}{ مسكين ياحرف تعب من همومه}{ للمبدع عبدالله العبودي}{

بسمـ الله الرحمن الرحيمـ
السلام عليكم ورحمة الله وبركاته

مسكين يا حرف تعب من همومه
وسط الحشى يبكي على حر بلواه
راعيه دمعه عليه محرومه
وده يقول وكل شي تمناه
يسال عن امه وين عطف الامومه
وليه انحرم من حقه اللي تمناه
وابوه وينه يرتدي من سلومه
ويعرف طريق الخير ويسير مسراه
قالو لقيط وراس ماله هدومه
وحيد ماله غير زاده وسكناه
يمه عيون الناس والله ظلومه
وانتم سبب للي حصل لي من ادناه
وحيد واسواري جميع مهدومه
ولاعم ولاخلان ولاخال ولاجاه
كلن يصيبه في حياته خصومه
و يروح لمه ويشتكي ضيم ماجاه
وان جتني ضيقه وغمه لزومه
و اروح لدموعي واشكي من الاه
اعيش ليلي بين يقضه ونومه
و فعل الخطاء يابوي هذي سواياه
يارب نفسي عايشه ومحرومه
و ذاك الحنان اللي كثيرة مزاياه
يارب مالي غيرك احدارومه
وهذي شكات اللي زمانه توطاه
مسكين ياحرف تعب من همومه
وسط الحشى يبكي على حر بلواه

قصيدة مبكية

أبدعهـا عبدالله

وأنشدهـا عبدالله

وهذا رابط النشيده
http://woroodalkhaleej.net/anasheed/1775.rm