|
ابو يمن اكلين اقتصادنا
السلام عليكم ورحمة الله وبركاته
في عصر امس يوم الثلاثاء كنت اخذلي حمام ساونى فدخل معي ابو يمن وادقق الى هو دارس معي قبل يمكن خمس سنين اخبار علوم الى اخره المهم قلت شلون الشغل قال ماشاء الله واخذتنا السوليف وقلتله وانا امزح انتم ياليمنيه اكلين اقتصادنا تدرون وش رد علي ابو يمن قال بكل ثقه ( مسكين انتم يالسعوديين) قلت ليش قال عندكم خير طبعا عمره تقريبا 20 سنه المهم قلتله انا اتوقع ان الي مثل عمرك راتبه ثلاث الف او اكثر رد علي بكل ثقه وسخريا وقال انا صرفيتي بالشهر اربع الف او خمس الف شباب شوفو الخبيب وسوق النفوره والسوق الداخلي والثياب اذا رجعنا للواقع تراهم اكلين اقتصادنا اخليك مع التعليق اشكركم اخوكم احمد |
هو قالها وما قصر (( مساكين انتم يالسعوديين ))
طبعا اللي يشقا يلقا اما وظايف حكومية و مكاتب ومكيفات سبليت ما فيها خير هذي بلغت الحوالات العام الماضي الظاهر 70 مليار ريال........ من وين جت هالمليارات. |
وعليكم السلام ورحمة الله وبركاته ... يقول المثل : [ من زندك وإلا متّ ] ، وأبو يمن إعتمد على الله ثم على يده ، وكدّ لما حصـّـل اللي يبي وزيادة ، والسعوديين لو إهتووا وكدّوا ، وتركوا عنهم عدم الجدية والله إن يحصلون خير ... البلد فيها خير ، والشغل والتجارة مبروكات بس من يقول [ أنا لها ] ... ؟؟؟ |
أبو يمن همه جمع الدراهم بأي وسيلة نصب تحايل سرقه إختلاس نهب غصب تسول أهم شيء جمع ماااااااااااااااااااااال فأحمد ربك على العافية (من عاش حيلة مات فقرا) |
نحن في عصر العولمه والبقاء للأفضل |
يــابن الحــلال ليــته علـى الأقتصــاد ( أبو يمـن ) لاعــبن بكـل شيء ،،، |
أخي الكريم / بكل صدق أقول إني فهمت من القصة الحث على العمل , وهو المطلوب . لكن قد يفهم البعص _هداهم الله_ خلاف هذا فأقول قال الله تعالى : { ولا تتمنوا ما فضل الله بعضكم على بعض لرجال نصيب مما كسبوا وللنساء نصيب مما اكتسبن...} ثم وجهنا التوجيه الصحيح السليم بقوله : { واسألوا الله من فضله } والأرض ملك لله يرثها من يشاء ....... |
اذا كان فلوسه وتجارته بالحلال ايش المشكله الله يزيده لاكين00000 اذا انت ماسكه معاك عمليه حسد عليك الله هذا المامزبوط ! ! ! زول يشتغل، ويعمل، ويجتهد، وناس دايره تدور على أحسن هناي (حاجه)تطلع صوت مزبوط من شكمان الهايلوكس سده اربعه بوصه ولا سده سته بوصه ويدور بالشوارع ويتشقلب بالطعوس بالعصاري ويفرفر عند البوفيهات والمطاعم اخر الليل زي الكديس(القط) ويقولي ناس اليمن اكلوا اقتصادنا ما تنوم وما تكسل وما تلعب بقرشينات اهلك واشتغل وما تستعيب الشغل وبعدين شوف أحد يأكل اقتصادك والا لا |
اخي شكراً على الموضوع........... وموضوعي في الساحة المفتوحه عن بعض جرائمهم ارجوا التفضل والإطلاع ودمتم مشكورين |
ياجماعه لاتعمموا ابويمن في الطيب والردي ولكن البنغال اكلونا غصب عنا واسرقونا والان مازالوا ويليهم الباكستانيين هم اللي يبعون ويشرون بسوق التمور ببريده ومع الاسف بتستر من شبابنا وبعدهم ابو يمن هذا سوق عمل والناجح والنشيط هو الكسبان ومن يتوكل على الله فهو حسبه........
سبق دخلت سوق الخضار ببريده قبل 7 سنوات واعجبني شاب دون العشرين قالي عربيه قلت نعم وصار معي بعد الانتهاء وضع الاغراض بالسياره قلت له تدرس قال ايه والان اجازه (كانت ايام اجازة مدارس) ولي محل وبعت كل اللي عندي وقلت بلاش اروح بدري للبيت اشتغل بعربية دف الاغراض واجمع لي قرشين والله احترمة هالشاب جدا جدا قلت له انت مفخره للشباب السعودي...... |
اقتباس:
اقتباس:
إحداهن تقول عيالي عاطلين وقلت لهم افتحوا محل بوريالين فيه مكاسب مب بسيطة قالوا حنا يمنيين نفتح محل بوريالين!!! .. اذكر كان عندنا جيران يمنيين عيالهم اشوفهم بالسوق(بنت وولدين) يبيعون لبان وزعفران وبعد فترة الولد الكبير صار يبيع شمغ وعطورات عند المساجد صغار يدرسون في الصباح وفي المساء يكدون عشان يساعدون أهلهم .. لكن عيالنا مايبون يتعبون انفسهم يبون وظيفة حول بيتهم وبراتب كبير احدهم لقى وظيفة حكومية خارج مدينة اهلة والوظيفة يالله حصلوها بواسطة والراتب كان الفين وخمسمية اشتغل فترة بسيطة ورجع لاهلة وش يقول الراتب ضعيف!!! الاجانب يتغربون عن اهلهم وعيالهم ويتعبون ويشقون عشان يحصلون لقمة العيش وابلغ مثال الشغالات امرأة تترك فلذة كبدها وبيتها واسرتها وتجلس سنتين تكرف وتخدم وتتحمل ضغوط العمل من أجل اسرتها ,,,وشبابنا يجلسون ويقولون مافيه وظايف!! |
قال الله تعالى { أم يحسدون الناس على ما ءاتــهـــم الله من فضله فقد ءاتينا ءال ابراهيم الكتاب والحكمةوءاتينهم ملكا عظيما } سورة النساء ....................
|
| الساعة الآن +4: 10:06 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.