|
الـــدين عند القصمـــان !!!!!! وتحديدا أهل بريدة
السلام عليكم ،،
هذه رسالة وصلتني عبر الإيميل وأحببت أن انقلها لكم ،، لنبين مدى صحتها او مبالغتها..... وهي بعنوان (الدين عند القصمان).... ** أبو صالح و أبو راشد** أبو صالح جالس مع أبو راشد بعد صلاة العصر يسولفون ويقطعون الوقت،، تنهد أبو صالح وقال: أفكر في هالدين العظيم اللي طلع من مكة المكرمة ووصل إلى آخر الدنيا!!! قال أبو راشد: إيه والله إنك صادق يا بو صالح..... قال أبو صالح: بس لا يهمونك دين أهل آسيا الوسطى وأوربا والله مالهم من الإسلام إلا اسمه!!! رد أبو راشد: والله إنك صادق يا بوصالح.... وأضاف أبو صالح: ولا دين هالأشوام (أهل الشام) والله دينهم ما هوب اللي إنت تبي يا بو راشد!!!! فرد أبو راشد: والله إنك صادق يا بو صالح...... قال أبو صالح: والا هالأفارقه والمصاريه والسودانين متصوفه مبتدعه ما عندهم من الإسلام إلا المظهر.... قال أبو راشد: ايه والله يا بو صالح إنك صادق.... قال أبو صالح: إن بغيت الإسلام في ها الديره (السعودية)... قال أبو راشد: ايه والله إنك صادق يا بو صالح..... فرد بتنهد أبو صالح: والله ماهوب دين كل أهل هالديره على اللي إنت تبي يا بو راشد؛ أهل الجنوب أهل بدع وزيدية وإسماعليية مالهم من الدين إلا اسمه..... قال أبو راشد: ايه والله إنك صادق يا بو صالح.... قال أبو صالح: والا أهل الشرقية رافضة وشيعة والله ما خذوا من الإسلام إلا اسمه، وأهل الحجاز مبتدعة صوفية ماهوب والله اللي إنت تبي يا بو راشد.... وأضاف أبو صالح: إن بغيت الدين والله في نجد والباقين خلهم على يسراك-شمالك- رد أبو راشد: والله إنك صادق يا أبو صالح.. قال أبو صالح: والله بعد ماهوب كل أهل نجد دينهم على اللي إنت تبي! أهل الرياض واللي حولها شرابين للتتن )الدخان) ويشوفون الدش والله ما أدري عن دينهم يا أبو راشد!!! لكن لابغيت الإسلام تراه عندنا بالقصيم!!! رد أبو راشد: والله إنك صادق يا أبو صالح.... فأضاف أبو صالح: والله ماهوب كل أهل القصيم دينهم على اللي إنت تبي، أهل عنيزة واللي حولها يبيعون التتن ويلبسون كبك والدشوش تملأ السطوح، إن بغيت الدين والله تراه في ذا عندنا ببريده.... رد أبو راشد: والله إنك صادق يا أبو صالح...> > > شكله مايعرف غير هالكلمتين!!!!! وأضاف أبو صالح: والله ماهوب دين كل أهل بريده على اللي إنت تبي!!! طلعت هالاستراحات وما يندرى من اللي يشوف الدش ومن اللي مايشوفه........ إن بغيت الدين إنزل ترى في حارتنا هاذى!!! رد أبو راشد: والله إنك صادق يا أبو صالح... قال أبو صالح: والله بعد ماهوب كل أهل الحارة على اللي إنت تبي، أشوفهم يسحبون رجليهم للمسجد تقل إنهم مغصوبين على الصلاة...... والله ما بوه في الحارة إلا أنا وإنت يا بو راشد!!! رد أبو راشد: والله إنك.....الخ نفس الرد السابق!!!!! ورد ابو صالح بثقل شديد :::: ((والله من تالى مااشوفك تخشع بالصلاة يابو راشد))... انتهت الرسالةـــــــــــــــــــــــــــــــــــــــــــ ـــــــــــــــــــــــــــــــــــــــــــــ لي عليها تعليق بسيط ،،، ليعلم القارئ العزيز أنني مجرد ناقلة لهذا الكلام ومع انني اتفق مع كاتبه في فكرته الأساسيه وهي أن الكثير من رجال مدينة بريدة يعتقدون انهم أفضل ناس وان عبادتهم هي الأفضل والأصدق ،، لكنني اختلف معه في تعميمه في الحكم وكأنه نسي بأن أصابع يديه مختلفات.!!! شكرا لكم جميعا ،،، لكم تحياتي |
المهره كلامك جميل اهل بريده متشددين لاكن اصبعك موسوا فيهم المتشدد والمنفلت مثل كل المدن الثانيه لاكنهم يحسبون ارواحهم ادين واحسن الخلق شكرا لك دمتي مبدعه |
شوي ويقول ما فيه إلا أنا يا :oo أبو راشد تحياتي لك |
والله إنك صادق يا أبو صالح اااااااااقصد المهره
|
من يرى انه خير الناس فليعلم انه اشـــرهم وفقتي غاليتي المهــرة |
كالمُكَ صحيح وكُل الأحِبةَ اللذين شاركُو كلامهُم (مافيه خلاف)!. لاكن!!. ليست (بريدة)هيا الأفضل في العالم ديناًوخُلُقاً, إنما يُوجْد في العالم من هم أفضَلُ بِكثِيرْ!!. ولاكِنْ!!. هل كاتِبُ هذِه الرِوايةِ جابَ العالمَ كُلهْ؟؟!!. (تراي مانب أقصدك أقصد الي كتيه وارسله لك) لِِكي يُفَضِل سُكان بُريدة َعلى كُلِ مَنْ فِي العالم؟؟!. |
هذا كان قبل ثلاثين سنة ..
مصيفين !! |
جزاك الله خير تحياتي
|
الكثير من رجال مدينة بريدة يعتقدون انهم أفضل ناس وان عبادتهم هي الأفضل والأصدق ،،
نعم وانا منهم اعتقد هذا الاعتقد وهو صحيح اما منهم محسوبين علي بريده ممن يدعون الانفتاح وهم قصمان بالاسم اقول الله يرحم الحال؟؟ بشهاده اجانب من مررورهم بمناطق بالمملكه قالو لم نشاهد مثل بريده ما زالت متحفظه ما شاء الله؟ |
كاتب القصه او الفكره او ماشابه اظنه لايقصد القصمان بالذات وانما تصوير لمن يظن ان الدين لايوجد الاعنده
|
, , , , , , ـههههههههـ مير يوم نقز بخوييه وقال حتى انت :113: الله يخلفـ.. مايدري وش بالقلوب الا علام الغيوبـ.. :) |
اقتباس:
|
حلوه مرررررررره
والله في بعض الناس مثل كذا وشكررررررررا لك |
الخياله
ahoak2002 ذوقي توب نورة بيض عيون شكرا لتواجدكم احبائي ،، وجودكم شرف لي لكم تحياتي |
| الساعة الآن +4: 03:00 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.