بريدة ستي - بسطة جدتي موضي الحلم وسرقة الأحلااااااام .. سي يو

بريدة ستي (http://www.buraydahcity.net/vb/index.php)

- ســاحـة مــفــتــوحـــة (http://www.buraydahcity.net/vb/forumdisplay.php?f=2)

- - بسطة جدتي موضي الحلم وسرقة الأحلااااااام .. سي يو (http://www.buraydahcity.net/vb/showthread.php?t=119699)

بسطة جدتي موضي الحلم وسرقة الأحلااااااام .. سي يو

[GLINT]موضي تجلس وتقوم لبيع الحلقوم[/GLINT]

ريحة الحنا والكمون .. تعج وتعايط به غرفة جدتي موضي ..

مفتاح .. مربوط بجلااااااااااال الصلاااااااااااااة ..

وجسم غريب جنب الشنطة تستخدمه جدتي اذا قعدت ترتب البسطة ..
قربت له شيئاً فشيئاً .. والصه بالنعلة ابيه يموت .. الين تواسى بالأرض ..
وآخرته ترجدن جدتي موضي بطراق مع علباتي .. تقول وراك تفرث الديرمان حقي ..

هذي عدة وعتااااااد جدتي موضي لمصارعة الحياة .. وسد بطن هالبصابيص اللي عنده ..

ولكن وليس لاكنن .. ودك تشوف جدتي وهي عند البسطة .. والبزارين صافين سرى عنده ..
عااااااااد اذا طقت الحنكة وجلست على البلكة .. قسم انه تطق لــ.. لبنى العليان بإصبع ..

وودك تشوفه وهي لازختن واحد من البزارين .. عقب مازغل على روحوه وهو صاف بالسرا ..
والله ياهي تلصه بطراق وتمسكوه الباب وتقول يالله رح لأهلك ..

جدتي موضي .. هي التموين العااااااااااام للحارة .. ومكفية وموفية الحاااااااااارة ..

تصدقون انهم يعيرونه بالحارة موضي جيان :d:d ..

جدتي موضي ماتعرف حساب بالبنك ..
عنده قوطي نيدو من سنة الرشقة .. وتجمع القروش بوه ..
ولا تقبل الا الريال .. لو تحط به خمسه والا عشرة كان قوطي النيدو يجيه تضخم ..
همن عاااااد شلق ..

مرة عطاه جدي سليمان مية ريال .. وعيت تآخذه تقول مانقبل الدولار ..
والله ياهي ماتحقر روحه موضي سامبا :d:d ..

وإلا دفتر الحسابات .. أي كرتون يقضي .. تآخذ منه قطعة وتسجل عليه ..
وتكتب بقلم كحل اسود .. وتعال يالتفخ مدحت اكتب لي هاللي أخذوا هالعيال ..

اما العملااااااااااااااااء والله ياهم عملااااااااااااء ..
شوفو عملااااااء جدتي موضي ..

عيال بنتي حصة ..

سليمان ..
خمسة اريل ..

ابراهيم ..
ريالين الا ربع ..

فوزية ..
سبعة اريل ..

القعرة ريالين .. <<((== هذي عيارة فهد ولد حصة ..

عيال ولدي محمد ..

الدربية ..
ثلاث طعش ريال والبسكوت اللي قرطاستوه حمراء نسيت اسموه ..

منيرة ..
اربعة اريل ومعطيتن نورة بنت خالته علك غندور بنص وانا مادريت عساهن الفاري ..

بدرية ..
سبعطش ريال .. ياربية متى تعرس بس ونفتك منه ماقضى هالبسطة الا هي .. منول تدفع من راتب الكلية وهاللحين ماهناش يوم تخرجت ..

عيال الحارة ..

ولد البيخي حمد ..
ثمانية اريل ..

التواجر..
عيال حصة المحمد حماة لطيفة البراهيم .. خمسطعش ..

التواجر ..
عيال نورة السليمان حمولة هيلة بنتي .. اربعين وسبعة همن خمسطعش ..

بزارين الشايع ..
والله إني عجزت لااحصيهن .. مير عن الذمة سبع وأربعين ريال
زاااااااد يدخلون علي ويحوسونن ومادري وش اللي اخذوا ..
مير كلش والا هاك القنزة منصور والله انه نوبتن ابلشن يبي كاكو ولا معه قروش قلت مالي الا اصك عليه بهالشنطة .. الين يجيبون اهلوه الريالين ..

ياربية بس لو اقوى افتح تكاان صغير بس .. وبداااااااال هالشنطة احط لي ماصة ..
والبس كرفته مثل كرتونه رايس التكرونية حقت امريكا ..
وبدال قطعة هالكرتون احط لي تفتر ابو اربعين ..

وهي تحلم وتهوجس .. اذا بها تسمع انين سيارة قادمة .. <<((== يسمع بأنين بس مايدري وشي ..
ويعقب هذا الأنين صجة ولجة .. وتطلع امي موضي .. فإذا به ابو علي عمدة الحارة ..

فتتوارى جدتي ورى الباب .. وتغطي وجهها الذي قد تعرفط من صواديف الزمن ..
وتحيي ابو علي عمدة الحارة ..

فيرد ابو علي التحية .. ويصعق قائلاً ,,
ياموضي .. انتي اكبر ممون بالحارة والمركز الغذائي لنا ..
وأنا اعرض عليك اننا نتشارك .. ونفتح بقالة كبيرة ونجيب كل شي ينقص الحارة ..

غضبت جدتي موضي .. وازبدت وارعدت ..
وقالت .. انا مابي احد يشاركن .. قدر الشرااكة مايفوح ..
وانا الحمدلله مستانسة وبخير وستين نعمة ..

ابو علي نفض بشته المروح .. وركب سيارته وهو يزمجر ويزمهر ..
وترجل دابته .. ودحدر الى حيث أتى ..

وبعد يومين من هذة الحادثة ..

سيارةالبلدية تقف امام الباب تطالب جدتي موضي برخصة البيع ..
وزارة الصحة ترفع قضية ( تلوث وتسمم ) على جدتي موضي بسبب البيع العشوائي ..
وزارة التجارة تطالب جدتي موضي بفتح سجل تجاري ..
وزارة العمل تأمر جدتي موضي بالسعودة ..

بعد ذلك .. اخذت جدتي شنطتها ( وصاعته ) بالشارع ..
وبدأت بإستقبال الزكوات والصدقات ..

صورة لكل تاااااااجر لايشارك الهوااااامير ..
فمصيره مصير جدتي موضي ..

سي يو ..

ايه يازين العجز وريحتهن اللي تصرع >>>> به انفصام هالولد .. وشلون يازين ريحتهن وتصرع ! <<<<< ماعليكم من الكيبورد كيبوردي ..

كالعادة مبدع يابو براهيم ..يسلمو مصابيعك :d

ابدااااااااااااااااااااااااااااااااااااااااااااااا ااع وربي ابداااااااااااااااااااااااااااااااااااااااع

اسلوبك روووووووووووووووعه
والاروع المغزى من القصه
تفقع بطني من الضحك وه بس ياحبيل العجز

اخوي مدحت مدري وشو<<عجزه تكمل
اهني فيك هالموهبه

ماشاء الله عليك مدحتوه

بس يابو الشباب تلقى كل اللي عند جدتك موضي منتهي تاريخه من سنة الغرقة
وهي تبيع على خلق الله وعلى عيال بنتها حصة وعلى عيال الدباخا والتواجر وماللي انت خابر
طع شوري شارك جدتك بسرعة هالحين
همن اطرحوا 70 % من اسهمها للاكتتاب تلقى الناس سروات وطوابير يبي يساهمون

صورة مع التحية لوزارة الأسهم علشان اذا طرحتوها تخسف بك وبجدتك وتخسركم
اذا ما سويتوا شراكة مع هوامير الاسهم او مع اللي انت خابر

مشكور ياحبيب الب جدتك موضي سامبا

ما شاء الله أبو إبراهيمـ ..

مبدع أنت ..

:)

اقتباس:

المشاركة الأساسية كتبها خوي السرور (المشاركة 1084470)

سوي الخرور .. <<((== تحس انه ديرة حول خميس مشيط ..
سعيد ثايب الخروري .. <<((== هذا راعي قلااااااااابي من اهل الديرة ..
<<((== عاااد قام يولف هالكلااااااااااك ..

:d:d:d

تصدق عاااااد يالبي كل مادخلت محل عطاررررررة اتذكر جدتي موضي ..
وكل مادخلت عند جدتي موضي .. احس اني داخل محل عطارة ..
الريحة وحدة .. صنوان لايختلفان .. <<((== وش رايك بصنوان مايصلح اسم صعيدي ..

مشكور يالبي على تشريفك الموضوع يامشرفنا ..

سي يو ..

اقتباس:

المشاركة الأساسية كتبها *لينا* (المشاركة 1084504)

لينا ..

شكراً لكي على مرورك الكريم ..

بعض النااااااااااااااس المخ مركب بإبطه ..
وماااااااااايفهم المغزى الا كود تفتح مخه بدريل همن تحشيه بشفاط ..

وسلااااااااااام ائليكم ..

سي يو ..

مدحت شوقي

احسنت والله حلوه جدا مسلسل دراماتيكي (فيها حكم كثيره جدا )

لكن جدك متطوره اسمه موضي <<< سلم لي عليه كثير السلام حبيته قوه

اقتباس:

المشاركة الأساسية كتبها سامي بريدة (المشاركة 1084507)

هلا بالبي سااااااااااااااااااااامي ..

ياهلا وغلا ..
هلا باللي له القلب فزاز .. يفز له كل ماحل طاريه ..
<<((== برحوا لوه خلف بن مشعان ..

يابعدي انت .. بضاااااااعة جدتي موضي اصلية .. من العليان ..
وأحياناً تمسك معه لبنانية .. همن تروح اتقضى من حلويات القباني ..
لا عليك يالبي لاعليك .. جدتي موضي وعلى الأصلي دور ..

اما الاسهم .. والله ياجدتي موضي اننا عجزنا نقنعه بالأسهم ..
تقول .. وش اسوي بالأسهم .. وانا ابحارب ..

قلنا له .. لا يايمه .. مهيب اسهم يعني سهااااااااام ..
قالت معي علم ..
سهام بنت هيلة السليمان .. والاسهم حقات الحرب .. انا تراي مانيب دبشة ..

عااااااااااااد شلق يالبي .. وشلون تبي تفهم ..

وشكراً لك يالبي ..

سي يو ..

اقتباس:

المشاركة الأساسية كتبها طالب طب (المشاركة 1084509)

ما شاء الله أبو إبراهيمـ ..

مبدع أنت ..

:)

طالب طب ..

شكراً لك يالبي .. ومنور الموضوع يابو سمااااااعة ..

سي يو ..

روعه في الاسلوب وروعه في الالفاظ

الف شكر ..

مدحت شوقي بريدة

اقتباس:

التواجر ..

عيال نورة السليمان حمولة هيلة بنتي .. اربعين وسبعة همن خمسطعش ..

يكفي هذا التقييد ...!!

ماشاء الله عليك اسلوب رائع وشيق

لا يبي بعد يسوي رجيم . أولا اغلاق البسطه

اقتباس:

المشاركة الأساسية كتبها يزيد yazzid (المشاركة 1084552)

يزيد ..

وشي هذي ( دراماتيكي ) <<((== هذا مصري خكري يقول .. ترى ماتجي ..:d

وهاللحين اللي اسمه موضي هذي متطورة :013: ..
اجل .. رولا وميسان .. وانت جاي .. هذولي وش يصيرن ..

مشكور يالبي ويابعد معاليق شدوقي انت ..

سي يو ..

اقتباس:

المشاركة الأساسية كتبها ام خيال (المشاركة 1084836)

روعه في الاسلوب وروعه في الالفاظ

الف شكر ..

ام خيال ..

والشكر موصول لكي على حضورك الكريم ..

سي يو ..