شاعرة من الجن تقتحم شاعرفيكتب أعذب قصائده
 

<FONT FACE="Andalus" SIZE="5"><FONT COLOR="#00007F">
الملحمـة
ليلة البـارح..رقـد بعـضي ينازعـه اغلـبي
ليلةٍ بآخـر ليـالي الحج غـدرا مظلمـه
كنّي اللّـي نايمٍ مــا بين داب وْعـَقــربي
هي حقيقه؟هي خيالٍ سجّ ؟هي حلم احلمه
قـمت من صوتٍ دعـاني وانثنيت عْلىرْكـَبي
والاّ انا اناظر قـبـالي (ناقـةٍ مـتكلّمـه)
(يا نيـازك لو عـرجـتي فوق دخان اشـهبي
إعلقي في زئبـقي فيِ مـارجٍ مـتنجـّـمه)
قلت وش قومك؟وشِ انتي؟واصـدقي لا تكذبي
جـاوبتني:شـاعـره مْن الجِنّ وانظم مـبهمه
وقـبل تنشدني ترى اسـمي (أَبْكمه)ياصاحبي
وإِدْرْ كـانك مـادريت ان اشعر الجن ابكمه؟
اسكن(البَـرْلَس)على وادي يسـمى(المحلـبي)
في نـهـاية(طور مـوسى)جـلّ ربًّ كلمـه
جيت اباسمع منك شعرالوصف..وآشبّ لْهَـبي
كـان توصف مثل(جـدّك)ياعسـى الله يرحمه
جـدّك اللي من سمع شعره ذهـل واستـغربي
مثل وصفه ل..اجمل سنـينه(ب..نوق مْدَرْهِمه)
قلت:حـيـّاك ارحبي ثـمّ ارحبي ثـمّ ارحبي
في ضـيافة شـاعرٍ يـثني القصـيد ويلـجمه
شاعرٍ ورَّد هواجيـسه علـى مــا هـويبي
واعذب الشعر اصـدقه في أغـربه في أجـهمه
من شـيـوخ دْحـيم جـِدّانه..وخاله تغلبي
إن طلع عـز وشـرف..والاّ طمن في مكرمـه
قـد..ورثت الطّيب قبل الشعر من جدي وابي
ولابتي سـيل الـحقـوق اللـي تزابر مرزمـه
واشـهد اني من سنام الشعـر دَسّمْتْ شْـنبي
وهـاتي اشعر شاعر من الجن..نذر لاافحمـه
ودام يستهويك شعر الوصف ب..انظم واطربي
عـ..القـوافي نـفسها قدامك الحين انظمـه
واصفٍ حلو التـرايب والقـوام الأكـعـبي
وابتدي:بسم الله الرحـمن سمْعي يا(بْكُمـه)
جادلٍ بـحـجـاجها..فـجرٍ زينه المغـربي
عنـز ريمٍ نثّـرَتني بين خَـزْر وسلهمـه
في سواد عيونها..فاجر يقول انه:نبي
كل صابي يتبعه ويصدّقه..يهدر دمه
وفي لَحَظْهَا..حاكمٍ سفّاح متْهَوّر غبي
يطلب الرحمه لميته يوم شبْع من لْحَمَهْ
وفي هدبها..مدهلٍ راعيه شيخٍ يعربي
أجوديٍ نوب يعزمني..وانا نوب اعزمه
راعني خالٍ بوجنتها تقلْ..عبْد مسَبي
حـارسٍ روض الزهر من كل يمناً مـجـرمـه
ومن قليب اللون..جاثعبان فضّي لولبي
من لعق سمّه..يقول:الشّهْدْ مرّوعلقمه
كلّما بلّل شفق عنّابها قال:عْجبي
راح ينشد لولها هي مشركه؟هي مسلمه؟
يوم جا اللّول بيجاوب قلت:ربّي رووف بـي
ناض برّاق الثّمان..وسال وادي عكرمه
النّدى..عودٍ غدا باوجانها..طفل يحبي
والعطر..راعي باثرْها يحْدي اْبلَه وغْنِمَه
ومن جدايلها..تجلاَّ فارسٍ قال:العبي
واستفزي الريح يابنت الهبوب المدهمه
وفي نَحَرْها..كافرٍ لعيوني يقول:اذنبي
كل ما ياكل رطب شوفي..حذفني بعْجمَه
في ترايبها..ثمر طاح بْنَهَم عين اشعبي
جا يقول لخضرها الميّاس:حذرا ما اتهمه
انثني الخصر وتمايل..قال:قلبك مرّبي
توه اللي كان ضيفي وانظر آثار قدمه
الجمل..هجّ وتذيّر يوم شاف الأحدبي
الَحدَب قال: إِش مَعَهْ؟ ما ينظر لحدْب سْنمَه
كل نظره روّحت حِبْلَى..تجي مَعْها صِبِي
راح جوعه ينشد امّه وش بلاها تفطمه؟
لا مشت..في مشيها خطو الكحيل الاشهبي
لا انثنيت(حايل ثنيّه)لارباع ولاقحمه
كنّها لا لدّت النظره خجل عا المنكبي
صادقٍ..يستودع الفتّان سرَّ يكتمه
في خَجَلْها..بنت شيخٍ طاحت بحب اجنبي
في غَنَجْها..مهرةٍ تتلي الصهيل بهمهمه
في رضاها..حصنٍي يتلذّذ بمحض عنبي
في عَتَبْها..ظالـمٍ حطّوه قاضي محكمه
لا اقبلت..مثل الحمام ولاادبرت..مثل الظبي
لا اوقفت..طير الهداد ولا جْلست..تقل رْخمه
لاوردتي يا مغاتيري على العدّ اشربي
وهيجني:ياحي ذا المبسم ومنهو مبسمه
مبسمٍ يوم يتبسّم كل عرقٍ صاح بي
وتلّني..قوم الثمه..نذرٍ علي ان تلثمه
أذّن الفجر وْوقفت.. الاّ(ابْكمه)تْقولطْلبي
يا الدحيمي ها القصيدة سمّها بالملحمهْ
وشكرا