ماهو افضل مركز رياضي ببريدة..!؟
 

السلام عليكم ورحمة الله وبركاته ..

كيفكم يااهل بريدة ...مستانسين:d

انا جاااي عندكم ببريدة وصار شغلي ولله الحمد هنا ..

فبما اني جديد هنا ولا اعرف هالديرة ,, حاب اسألكم اخواني عن افضل المراكز الرياضية المتخصصة في اللياقة والتخسيس ومكانه بالتحديد ..

لاني مواصل على التدريبات وابغى استمر عليها ,, بس ماني عارف المراكز الممتازة هنا ..


ويفضل يكون بالشمال لاني ساكن بالصفراء ..

لا تخيبوا ظني فيكم وبإنتظار ردودكم ..

اخي اذا كان عمرك اكبر من 24 تقبل في ستي سنتر ( قيمة الأشتراك 500 للشهر)

واذا كنت اصغر فلك صالة المدينة التي في حي الصفراء.. ( قيمة الأشتراك 250 للشهر )

او اللي في حي التغيرة لا اتذكر اسمها...

بيوت الشباب واذكر فيها فلبيني مسلم رهيب يتابع معك ويعلمك وش يصلح ووش ما يصلح ويسوي علاج طبيعي

صاله الجسم الانيق اللي عند الوشاح
لا تفوتك

محمد بن عبد العزيز

هلابك اكثر ويعطيك العافيه عالترحيب وبكرا بإذن الله راح اطلعله واشوف وش وضعه ..
والف شكر على ردك الجميل ..


أبو عبدالله

اشكرك على ردك وتوضيحك الرائع ..

23 عمري يعني ماينفع ستي سنتر:d


*سـكـر خـشـن*

هلا بك اخوي ومنورة بريدة بهله ..
رايح بكرا الله لا يعوق بشر لستي سنتر
الله يستر بس كان ماكرشوني :080:


ابو عبدالله
وين مكانه بيوت الشباب ببريدة ,, جديد ماصارلي اسبوع ماثبت شي
نبي نمر عليهم ونشوف وضعهم ..


كيك
بيض الله وجهك على توضيحك وكلامك الراااائع ,, بس انا من النوع اللي لازم مركز وجزموا معي 2 يدخلوا معي مركز بس قالولي شف لك مركز وحنا معك .. وضعك للاسف ماينفعلي وحتى هم ماينفعلهم
لنا اسبوع اقولهم خلونا نمشي محد منهم راضي يمشي معي ..
واشكرك بعنف على نصيحتك الاخوية ,,
خلينا نجرب مراكزكم,, ياخوفي بالاخر ارسلك وين المضامير ياكيك بلا مراكز بلا هم ..

ســمــو المشاعر
مشكوووور على ردك

بس وين مكانه بالضبط هالصالة ..

ستي سنتر خلف مكتبة جرير

او فندق موفنبيك

بصراحه المقصود مب التخسيس المقصود وسعة الصدر وتغيير من الجو ,وتخلي يومك البطي كالسلحفاة يمشي ,

قريبة من السكن اروح للصالة مشي ..

ومشكور على النصيحة اخوي ابو عبدالملك

موفنبيك ,, آخاف يجي نادي للفندق ويشوفوني الجمهور ويقعدون يصورون معي يحسبوني لاعب
يومي البطئ كله نوم بعد الدوام ,, بعد مدري فيه وقت للمركز او لا

ومشكور ياضايق على ردك ,,: 12