|
أحد فاهم بحجوزات الطيران يجي هون يفهمني كيف
السلام عليكم ورحمة الله وبركاته
أنا أطال الله أعماركم على عبادته خربتها وجزمت أركب الطيارة . لكن واجهتني مشكلة ولا تلومونن أنا ما قد سويت حجز للطيران . أبي واحد فاهم يشرح لي طريقة الحجز كيف يكون وكيف أأكد الحز . وكم سعر التذكرة وكيف أعرف مواعيد الطيران . بالعربي أبي واحد يشرح الشغلة من طقطق لسلام عليكم . وللعلم إتجاه الرحلة لجدة . متشكر مقدما على التفاعل |
أبشر ياخلف ستي أنت أول شي تبي تسافر دولي ولا داخلي؟ بالنسبة للحجوزات عندك طريقين الأول .. انك تتصل على الخطوط السعودية وهذا رقمهم 920022222 يبي يرد عليك إذا كنت مسافر دولي او داخلي ثم درجة اولى او سياحة ثم يبي يرد عليك الموضف..بعد اختيار المطلوب.. يبي يقولك مسافر من وين إلى وين.. وفي اي يوم واي وقت .. تعطيه أو تستطيع الأستفسار .. مافيه مشكلة حتى لو انت ماتبي تحجز تقدر تستفسر.. ثم إذا حجزت يطلب اسمك واسماء الركاب إذا كان معاك احد .. ويطلب رقم جوالك (عشان تأكيد الحجز ورقم الحجز )إذا كنت على الأنتظار .. أما إذا كان الحجزOK راح يعطيك رقم الحجز مباشرة هذا عن طريق الهاتف اما عن طريق الموقع .. فهذا هو موقعهم http://www.bookonline.saudiairlines....torefront=1002 وإذا تبي الشرح تفضل.. ونقلت لك الشرح من الأخ الفاضل (الأنس) ملاحظة/" عملية الحجز لاتتاح إلا لساكني المملكة العربية السعودية فقط".. نبدأ الشرح بسم الله.. http://aloons.jeeran.com/1.JPG http://aloons.jeeran.com/2.JPG http://aloons.jeeran.com/3.JPG http://aloons.jeeran.com/4.JPG http://aloons.jeeran.com/5.JPG http://aloons.jeeran.com/6.JPG http://aloons.jeeran.com/7.JPG http://aloons.jeeran.com/8.JPG http://aloons.jeeran.com/9.JPG http://aloons.jeeran.com/10.JPG http://aloons.jeeran.com/11.JPG http://aloons.jeeran.com/12.JPG http://aloons.jeeran.com/13.JPG http://aloons.jeeran.com/14.JPG -------------------------- ملاحظة/ الخطوط السعودية لاتخدم القصيم - الرياض ولا العكس .. قد حلت مكانها أسوء وأشين خطوط على وجه العالم وهي .. ناس وسما .. وكل وحده تقول للثانية أنا أشين منك أنصحك نصيحة أخوية إذا أردت أن تسافر داخلي.. سافر رجلية ولا تروح بطيران ناس او سما.. فقط الخطوط السعودية هي الأفضل.. أخيراً .. أرجوا أني أفدتك يالغالي.. وإذا كنت تبي أي شي سأفيدك بقدر استطاعتي شكراً لك يالغالي محبك/أبو فهد |
ويمكن تروح لمكتب الخطوط القريب من دوار التخصصي وتقوله عن اتجاه الرحلة وموعدها وهل الرحلة ذهاب وعودة أم ذهاب فقط وهل موعد الرحلة قريب بحيث انك تشتري التذكرة من المكتب مباشرة أم الموعد بعد فترة وفي هذه الحالة يعطيك الموظف آخر موعد لشراء التذكرة اللي يكون قد حدد لك مبلغها من قبل ( وهي تختلف بالطبع على حسب الدرجة : أولى / سياحية ) .
وعندك طريقة أخرى وهي انك تدخل لموقع الخطوط على الشبكة وتحدد الاتجاه والموعد وغيرها ومن ثم يعرض عليك المواعيد المتوفرة لأنه من الطبيعي انك ما تحصل حجز لفترة طويلة قادمة خاصة في المواسم . والأفضل في تقديري مراجعة مكتب الخطوط أو أي مكتب سفريات معروف . ورحلة سعييييييييدة ,,, |
بالنسبة للسعر .. فالأسعار تختلف من مدينة إلى أخرى..
مثلاً من القصيم إلى جده سعر التذكرة ذهاب واياب 540 ريال على خبري لكن مادري االحين هل زادت .. ماعندي علم لو تأخذ تخفيض من مدرستك او الجامعة .. تكون التذكرة ذهاب واياب إلى جده 270 ريال .. خصم 50% تأكيد الحجز ووقت اقرلاع الطائرة .. وقص البوردنق .. سيعطيك اياها الموضف او الموقع إذا أخترت الرحلة وانهيت إجراءات الرحلة كاملة.. راح يوضح لك كل حاجة شكراً لك يالغالي |
كفيتو وفيتو ثنكيو فور يو على الخبريه انا ما اعرف
|
المنخرش\ تقبل تحياتي...
|
أووف أووف أووف والله مانتب معقوليين شرح وافي وضافي ما شاء الله تبارك الله أشكركم بس فيه شغله أبوفهد طبعا أنا أبا أسافر من بريدة إلى جدة يعني ما ينفع أحجز من الموقع اللي حطيته بردك لسما أو ناس وهل سما أو ناس لهم موقع بالنت وهل الخطوط السعودية تخدم القصيم جدة وأعذرني على الإزعاج وكثرة الأسئلة. |
متوهق / شكراً لك يالغالي
حبيب البي فهد خذ راحك ابد أسأل على كيفك على حد علمي.. سما وناس لهم مواقع .. ولكن اكرر إذا أنت ماكد ركبت طيارة .. لاتروح بسماء او بناس .. والله ان تعيفك العية وركوب الطيارة كلها .. طيارتهم كلها زفت خدمات ولا بريال هذا موقعهم http://www.flysama.com/Sama/Arabic/ من برا الله الله ومن داخل يعلم الله أزيدك من الشعر بيت لو حجزت انت على جه مثلاً .. وقصيت تكرة ب 300 ريال على حد الأفتراض ثم جيت للمطار ولا كان فيه العدد كافية يعني ماجاء من اللي حاجزين على الطائرة غلى قليل خلاص تلتغي الرحلة كاملة .. وتروح عليك فلوسك .. الأمر الأخر طائراتهم قديمة وليست مريحة .. كلها مشترينها من الخطوط السعودية وصغيروة ومزعجة .. نصيحة أخوية .. لو كانت رحلتك لعلاج رح رجلية ولا رتوح فيها.. بالنسبة لسؤالك نعم فيه الخطوط السعودية من القصيم إلى جده وتستطيع الحجز عن طريق الموقع او المكتب او التلفون واعتقد انك راح تلقى حجز هو الان لأن الناس في اختبارات .. وهي فرصة اي استفسارات حاظر شكراً لك وتفضل هذا الموقع يمكن يفيدك أكثر مني بألف مرة لأنه من واقع تجارب كثيرة العرب المسافرون http://travel.maktoob.com/vb محبك/أبو فهد |
يا بعدي والله يا بوفهد والله ما قصرت الله يجعل ما كتبت بميزان حسناتك والله لا يحرمنا منك ومن خبرتك ممتن كثريش حبيب قلبي |
اقووووول يازين الارض احفر ودفن |
اللي رد عليك عز الله إنه يبرد الكبد
يجب تثبيت الرد |
| الساعة الآن +4: 12:16 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.