|
<<<< افيدوني ياأهل عنيزة وبريدة >>>>
السلام عليكم ورحمة الله وبركاته حي الله اعضاء بريدة ستي عساكم بخير ابسألكم عن مركز يسوي حجامة في عنيزة والظاهر ان اسمه مركز الحكمة وابغى منكم رقمه ووصف لمكانه الله لا يهينكم وهل شغله أمين . همتكم ياأعضاء تقبلوا فائق تقديري |
ياخوي تعرف سوق الخضار
اذا بتجي مع طريق اللسيب يجيك كبري الي يوديك الرس والبدايع يمين وانت بنفس الدائري اطلع فوق الكبري وخذ يسار من عند الاشارة الي فوق الكبري ويجيك الدوار طول معه يصير يسارك سوق الخضار ويمنك واحة الحكمة للحجامة ماطلبت شي يابعدي |
الله يعطيك العافية وليت رقمهم تعرف انا من سكان الرياض
|
واذا بتجي من عند النجر ببريدة باتجاه عنيزة اول ماتوصل اشارة الساعة تعدها يجيك اشارة خذ من عندها يمين يصير يمينك محطة ميد طول لين يجيك سوق الخضار وتشوفه يسارك
اتمنى الوصف واضح |
اقتباس:
مسوينا شي يابعدي http://www.wahetalhekmh.net/main.php هذا مووقهم كله بكبره |
وهذا رقمهم اخذته من الموقع
ت 3636622 06 ت 3632660 06 ج 0503636622 مواعيد العمل الشتوية : من 8.30صباحا حتى 12.00ظـهرا من 3.30 عصرا حتى 8.30 مساء |
قريب من مسجد ابن اعثيمين
|
ايه قريب منه بس لاتسال عن المسجد اسال عن مؤسسة الشيخ محمد الصالح العثيمين الخيرية عشان هي بجنبه بالضبط
|
اتمنى الوصف واضح ياخوي
|
واي شي ثاني تبيه انا مستعد
|
كامل ولو الله يجعل مثواك الفردوس الاعلى الله يجزاك الف خير وما قصرت ياخلفهم رايتك بيضاء
|
احزان الشيشان الله يعطيك العافية
|
الوصف واضح وضوح الشمس ماقصرت يابعدهم
|
وش دعوا ياخوي مابيننا شي
|
| الساعة الآن +4: 06:04 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.