|
الامطار
نحمد الله على هذا الغيث المبارك نامل من الاحبة في الله يعطوننا الاخبار وين وصل المطر
|
ألف مبروك......
السلام عليكم وبعد/
هلا والله بعمي الخلفه تسيف حالك مع الأمطار.... ومبارك علينا وعليك هالخيرات....يعني إن شاء الله عطلة االعيد كله كشتات يم الربيع.... بس يقولون أن الرياض ..ماجاه مطر...يعني كل حقين الرياض يبي يجون لم القصيم....بعطلة العيد....... ولك خالص تقديري وتحياتي ،،،،،،،، أخوكم الصغير وخادمكم المطيع مجنون هند:cool: |
ياهلا
السلام عليكم
مبرررروووووووك هالخيرات والأمطار ** المطر يم حفر الباطن والقاعدة والصمان . ** والمطر بالأسياح و( من ضيدة على ابالدود إلى بريدة ويم البعيثة وقبة ويم المزارع اللي على الخط وانت رايح لقبة حول 25 كم . وهذا ماشفت وسمعت اللهم اغثنا يارب والسلام عليكم وحمة الله وبركاته :cool: :cool: :cool: :cool: :cool: |
الله يزاكم خير
الله يجزاكم خير
بس لاتقولون لااهل الرياض نبلش مانلقى مكان نعزب به لك الحمد يارب على نعمك العديدة التي لاتعد ولاتحصى |
والله شكل أهل الرياض بينحتوننا...
كل شوي داق علي خالي ويقول : إيييييييييه أنتم يا أهل بريدة أمطار... وحنا ماغير الجو الحار.... { والله شعر حلو }.... |
ايو الله يالله لك الحمد والشكر.........بس يا خيي هالنمعة تبي شكر ............ اما علوم المطر عندي فهي على النحو التالي:
رحت لم السوق الداخلي همن رحت للصفراء ثمين طلعت للفايزية وماشاء الله المطر بكل متسان.........اما برا بريدة فقالو لك العيال فوق. مجنون.........................بس.................. ..................والله عاقل |
************************************************** ******
ابشركم الخير واجد والقصيم كله سايله اما عندنا بالعاصمه عنيزة;) ;) فالخير والمطر جيد إلى جيد جدا وكل مانوجه غرب يزود الخير . اللهم اغثنا واغث بلاد المسلمين يارب العالمين |
الله يبشرك بالخير
اقول تراي امس البارح بعنيزة ليتي ادل بيتك سان متقهوي عندك ومتلين
يحبيلك |
والله يقولون انه ما جاء الرياض إلا شماليه ورشات خفيفه بعد
وهذا الخبر من وكالة " يقــــــــــــــولون " والله اعلم |
يا عنيزاوي....
أجل عنيزة العاصمة.... اسكت لا يدريبك سعفة... كان يوريك نجوم الليل....:D :D |
تسلم لي والله يا نبع الحنان ... يا غالي انت
لكن عنيزة هي القصيم كله ........... ما دام ان اخونا العنيزاوي معنا عاشت ايامكم جميعاً ............ لا وابشركم ألبارحة الجو مووووووووت مطر .. رذاذ وخفيف .. يحبه ألبك . . . . . . . . الي هو يوم السبت . . . الموافق . بهالحدود ما يتعداهن |
أقول يا سعفة...
شكلك مشتهي منقى من عصائر الأمراء... وما معك قروش... وتبي العنيزاوي يعطيك....:D :D أقول = كان عنيزة القصيم كله.... أجل وين راحت بريدة ؟؟؟:p :p |
ومازالت الامطار تهطل باستمرار...:D
يجيك الجو بالنهار تقول أيس تمطر ولاصار بالليل امطرت..:) الله اكبر..:) جعلها الله امطار خير وبركه..وعم بها ارجاء البلاد<-------حق النشره الجويه:D |
| الساعة الآن +4: 04:31 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.