|
الفزع يا أهل بريدة .. أبي أجيكم ..!!
السلام عليكم ورحمة الله وبركاته مساكم الله بالخير جميعاً ومبروك عليكم الشهر جعلنا الله وأياكم ممن يصومه أيمانا واحتسابا وأعننا الله فيه على الصيام والقيام وعمل الطاعات اللهم آمين ودنا نجي لم بريدة وعنيزة نبي سوق التمر إذا تكرمتوا جزاكم الله خير ما هو أفضل وقت للمجيء في رمضان والي يعرف أحد بعينه عنده تمر زين للثلاجة أبي كميه جيدة .. والأهم ما يكون غالي مثل ما سمعنا أحد الزملاء جا من القصيم يوم الاربعاء الماضي وكان متذمر جدا من السعر يقول يفرق عن العام الماضي فوق الخمسين ريال كنت ناوي أجي أمس الأحد لكن كلم أحد الزملاء واحد من أهل بريدة وقال أخرو جيتكم شوي متى الوقت المناسب بعد الفجر أو بعد العشاء في رمضان أخوكم ومحبكم في الله طاب الخاطر في أمان الله |
هلا بـ طاب الخاطر
حياك الله وبياك بالنسبة للسوق اللي يقولك اغلى من العام فهو مبالغ فيه قرابة بين العام وهالسنة بالأسعار العام نشاهد أسعار فوق 200 طبيعي هالمرة قل ماوصل لـ 200 صح موجة البرد دمرت بعض النخل بس أتوقع الأعلام هالسنه مابش شيء يعني بداء المهرجان والسوق والناس مادريت السوق العصر أرخص من الفجر وأطيب |
والله انا اقول ان الفجر زين < لأنك ما سالت إلا انك مو من أهل الديره
وعساك ع القوه أخوي |
سوق بريدة بعد صلاة الفجر سوق عنيزة بعد صلاة التراويح |
جزاكم الله خير شاكر ومقدر كُلاً بأسمه طيب عندكم أرقام ناس تبيع أبي رطب للثلاجة في أمان الله |
اصبر إلى الأسبوع القادم, حتى يقل الطلب وتهبط الأسعار. هذا حصل العام الماضي, الأسبوع الأول من رمضان أغلى من الأسبوع الثاني.
|
السوق اليوم دمار
اللي ينباع بـ 50 صار يحرج عليه بثلاثين ولا مشى |
منوووور بريدتنا عما قريب :d |
| الساعة الآن +4: 03:11 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.