|
هل السفر في هذه الأيام ضروري أو تقليد ؟ .................................
في هذه الأيام يكثر السفر والتنقل بين المدن بغرض السياحة وتغيير الروتين السنوي والتجديد للعودة إلى العمل والدراسة بنشاط ورغبة ...... هذه النظرة ليست موجودة في وقت مضى ومع ذالك كان النشاط موجود والجد أكثر .... فهل السفر ضروري للأهل أو تقليد للأخرين ؟ وماهي المدة الأفضل ؟ والأماكن الأجمل التي تجمع بين الترفيه والمحافظة على الأهل ..... ثم إذا سافرت أنت ومن معك هل نجعل السفر وقت لتصفية الحسابات وكثرة الأنتقاد وبين كل وقت وآخررفع للصوت وسب وشتم خاصة مع الأهل ........ أشياء كثيرة نناقشها ونستفيد من آرائكم ... ودمتم بخير |
وين نسافر والبوك فاضي ؟
|
والله لاجاك الصدق الحين الناس تسرف تقليد اعرف لك ناس مجهزين انفسهم بيروحون للمصر وخلاص بس سمعو ان الناس متجهه لتركيا قالو معاكم قلت وش الخباله فيكم بالعكس عني مااحب اروح لمكان راحو له الناس ودي اشوف بنفسي واخذ فكره قبل الناس تزدحم علي
|
السفر من أجل التقليد أنا اعتقد أنه شيئ سلبي , لانك سوف تكلف نفسك مصاريف في شيئ أنت غير مقتنع فيه وهنا المشكلة.
لكن السفر للسياحة وخصوصا لسكان المدن الغير سياحية شيء ضروري لمن تتوفر لديهم الإمكانيات الجيده للسفر . موضوع جميل وخفيف وفي وقته شكرا لك أخي هوطان |
أكثرهم يجرونهم حريمهم للسفر يعني تقليد والطامة الكبرى اذا صارت الحجوزات 700% السنه هذي لتركيا علشان لميس ومهند تخيل الزوجه تقول لزوجها بنروح لتركيا تبي تشوف زي مهند طبعا الزوج دلخ تقوله بنروح لتركيا ما يدري وش السالفه أو أنه يتجاهل الموضوع والزوج يعرض لزوجته أنهم يروحون لتركيا علشان يشوف زي لميس فا قمة التخلف أن السفر يكون للغرض هذا ....
تستغرب بعض الأحيان من تصرفات الهمج والناس المتخلفه لأنك لو تسأل اللي جو من تركيا وقلت لهم زرتوا المتاحف والمساجد على أيام العثمانيين وشوفتو الناس هنآك بالمساجد بيقولك لا والله ما شفنا الإ الأسواق والحدائق أو ركب له قارب بالنهر وأكل سمكه وجاء يقول أنا سويت سياحه السنه هذي طيب روح للشرقيه أركب قارب وكل سمك أحسن لك ... عموما السفر أصبح الآن موضه من لا موضة له الإ من رحم ربي . |
صيفنا مع أهلنا أحلى
أنا أرى إن السفر هو للمتعه وسعة الصدر ليه نسافر عشان نلاحق ممثل وممثله صايعين وأتوقع إن جو حلو و شاطىء كافيه إن الواحد ينبسط والله البحر يشرح الصدر وليش المشاكل بالعكس سعة صدر ووناسه إلا إذا كان الأب أو من معك مزاجي والعيال الشباب الله يصلحهم نادر ما يسافرون مع الأهل وإذا كانوا فيه فأكيد راح يكون تضارب بالأراء فاكثر السفرات تلاقيهم الأم والبنات والصغار والأب وبكذا نروح المكان اللي يعجبنا بدون إزعاج وأتوقع مدة إسبوع مده كافيه إن الواحد يرجع مرتاح ونشيط ويمدحووووون أبها أما السفر خارج المملكه أحسه مو كل هذا كله مظاهر لأن الأغلبيه يسافرون مناطق مو سياحيه الأهم عندهم خارج المملكه والله يستر أخواتنا المسلمات ويصلحهم مو الوحده إذا سافرت نزلت العباءه أو لبست عباية كتف وطرحه وللمره الثانيه صيفنا مع أهلنا أحلى |
أنا شاطر ...... لك الشكر وربي يرزقك narran ....... كلامك صحيح Qassimy online ..... وهذا هو الشيء اللي يعاني منه أكثر الناس ....شكرا لمشاركتك العطرة شمس بريدة .... بارك الله فيك نونا .......... كلامك 100% لكن يبقى متى نسافر؟ وإلى أين ؟ ومن لم يسافر هل سيندم إذا أوشكت الأجازة على النهاية ؟ مع أن هذه السنة والحمدلله لم نوجه حر مثل العام الماضي ... الجو ممتاز يعني طلعات الإستراحات ماتكفي بس تعوض للي ماسافروا ننتظر آرائكم القيمة |
أعتقد أن السفر ضرورة ملحة خصوصاً من سكان كسكان القصيم الذين يموتون من الحر وحمارة القيظ .
أعتقد أن السفر والسياحة في مناطق جميلة ومريحة كأبها والباحة والنماص شيء جيد ويروح عن النفس بشكل كبير . مُجرد تغيير نفسي كبير . واسلموا لمُحبكم بُريدة العز |
بريدة العز صحيح نحتاج للسفر وخاصة في هذا الشهر ولكن جو القصيم أفضل من جو بعض مدن المملكة أشكرك على مرورك |
فهل السفر ضروري للأهل أو تقليد للأخرين ؟ وماهي المدة الأفضل ؟
لا ماله دخل بالتقليد هو تغيير جو عن روتين العمل والدراسه والقلق بالديره و اكيد ضروري بس احسن شي العمرة وابها >>ماتحب السفر برا داخلي وبس المده تفرق على حسب المنطقة ومكه لو اعيش بها طول عمري مامليت بس زيارة كافي اسبوع اما ابها اقل من شهر ماتكفي جو ووناسه الف شكر على الموضوع |
أبد .....
تقليدي |
شقردية شمر ........ قد يكون السفر تقليد وهذا مشاهد عند أكثر الناس وقد يكون كما تفضلتي أي غيرتقليد وهو عند قلة من الناس نورتي صفحتي بمشاركتك |
أبو حسان بارك الله فيك |
يكون أسبوع في أول الإجازة و أسبوع في نهايتها و السفر يحتاجه النس للترويح و الترفيه و البعد عن الروتين و فيه أجر عظيم لمن يحتسب نية التوسعة على الأهل و العيال .. |
| الساعة الآن +4: 01:21 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.