|
هنكم يدري أحد تـــــــــــراهم جــــــــاحدين
قالت اميمتي الله يرزقها طولت العمر بعدما عطتني خبر طازج عن زواج أحد قريباتي: بس هاه انتبه يطلع الخبر تــــــــراهـــــــــــم جـــــــــــاحـــــــــــديـــــــــن ) ياااااااااه يا أنا اتروع اذا قالي أحد (اسكت تراهم جاحدين ) احس اني حملت امانه ثقيله على عاتقي <<< وش عنده وأي خبر يتسرب هنا والا هناك ابكون احد المتهمين ..! الــــجـــحــاده نوع من أنواع كتمان السر لكنه بقالب سخيف لأنها غالباً ماتكون على أمور تافهه لاتستحق الإخفاء مثل زواج أحد بعد الملكه أو حمل وبالنهاية جاحدين وكل الناس عنده خبر ..!! تكفون لا أحد يقولي شيء مجحود عنه :::: للجميع التحيه |
صدقت والله
لي أقارب جحودين بكل شي والمشكلة بعضهن سخاااافة وكلن يدري به :113: شكرا سويلم |
أيوااااااااااااهـ يالجحادة ..! أنا أمــــوت إذا قالوا أنتبه تراهم جاحديــن ..! والله يا أنا أنلهد .. مهوب عن قصة أني ما أقدر أكتم الشي .. لكن الغبنة انه دايم ما يجحد إلا أتفه وأسخف شي بالدنيا ..!! يعني لو أشياء تستاهل صح يكون معهم حق .. اما زواج ولا ملكة .. ولا الموت الحمر إذا حجدوا ان فلانة حاااااامل :113: تشكراااااات يا صديقي ..! |
و الله يا أنا أكرهـ في الله شي اسمه جحاده
لاسيماً إذا كان على شي تافهه مير عاد أنا دزربتن منشقه ما أعرف أسكت يبدى يحكن لساني على قولتهم لسانك حصانك :031: حتى بعض الناس يعتقد إن الجحاده تبي تحفظه من العين ! فـ يبدى يجحد وين راح و وش هو أكل و يجحد كل شي حتى لو تقول له وش اسمك قال مادري ! شي مقرف حقا ً |
اسكت لاأحد يدري تراهم جاحدين ومايبون أحد يدري>>ياحسرة وش عليه ـــــــــــــــــــــــ ياسـبـديه |
اقتباس:
:113: |
الي على طاري الجحادة يقولون القصمان براطمهم التحتيه دايم متشققه
ليـــــششش من كثر الجحاده هههه تقبــل مــروري |
:d:d:d
حلوووووه يا ( داخل لهدف ) |
هههههههههههههههههههه
والله أنك أصبت عين الحقيقة >>>>>> يسمع بهالتسملة http://www.up.00op.com/data/visitors...2070426459.gif يارجال ليت الجحادهـ طايلتن العجز ولا الكبارين .. حتى البزارين طايحن به .. تلقا بزر مهنا حليله .. لابسن ثوب وشماغ ومشخص .. تقول .. ياشاطر منين شارين هالشماغ الكشخة .. يرد عليك ببرود ( مالك دخل ) http://www.up.00op.com/data/visitors...2070426459.gif هذا ودك تدخل راسه بمثعاب شقة بكستانية وتصب عليه ( فلاش ) http://www.up.00op.com/data/visitors...2070426459.gif |
اقتباس:
ياشينه اللي تسذا أصبت الهدف << هم يقولون تسذا :041: |
.
لا يدري أحد تكفووووووون ترا ما علمت إلا أنتم ....!!!! زييييييييين لا أحد يصير جحه ... ثم اطلع منهم وأروح لناس وألقى واحد يقوووول عيال لا تعلمون أحد تراهم محرجينن لا يدرون إني قايل لكم ..!!! وما تدري إلا خلاااااااااال يوووم داريه بريدة كله ..... . |
وكلذا عشان الكلمتين ..
.. تصدق عاد لاصار الشئ بوه جحاده ماخذته.. .. . . . . |
اقتباس:
سوا سوا |
| الساعة الآن +4: 10:19 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.