|
ابغى رااايكم بشي ما التفتت له البلديه علشااان بريدة
السلام عليكم ورحمة الله وبركاته انا بصراااحه عند راااي وابي رااايكم بما ان انا من ابناء (( مــــــــــــــــــــــــديـــــــــــــــــنـــــ ــــــة بــــــــــــــــــــريــــــــــــدة )) وش رااايكم بشاااارع النهضه لو يصير فيه مقااااهي قهوى وجلساااات يكوون والله وجهه للشباب وتقدر تقضي وقتك وانت مرتاااح مو تبلش ما تدري وين تروووح ملينا من الاستراااحات والشقق والدوراااان ادري انه واحد بيرد علي ويقووول الارضي حكوميه اللي على الشااارع ابي لو البلديه من جد تبي المدينه تطلع تتبرع واتاجر الاراااضي اللي على الشااارع والله يطلع الشااارع روووعه ويكون واجهه للمدينه و الشباب هم ما قصروا حطو لنا مسطحات خضراء وجزاااهم الله خير بس لو يكملون احساااانهم علينا وياجرون الاراضي ونستفيد ويصير الشارع مثل شاارع التحليه بالرياااض او احسن احب اتكلم انا بما اني من ابناء مدينة (( بريدة )) وانتظر ارائكم ويستحسن لو احد من البلديه يكون يدخل المنتدى ويقراء اللي يكتبون اعيال المدينه وياخذون في ارائهم والله تطلع المدينه وجهه لاهله ويفتخروون اتمنى ان تقبلوني عضو جديد في المنتدى واتشرف انا بالعضويه اخوكم (( boy-burydah )) |
أقــتراح رائـــــــــــــــع
أصفقلك على هالقتراح :074: وأتمنى يوخذ بعين الاعتبـــــار ....... |
اقتراح في موضعه
اضم صوتي لصوتكم |
جداً فكرة حلوة
ولو يصير فيه نت مثل الشارع الذكي ( شارع التحلية بالرياض ) تعرف كل واحد الحين صار معه لابتوب !! |
مــــــشــــــــــكـــــوريـــــــن شباب على الردود وتمنى للاعضاء الردود و اعطاء ارئهم ليس بس القراءة لكي ياصل الصوت للبلديه لازم نتحد ونطور البلد |
شيء جميل خلوهم يضفون الشباب عن الشوارع
|
وهو كذلك
نعم اضم اصوات الكل لأصواتكم وفيه نقطه احب اني اضيفها اريدها في الاساس ان تكون موضوع مستقل لاكن فداك يالذيب الاوهي وضع 3g _ dsl السرعه 2قيقا ..............,,,
_________________________ |
بصراحة
أعجبت بكلامك في البداية لكن يوم قلت التحلة تغير الأعجاب وإنقلب .. شارع التحلية بالرياض لامشيت تخاف تسقط السماء من الفساد الظاهر بذاك الشارع |
والله نتمنى هالشيء يصير
لكن مع ان الشارع مابه شيء .. ابلشونا هالدوريات ..! كرهونآ بالشارع |
والله حلوو كلامك لانه من افضل الشوارع في بريده
|
حـلـوو اقترااحك بس احتفظ فيه لعياال عيااالك :) والله لوو قاامت الآماانة والبلدية بتخطيط مسبق لآرض فضاااء وعرضهاا للآستثماار وبشرط ان الآرض تكوون وااجهة للمدينه ومتميزهـ بالخدماات يمكن نصل لماا وصل اليه شاارع التحلية بهذاا التنظيم والجمااال ،، |
اقتباس:
يا بعد حيي انا مو اقول زي شارع التحليه يعني مثل اللي يصير فيه من الفساااد يا بعد قلبي انت انا اقول يكون مثله بالمقاهي لا بالفساااد يا حبيلك لا لا تتعجل الله يهديه و ييسر اموورك اتقبل من اخوك (( boy-burydah )) |
اهنيك ع التفكير اقتراح جميل ورائع :41 واضم صوتي لصوتك وفعلا زي ماقال اخوي لو يخفون المرور:112: شوي يعني نسمحلهم يجون بس اذا جاهم بلاغ :034: ازعاج او تفحيط |
اقتراح جميل شغل وقت الفراغ لكن بمايعود بالنفع مثل ملاعب كرة قدم مضمار للمشي وخلافه
وكم اتمنى ان ارى شبابنا يعطون الحياة نوع من الجدية بارك الله فيك اخي العزيز |
| الساعة الآن +4: 01:16 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.