بريدة ستي - طااائرة من نوع ترايستار تقع بجوار مخرج 10 بالرياض ؟ ماسبب وجودها + صور

بريدة ستي (http://www.buraydahcity.net/vb/index.php)

- سـوالـيـف كـشكـولـيـة (http://www.buraydahcity.net/vb/forumdisplay.php?f=29)

طااائرة من نوع ترايستار تقع بجوار مخرج 10 بالرياض ؟ ماسبب وجودها + صور

بسم الله
حياكم الله
لفت انتباهي طيارة ترايستار قديمة عند مدخل متحف صقر الجزيرة للطيران بالدائري الشرقي مخرج (10)
صراحة شكلها مرة ملفت للنظر خصوصا انها قريبة للطريق الدائري بشكل ملفت للمارة ،
كنت أتسآل ما سبب وضعا بهذه الصورة وفي هذا المكان القريب من الناس <--- شروووف;)
عندها قررت أن أدخل المتحف وأسال عن ماهية هذه الطائرة ، دخلت متحف الطيران ودفعت عشرة ريالات تذكرة للدخول:oo <---- أضحم ميزانية وزارة هي الدفاع والطيران مادري وش يبون بالعشرة
دخلت المتحف وتجولت في المتحف عندها شاهدت عسكري فسألته عن الطائرة فقال لي والله وأنا أخوكـ مادري <---- أجل وشوله جاي هنا:confused:دخلت الإدارة الخاصة في المتحف وبعد السلام والشاي قالوا إن هذه الطائرة القابعة بجوار الدائري الشرقي قد وافق صاحب السمو الملكي الأمير سلطان بن عبدالعزيز النائب الثاني و وزير الدفاع والطيران والمفتش العام على إنشاء مطعم جوي بمقر متحف صقر الجزيرة بالرياض بطائرة من نوع تريستار تابعة للخطوط الجوية العربية السعودية ، وأن هذه الطائرة سوف تجهز كمطعم جوي بعد تفريغ جميع الزيوت والمقاعد والتأكد من سلامتها ، وأن هذا التوجه يأتي لاعطاء الزائر للمتحف شعورآ بالطيران مؤكداً تطور هذا العمل بحيث يصبح هناك شاشات تلفزيونية على شبابيك الطائرة مغلقة تشاهد بعد صعود الركاب بعدها تبدأ بالاهتزاز و إشعار المشاهد بأنة فوق مدينة الرياض
ونترككم مع الصور المحترفة من جوالي القابع في مخباتي <--- أي احتراااف
http://www.arb-up.com/files/arb-up-2008-1/gPv81520.jpg

http://www.arb-up.com/files/arb-up-2008-1/GjY81634.jpg

دمتم في حفظ الله ورعايته
بلييييز اللي يعرف يصغر الصور له الشكر .

هههههههههههههههههههههههههههههههه

حلوه لاتكوني مثل اسمك ..

ههههههههههههههههههههههههههههههه

تراااااك يالبي غلطاااااااااااان ..
لاتحسب الاسم .. جرثومة .. هذيك اللي تجي بكتاااب العلوم ..

( جرثومة )يعني هذا واحد يسحب ثومة ..
ومسمينوه جرثومة ..

نعود لموضوعك يالبي ..
اجل يبي يحطون مطعم جووووووووووي ..
اجل يبي يسمون المطعم ( سحابة للمأكولات الجوية )
وماعندهم الا قميري ودخًل .. ومرقة عصفاير اثلة ..

اقول الله من الكلك والنهب ياوزارة الدفاع ..

سي يو ..

اقتباس:

المشاركة الأساسية كتبها مدحت شوقي بريده (المشاركة 978046)

نعود لموضوعك يالبي ..
اجل يبي يحطون مطعم جووووووووووي ..
اجل يبي يسمون المطعم ( سحابة للمأكولات الجوية )
وماعندهم الا قميري ودخًل .. ومرقة عصفاير اثلة ..

اقول الله من الكلك والنهب ياوزارة الدفاع ..

سي يو ..

تشرفت بردكـ يا باشا بريدة ستي
أما النهب فعد واغلط:p

الوحيد المجهول
أشكركـ ...

والله فكره حلوه , يعني مطعم بوسط الطياره .. ههه حركات ,,

بصراحه عليك تصوير انما ايه جووونااااااان:41

:rolleyes:

فكرة رائعة

اما ها التفكير

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طيب ماسألتهم وشولن جابو هالطيارة بهالمكان هذا..هل ركبوه قطعه قطعه ولا وشلون..؟

..

وراه ما جيت تقهوى ..
ماما بعايد ترا ..

مير هالطيارة يقولون حاطينه عشان يغسلونه بستم ..

بصراحة حطها غريبة ...و المتحف أذكر زرته من قديم و اتمنى أنه يفعل اكثر ..

والله روعه واختيار الزوايا كان اروع ..
لكن فيه ملاحظة .. الدقه مهي مضبطوووطـ ...<<< وش يبي ذا .. لا يصير يحسبه بتصوير ضوئي ..؟؟

والله من النهب يا دفاع الوزارة قصدي ياوزار الدفاعه أقصد يا وزارة الدفاع <<< هجت بوووه ..اعذروه ..

تخيل هالمطعم بوسط الطيارة يقالهم بأمريكا .. والله يا أنت تنحشر بالطياره وشلون تاكل وبعدين إذا هزت الطيارة يطيح الببس ..؟؟؟؟؟ <<< يفكر ترااااااااه ..!!!

الأعضاء الفضلاء ..
لا تشرهون على أخيكم في دقة الصور ، وفي تنزيلها ، فهو حديث عهدٍ بهما :oo

يمكن يبون يحطون النقل السريع للمدارس والمشاوير الخاصه للعوائل