بريدة ستي - همزيني يامنيرة .. حكي ظهري يامنيرة .. سي يو ..

بريدة ستي (http://www.buraydahcity.net/vb/index.php)

- سـوالـيـف كـشكـولـيـة (http://www.buraydahcity.net/vb/forumdisplay.php?f=29)

- - همزيني يامنيرة .. حكي ظهري يامنيرة .. سي يو .. (http://www.buraydahcity.net/vb/showthread.php?t=111138)

همزيني يامنيرة .. حكي ظهري يامنيرة .. سي يو ..

السلااااام عليكم ..

هلا بشباب بريدة .. الصراحة كنت اذكر موضوع قديم ..
وقد اكل عليه الدهر وشرب .. وهو موضوع البنت اللي تقول ودي اعرس ..
وبالأخير صارت تبي تعرس علشان تركب قدااااااام ..
يامال الدمل اللي ينبت بجبهتس .. تبين العرس بس علشان بس تركبي قدام ..

وبعد قليلاً من المزيد من الأيام .. لاحت على افقي ظاهرة غريبة ..
ورأيتها على الشباب المعرسين ..
وبعدها تذكرت .. كلاااااام امي حبيبة معاليق جوفي ..

حيث كانت وفيما مضى وقبل برهة من المزيد من الزمن ..
كانت تقول يابني اعرس .. يابني اعرس فكنا من شرك اغدي تبلش بك وحدتن غيري ..
وأنا اقول .. اغديه مايحتااااااج .. انا تسذا مستانس ومبسوط ياأماه ..

قالت لي امي يابن الحلاااااااال ترى العرس كله ونااااااااسة وفلة حجاج ..
مير طع شوري واعرس ..

الصراااااحة اني احمد ربي ان طعت امي .. وتعرفون الرسول حث على طاعة الأم ..
والجنة تحت اقدااااااام الأمهات .. واللي مايطيع امه .. هذا ثور ..
<<((== اولاه لاعمرك تحدث علينا ياهالتفخ ..

صفقة للشباب اللي يطيعون امهاتهم ..
يالله .. :074: :074::074:

واللي يحب امه يرفع اصبعه .. واللي يحب اصبعه يرفع امه ..
<<((== ياشينوه هالصعيدي الى هجت بوه ..

كما انني كنت اسمع من النااااااس .. ان العرس استقرار ..
ويخليك تقضب الأرض ..
بدال مانتب كل يوم تنقل وتسحب فراشك من غرفة لغرفة ..
يوم بالمقلط ويوم بالملحق .. ويوم تنسى المفتاح همن تنام عند باب الشارع ..

لكن الصرااحة ماعرفت ولا جزمت ان العرس بهالوناااااسة وفلة الحجااج ..
الا عقب مابديت من اول ماأدخل مع الباب وانا مريوس على ورى ..
حالتن الثوب .. ورافعن الفانيلة ورافعن ايديني فوق ..
واقول .. واللي يرحم والديتس حكي ظهري .. :d:d:d

لأني الصراحة كنت اعيش معاناة اذا بداء يحكن ظهري ..
تعرفون يالبياتي محاتسيكم .. ( كما الكنغر ) دب وايديني قصار ..
ولا أطول ظهري علشان احكه ..
ومن يوم اعرست وأنا الحمدلله مستانس ومسفهل ..
اعوذ بالله من اول ماغير ادور جدار بلك علشان محك ظهري ..
غادي يادافع البلى تقول عنز به جرب ..

اما والونااسة الثاااانية .. فهي ..
همزيني يامنيرة ..

فأنا كنت وقبل برهة من هراطق الدهر .. اقول ..
اويل تسبدك يامدحت متى اكبر واعرس علشان القى احد يهمزن ..
اكلف ماعليك تنبطح وترفع رجلك على المركاااااااااات ..
وهمزيني يامنيرة ..
الحقيقة انه شعور عظيم بالراااااحة والونااااااااسة ..
شعور وجداني متأصل حيث تعانق راحة يد المحبوبة مع قوالب ملح عرق ظهرك ..
حتى انه يكون هناك تناغم بتلاصق اليد بالعرق ..

آه ماأجمل هذا الشعور ..

ونصيحتي ياشباب طيعوا شوري اللي يبي يعرس يشرط على امه ..
تدور لوه وحدة ايدينه كبار وعريضات للتهميز .. واصابعه طوال وسخيفات للحك ..

<<((== هذي مواصفات كرااااااث مهيب ايدين ..

وبالختام وليس آخراً .. : 12

انا ودي ادري وأموت وأعرف ..
ليه الرجال يموتون بالتهميز وحكة الظهر ..
وليه مايطري عليهم الا بعد العرس ..
يعني قبل العرس مايتعب والا مايحتاج حكة ظهر ..

او كله لزوم الدلع ..

وسلااااام ائليكم ..

أنت صادز يامدحت ..

العرس زين وماهنا أزين منه ..

لكن أنت جبهـ ولك علي أني ما أخليه تهمزن ولا شي ..

:eek5

أمـّــا لــو أدري وش يبــي هــالمــوضــوع ... ؟؟؟

الهــرجــة [ إنبطــاح ] و [ حكحكــة ] و [ رفــع رجليــن ] أعنبــوا أبليســـكـ مــا تــدري إن ثلثيــن المنتــدى مــا أعــرســوا تبــي تحــرّكـ ميــاههــم الــراكــدة :i125 ...

اقتباس:

المشاركة الأساسية كتبها مدحت شوقي بريده (المشاركة 966752)

السلااااام عليكم ..

ومن يوم اعرست وأنا الحمدلله مستانس ومسفهل ..

^^^^

:d:d ..

اقتباس:

المشاركة الأساسية كتبها خوي السرور (المشاركة 966756)

أنت صادز يامدحت ..

العرس زين وماهنا أزين منه ..

لكن أنت جبهـ ولك علي أني ما أخليه تهمزن ولا شي ..

:eek5

هلا بمشرفنا خوي راعي الكاااااابرس ..

يالبي العرس مهوب حكة ظهر وهمزيني يامنيرة ..
العرس مسئولية .. تجاه الوطن والدين ..

لاتقول وش دخل الوطن و الدين ..
يالبي الدين علشان نكثر سواد المسلمين ..
والوطن علشان اغدية يصير جندي بالجيش يربي كرشته الين نحتاجه ..

ومشكور يالبي ..

هجت به الشيخ مدحت ..

كب العشا ...!!!!

شوي شوي علينا ترانا عزاااااااااااااب .................!!

.
.
.
ههههههههههههههههههههههه
تنسيييييييييييييييييييييييييييييييييم

بس حك الظهر عندي حل للعزوبية :p
يلقط الملاس ويحك ظهره ابد تسنه يحك قدر مطازيز :D وامووره تبي تضبط هههههههههههههههههههههههههههه

شووكرن اخي الاستااذ مدحت طالع لي ابريوس :D

...

اقتباس:

المشاركة الأساسية كتبها المسفهل (المشاركة 966793)

المسفهل ..

هلا بك يابعدي معاليق تسبدي انت ..
والله لو ابحلف انك هاللحين تمشي بدون فانيلة ومعك سكين وقاعدن تحك به ظهرك ..

يالبي احلى مابهالعرس حكة هالظهر ..
امووووه كم هي لزيزة ..

سي يو ..

جزيت خيراً . . . وزوجت بكراً . . . .

علينا يالمعرسين ؟ ؟ ؟ علينا ؟ ؟ ؟ تحطونها بحكة الظهر والتهميز . . . والخافي أعظم . . . .

قبل يذهب بالموضوع الى موقعه سواليف كشكولية
أقول التهميز يابييه مطلوب بعد الزواج وهو يسمى التدليك
يعني يحمي المكينة:d

اقتباس:

المشاركة الأساسية كتبها طالب طب (المشاركة 966798)

^^^^

:d:d ..

طالب طب ..

يالبي انت بعد ..
المسفهل هذا لايحوشك ..
المس...فهل .. يعني مايمديك تحط ايديك الا هو هالن عليك ..
مير شوري عليك هج ..

سي يو ..

سي يو ..

بصراحة نقاش مميز وهادف يا ألبي

وش نبي تهميز ورفع رجلين

( يالله من فضلك )

اقتباس:

المشاركة الأساسية كتبها الذيب A L D E E B (المشاركة 966811)

هجت به الشيخ مدحت ..

كب العشا ...!!!!

شوي شوي علينا ترانا عزاااااااااااااب .................!!

الذيب ..

هلا بك يابعدي انت ..
يالبي لاعليك لاعليك فلن تراع يالبي ..
أهم شي تعرف انك اذا اعرست تبي تنسى انك تدور عمارة عظم بجنبكم ..
علشان تروح تحك ظهرك به يالبي ..

منور يابعدي انت ..

سي يو ..

الصراحه إن عندي معاناة الحكة سابقا

ولاكن وبعد برهه من التجارب الناجة في تنضيف الضهر عن طريق السباحه واليفه
راحت حكة الضهر

يعني أنت ما تعرف تنضف ضهرك يا الدب

أما التاهميز فأنت أبخص وشوله تسأل يالي ماتستحي

تقبل مروري بأفق واسعن بعد برهتين

والسلام عليكم