهاءا بصافرة الحكم معلنا نهاية المباراة لا اعلم اين المشكلة ! وكيفية اعادة تركيب الابناء ؟ شكرا |
اقتباس:
أهلاً بأخي وحبيبنا الفاضل / صمام منتديات بريدة ستي معك حق في ما قلت ، ولكن ليس هذا الشيء عام لكل من حضر المبارايات أو شاهدها ، وكلها ساعة ونصف بعد صلاة العشاء وتنقضي بخيرها وشرها ، أما من يحضرها من بعد العصر ولا يصلي الصلوات في وقتها فاللهم ردهم رداً جميلاً يارب .. أما سعادة الباشا مدحت فشكراً لك ، والهلال يستاهل . لو ما يجيك منهم إلا أصحاب نوايا حسنة . ومن شاهد فرحتهم عرف تواضعهم فلا صخب ولا تشمت بل شكر وسجود ودعاء بلك الحمد يارب |
مُتـابع لك الباشا "مدحت شوقي" :D قطب القوم |
جزاك الله خيرا .
|
| الساعة الآن +4: 05:17 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.