|
ــــــــــــ > رأيكم ومشورتكم ياحبايبنا .... أنا مقبل على الزواج قريباً بإذن الله؟!!!
أبشركم أنا متخرج من الكلية وتم ترشيحي ضمن الدفعة السابقة وياما كرفونا الأهليات بتدريس صفوف البزارين ويعاملوننا مثل المعلمين الرسميين وبانتظار التعيين وربك يعين :rolleyes: وعسى التعيين يكون في مدينة مناسبة إن شاء الله ،،، وكلش ولا القرى أو الهجر اللي مافيها لاخدمات ولاشيء ..! ما أطول عليكم :060: أنا أقدمت على الخطبة من إحدى العوائل الكريمة وأهلي أثنوا على البنت في جمالها :eek: :p وأنا ولله الحمد أحب المرأة العاقلة الرزينة والملتزمة بدينها ،،،، ولكن أهلي ذكروا من أوصافها الشيء الذي جعلني أقتنع ،، ولكن ذكرت لي أختي الكبيرة على انفراد حينما ألححت عليها ببعض الأمور: فقالت الفتاة ماعليها وووو الخ .... لكن من ناحية اهتمامها بالدين أنا ما لاحظت عليها إلا أنها في بعض المناسبات تلبس العاري وتضع العباءة على الكتف وتلبس النقاب بحكم وضع الأسرة المهمل مع أكثر أخواتها ... ماعدا الأصغر منها فهي الملتزمة الوحيدة في الأسرة ..ووو فقلت لها : قفي ولاتكملي سأستخير وأذكر لك النتيجة والقرار بعد يومين أو ثلاثة.... وهذا الكلام يوم الجمعة 26/9 وما لكم بطول الهرج ... من المصادفات لقيت لي صديق عزيز علي وغالي لم أره منذ سنتين ،،، وأخذنا في السواليف والتخرج والتعيين والزواج فأخبرني أنه تزوج من إحدى الفتيات وكانت عن طريق إحدى قريباته وهي مشرفة على إحدى الدور النسائية وأنه يعيش في سعادة وراحة بال فزوجته حافظة لكتاب الله وملتزمة .... فبدأت بضرب الهواجيس وإعادة الحسابات :ooفأنا صراحة لا أريد أن أخذ البنت وأقوم بتربيتها وندخل في نقاشات ومشاكل ماله أول ولا تالي :S:eek5 وسأتخذ قراري يوم الاثنين أو الثلاثاءالقادم بمشيئة الله وعطوني رأيكم الله يفرج عنكم ويسعدكم دنيا وأخرى ................. فأنا محتااااااااااااااااااااااااااااار:oo |
فإظفر بذات الدين تربت يداك
والحكم والخيار أليس لك صدقني من واقع المجتمع أنصحك تسوي مثل خويك خله يتوسط لك عند وحده من أهل الدوور تصير عاقله وفاهمه ومحافظه على دينها وراح تحافظ عليك انت أيضا إذا تلبس عاري وكتف وهذا الظاهر فكيف بالباطن وقد لا تكون سهله يعني بتدخل نفسك بمتاهات يمكن ما ترضى إنك تتأمر عليه بالحجاب إذا هي مو مقتنعه بحكمه الشرعي أو لا قدر الله تؤثر عليك هي سلبا وأسأل الله إنه يوفقك للزوجه الصالحه التي تكون طوع أمرك وتحفظك |
فر منها فرار المجذوم من الأسد .!
وأنا أتمنى أن يقوم المجتمع بوضع حملة تثقيف للفتيات اللاتي يفتخرن بلبسهن العاري وإتباع الموضة والخيالات الزائفة بأنهن محل سخرية وتندر وتهكم ممن هم حولهن من النساء العاقلات الملتزمات المتربيات على الحشمة والستر لأنهن خالفن شرع الله وأتبعن أهوائهن .! وكما أتمنى أنه في حال رفض أي فتاة للمناصحة أن نتفق نحن الشباب بألا نقترب منهن ولا نطرق أبواب بيوتهن من باب المثل الذي يقول (كل ساقط وله لا قط) . تقبل مروري. |
أهم شي الدين والاخلاق الله يوفقك
|
اولا أبارك لك التخرج وعقبال الوظيفة وأنا أبعطيك رأيي الخاص ولا ألزمك به
إياك ثم إياك ثم إياك من الاستعجال وحدّر جبل ولاتحدر طبع وترى البنات واجد والبيوت مليانة وأنا متزوج قبل خمس سنوات من وحدة ملتزمة وما شفت منها إلا كل خير وصديقي في العمل يعاني من مشكلات في بيته والسبب إنه ركز على جانب ونسي جوانب أخرى فأخذ وحدة طايشة وعايشن معها في جحيم والله يوفقك |
اخوي سعود طلبتك , لاتقرأ ردود الاعضاء
صدقني , هذا شي خاص فيك انت , استخير وتوكل على الله , خل خواتك يسألون اكثر , واستخير وتوكل على الله , الله يوفقك ويكتب لك الخير, |
والله أسعدتوني بردودكم وأشغلتكم معي وهذا يدل على كرم وطيب أخلاقكم وأختي الله يجزاه خير ملزمة مرة على البنت وتقول ترى البنت مثل العجينة تقدر تقلبها وتشكلها على ماتريد فقلت لها : هالكلام يصلح بالجيل الأول أما بنات الوقت لاااااااااااااااااااااااااااااااااا:i121 وأشكر نـــNAــونا / مــهــاجــر / @رسيل@ / أبولؤي على تفاعلهم وعسى الله ييسر أمورنا وأموركم ويدبر اللي فيه الخير للجميع |
اقتباس:
أشكر لك نصحك أخي الغالي وتراي ما كتبت الموضوع إلا من الحيرة اللي أعيشها وأنا مستخير الحمدلله وعسى الله يدبر لنا الخير ويقولون ماخاب من استشار |
الله يدبرك على الصالح ويختار لك الخيرة المباركة وانت احرص على صلاة الاستخارة والخيرة فيما اختارة الله
|
الله يوفقك للزوجة الصالحة التي تقر عينك .. أنا أقول أنعم وأكرم بأعضاء منتدانا الغالي ..... ولكن ... أتمنى ان تستشير أهل الإختصاص !! لاسيما وأن هذا الأمر مصيري في حياتك !! ولاتنسى صلاة الإستخارة , ودعاء الله عزوجل , وخل والديك يدعون لك ,, الله يوفقك ,, هذه أرقام بعض أهل العلم متخصصون في الأمور الإجتماعية ( أتمنى تكون الأرقام صح) : د/عبدالعزيز المقبل 0505147935 د/عبد العزيز الاحمد 0505131398 د/عبد العزيز النغيمشى 0505408662 د/يوسف الاحمد 0505920634 د/خالد الحليبى 0505920206 د/عبدالرحمن المحرج 0504457410 |
اقتباس:
قل آمين الله يسعدك بالدنيا والاخرة والله إن الاتصال على المختصين ماجا على بالي وخاصة أبوجابر وابوعاصم .......... وأنا حبيت أشوف آراء الأعضاء لأنهم مثلي سيمرون بمثل هالمواقف المحيرة أو مارين قبلي عليها ........... والله يوفق الجميع |
ماشاء الله عليك .... حلووووووو إنك تعرف ( أبو جابر الشيخ عبدالعزيز المقبل ) والشيخ عبدالعزيز الأحمد ,, وغيرهم ,, الله يهنيك , ويوفقك , ويسعدك ( لاتنسى تعزمن ههههههههه ) |
اسمح لي أقولكـ مثل هذي الأشياء عادية جداً ! عباية .. ولبس عاري ما فيه مشكله ! انصحه إذا تزوجته وترى ما فيه حد كامل وكل بنت تمر بمثل هالمرحلة وتعدي < إذا كانت التربية صالحة > أما إذا كان مجتمعه كذا فصعب إنكـ بتغير شيء هي تعودت عليه من كانت صغيرهـ عموماً ., اسـتـخـيـر ؛؛ والـلـه يــوفـقـكـ .,’ تحياتي ’,. :) |
اقتباس:
إبشر والله بسعدك يالغالي وتشرفنا إن شاء الله لما تيسر الامور أختي رزان أشكر مرورك وأفيدك أن البنت عايشة في بيئة مهملة نسبياً وكلن سيده قيده على مايقولون يعني كلن على هواه بالبيت وهي متعوده على الشيء هذا على كلام أختي |
| الساعة الآن +4: 06:11 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.