|
҉أنا وصـــــــديقتي҉
مرحب بنوتات.. انا حابه استشيركن بسالفه .. بكتب السالفه اللي صارت بيني وبين صديقتي وابي كل وحده تقول من المخطيه على الثانيه .. لأني ماحد يعرفني هنا وأكيد بترد الوحده بصراحه وبدون تحيز.. السالفه هي في الحج العام اللي فات أنا كنت ناويه أحج وإتصلت على صديقتي وقلت لها يمكن أحج وقالت علمين إذا حجيتي.. المهم حجيت ولا بلغتها مو تطنييش ولا إهمال بس نسيت وإنشغلت بالحج وخلال حجي مااتصلت ولا ارسلت ولا عايدت ولا شي أبدددد المهم رجعت وأنا شرررررررررههه عليها مرررررررررره واستنى اتصال مير ماعندك أحد... وانا من كبر الشرهه علمت صديقتي الثانيه وهن يعرفن بعض وبينهن اتصالات..مره صار بينهن اتصال وقالت ذيك إنه هي زعله علي لأني ماعلمتها اني رحت للحج.. المهم أنا انقهرت منها المفروض يوم شافت غيابي تعرف اني رحت وتتصل علي مو تتزعل... بعد فتره تقريبا 4شهور ارسلت رساله إعتذار وقلت لها ردي علي برساله ولا ردت...... بعد هالرساله انا مااتصلت عليها أبد وهي بعد تركتن كل وحده تحس ان الثانيه مخطيه واللحين لنا تقريباً6 شهووووووووور أمس حز بخاطري هالشي قلت مو معقوله عشان هالسالفه نترك بعض بهالسهوله. فرحت اتصلت عليها ماردت وارسلت رساله بعد ماردت.. أحس بإهاااااانه وشرااايكن أتركهها ولا وش أسوي؟؟ |
بصرااااااااااااااااااحه حرام تروووووووح صداقتكم بسبب تافهه
بس انتي دقيتي عليها وارسلتي يعني لاتهينين نفسك واذا كانت هي تحبك راح تتصل عليك |
اقتباس:
:41 ., |
ام جديده انا من رايي تتركينه لانه لو لك مكانه بقلبه كان فرحت برسالتك واتصلت عليك او ردت الرساله وتراك مااخطيتي ابد ابد |
أهــلا بك أم جديدة في البداية الكل منكن أخطأ أنتِ ماخبرتيها وبنفس الوقت تبينها هي اللي تسأل وتتصل عليك لاتقولين إنك إنشغلتِ ! مهما كانت أشغالك مو معقولةإن مالقيتي دقيقة وحدة ترسلين لها رسالة تبلغينها صح وإلا لا؟؟ ثانيــاً هي بعد المفروض تتقبل عذرك ولاتشيل بخاطرها منك إذا كانت تغليك ! أحسنتِ بسؤالك عنها ولاتنقطعين بالعكس بين كل فترة وفترة أرسلي لها رسالة بس علشان مايفرح عليكم الشيطان وهي بعد صدقيني مهما كانت زعلانة بترجع لك بس لاتقطعينها شوري عليك لاتقطعينها استمري بسؤالك ولو برسالة عادية . الله يجمع شملكم :) |
مرحبا
والله انا اقول ارسلي رساله اعتذاااااار مره ثانيه وحاولي تكتبين عن صداقتكم والعشره اللي بينكم واذا ما ردت اتركيه بس والله حسافه تروح الصداقه بالذات اذا كانت العشرره طويله :oo الله يجمعكم ولا يفرق بينكم :) سلام |
الله..الله.
أم + قصيمية = شروه.<< متعقدة الحين بفهم أنا يومك تشرهين عليه ليه.؟؟ ترى جد..جد أنا ما أطيق اللي يشره يعني فيه كثير من معارفي [ شروهيييييييييين ] فـ أنا من قوة أني تعقدت منهم و من هالحالة صرت أسفه.! اللي يبي يزعل فـ هذا شي راجع له واللي يبي يعذرن فـ هذا أيضًا راجع له. المهم نريوس لك أنتِ ومشكلتك. ليش ع طول زعلتي .؟ طيب يمكن هي ما قدرت تمسك الشبكة معه.؟ و يمكن هي [ لهت ] مثلك يعني .:rolleyes: يمكن مريضة..يمكن بمكان مايسمح له أنه تكلم.يمكن..ويمكن..ويمكن. يعني أعذري مو ع طول تنتفشين..!! كان المفروض أنك بما أنك تقولي هي صديقتي و شكلك متمسكة به ليش يوم رجعتي من الحج بالسلامة ما دقيتي عليه و قلتي له أني حجيت و صارلي و كذا..وكذا.. وعلقتي أنه ما أتصلت.<< برغم أني أشوف معه حق أنه ما أتصلت لأنك بـ حج يعني ما يحتاج تفوتين دقايق بـ عادة بايخة.! يمكن هي طنشت مكالماتك لأنه [ ملت ] من [ شرهك ] اللي ما غير تنتفشين على أي شي.! و أنك تتركينه وما تتركينه هذا راجع لك أنتِ., أنتِ عايشة الموقف مو حنا.! و شسنه ذا شكلي فقعت بوجهك بس والله قهرتيني بقولك [ شرهت:( ] |
هلا ام جديده
مر علي زي اللي مر عليك بالضبط وصديقتي تتحجج بزوجها ومات زوجها قامت تتحجج بخواتها الانسان عنده كرامه ارسلت كذا رساله ما عطتني وجه المهم ارسلت لها هذي الرساله ( بذمتك منت ملاحظ ابد شي ؟؟؟فكر.. تذكر ..ثم عطني دلاله " افتح دليل الوارد واقراء به شوي .... لي وقت ما ارسلت لجهازك رساله .." ما اشوفك اشتقت ولا ارسلت لي شي .. شكل وجودي في حياتك ثقالــــــــــــــــــــــــــه ؟؟؟ وبعد هالرساله تركتها لان الانسان له كرامه وترسل ولا ارد عليها . تقبلي مروري. |
اقتباس:
مشكوره أختي على التوجيه اقتباس:
شكككككرا اقتباس:
هذا اللي انا افكر أسويه ملييييييييت من التطنيش اقتباس:
اقتباس:
تراي أنا منا نجسه ولا حقود بالعكس والدليل اني ارسل لها وراح أرسل لها مره ثانيه وخلاص اقتباس:
اقتباس:
الله يجزاك خييييير والله يوفقكـ اقتباس:
اقتباس:
هييييييييييه شوي شوي علي لا أشوتك بوووووووووز يعني مااتشرهه.. بعدين أنا منا شريره حرام عليك ظلمتيييييييين اقتباس:
اقتباس:
أتقبل مرورك بصدر رحب وجاري إرسال الرساله |
| الساعة الآن +4: 04:29 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.