كيف تخشع بالصلاة واللي جنبك ... وع ... واوك
 

يجي الواحد توه متوضي يتقاطر يدخل المسجد يتسنن ويعين من الله خير وإذا أقام . قام للصلاة وكبر
عاد هو وحظه إما صلى جمبه واحد ماشاء الله راكد وريحته ماهنا إزين منها ..
وإلا صلى جمبه واحد توه دااااق في باديه ثوم ومحلي بكراث ولا يهون البصل ..
والله يعينه قسمن بالله يصير الخشوع في الغرب والمصلي في الشرق ..
لا عااااااد تكمل إذا صار في رمضان في صلاة التراويح وجاء جمبك وااااحد توه بالع باديه شوربه على شوي بصل وطبعا الحلبه ..
ثم إستلم ياتغار .. (( يتكرع )) قسمن بالله ودي ولا معي إم خمس كل تغره بطلقة

وإلا بعض الهنود يحطون على شعورهم زيوت مدري وين يجيبونها منه تلقه شعره يللللللللللصف وريحته فااايحه تسنها مراغة بقره ..
وبعضهم هالهنود حبيب يغطي راسه بشال علشان ماتفوح الريحه لكن في السجود إذا طاح الشال ..الله يعين إلي جمبه يسكر يضيع يقرا التحيات في السجود

لا وأزيدكم من الشعر بيت ..
بعض الأوادم مايعرفون شيء إسمه عطر ..
ولايعرفون شيء إسمه تروش (( الله بالخير يالعرق ))
إذا جت تكبيره الإحرام ودك تنحاش من المسجد قسمن بالله إذا رفع يديه أتاك هالنسيم العليل يحمل معه رائحة ( العرق ) أو بمعنى آخر الخياس ..
طبعا هالرائحة الشجيه تخليك تقول تقرا آيه الكرسي تحسبها دعاء الإستفتاح ..

يالله الله يعينكم ........ على شرح معاناتكم

على فكره انا احسن واحد ينقل

طيب عندي لك رأي

وراء ماتجي مع المسلمين مبتسر

وتصلي بالصف الاول

مهوب تجي تسحب رجليك

ويالله تلحق التشهد الثاني

<==== ابوك على غفله :D

والله انك صادق بكلامك

معنا واحد بالمسجد اذا بغى يسجد يحط طرف شماغه تحت خشمه

يقاله مايبي ريحة الفرشه

علما بان الفرشه جديده ونظيفه

بس شكله متعود على هالحركه


عندي لك حل بالمشكله اللي قلته

بخر شماغك والا طيبه

وانسفه نسف

بحيت يصير بينك وبين اللي بجمبك حاجز شماغي والريحه اللي من جهتك زينه

ولا يصلك شيء من ريحته :D

وهذي من فوائد الشماغ التي لا تعد ولا تحصى :D

هذي من معانات التسثير من الناس



وخاصه بصلاة الجمعه



واقتراح برجس مووووووووووت بالحيل



بس اني ماالبس شماغ دايم <======== قاهرن قووووووووه

وراه ماتلبس شماغ يالالماني ؟؟!!!


هههههههههههه

تراي امزح معك


بس صدز وراك ماتلبس شماغ؟!!

برأسك قشره مثلا؟

والا راسك كبير بحيث مالقيت طاقيه كبره؟

والا ايديك قصار ولا تقدر تشخص بالشماغ ولذلك استغنيت عنه؟

ياليت تختار واحد من هالاسباب يا برواه بروته :D

من كلامنا معاني !!!!!!
 

اخي في الله مدحت شوقي
مشاركه طيبه وجديره بالاهتمام من قبل المصلين بما فيهم انا وانت وهو
لكن يبقى في خاطري سؤال ارجوا ممن يعرف اجابته ان يشاركنا فيها
والسؤال هو مامعنى (( الله بالخير يالعرق ))
وشكرا للجميع

اخوي مدحت مشكور وكلامك صحيح

عبووودي