|
بيتنا معفوس فوق تحت !! عملية سرقة قبل قليل
السلام عليكم أكتب هذا الموضوع وغرفتي مقلوبة أعلاها على أسفلها فضلا عن باقي الغرف غرفة الوالدين وغرفة العيال إلى غرفة غسيل الملابس مقلوبة ومنكسة بسبب عملية سرقة دعواتكم عليهم آخر رمضان سرقوا بيت جارنا وقبل اسبوع حاولوا ببيت الجار الآخر واليوم دورنا أسأل الله يقص أيديهم ويجعلهم عبرة للمعتبرين وأن يلهم حكومتنا بتصرف صارم ضد هؤلاء الآن أكتب والمرور لم يصل بعد للمنزل لي عودة بعد رصد المفقودات اللهم لطفك وعطفك بنا وعقابك على من روع الآمنين وسعى إلى سلب حقوقهم وممتلكاتهم .. |
هذولا شباب لارادع لهم
الله يصلحهم فانهم مبتلين |
المفقودات حتى الآن 3 آلاف ريال للوالدة لابتوب توشيبا بـ 4000 ريال تقريبا للوالد .. مجموعة ذهب ما يتعدا 500 ريال |
افلقني ان جابتهم الدوريات . عليك بالدعاء |
اولا الحمدلله على السلامه ,
وبخصوص السرقه تهون والله يعوضكم , وعسى الله يكشفهم عاجلا غير اجل امين |
الي يقهر انهم متمادين بهالشي .. وين الأمن الي نسمع به ؟؟ والا الأمن بالأحياء الي يتواجدبه صاحب السمو و معالي الوزير ؟؟ ياخي دامهم ما علقوا كم واحد بالصفاة فاعرف ان الوضع بيزرئب .. حسبنا الله ونعم الوكيل .. |
ياخي ماكثرت هالحراميه ألا أنه تدري أن الأمن ماعندك أحد...
أكثروا من الأستغفار والدعاء والله يردلكم مفقوداتكم ... |
اللهم آمين // ولا نغفل : (( و ما أصابكم من مصيبة فبما كسبت أيديكم )) اللهم ردنا إليك ردا جميلا .. |
الحمد لله على السلامه
لا حول ولا قوة الا بالله |
لا تدعون عليهم يمكن انهم محتاجين ويتعففون ما لهم بالشحاذة
والا يستحون ويحبون ياخذون الفلوس بتعبهم..... من طرائف السرقة وان السارقين امنين من اي عقوبة كانت المدام تسوي الغداء (ولا حظ انه الغداء) جتني وقالت خلص الغاز طلعت بغير الغاز لقيت ما في غاز لا فاضي ولا مليان عينك عينك الظهر وحنا نسوي الغداء وش بيسوون فيه لو مسكوه ؟؟؟ اذا انه سعودي بياخذله عصوين ويطلع بتعهد واذا بنقالي ياويله ويا سواد ليله بيسفرونه وسنة كاملة ما يطب السعودية (يقالهم عوروه) الله يعوضكم خير واسال الله ان يحفظ علينا امننا وايماننا لانها والله كثرت هالحوادث خصوصا بالقصيم من دخلو بيننا بني طعس وحنا بنقص |
الله يعوض عليكم
|
كان الله في عونك يا أخـــــــي
حاول بنفسك في معرفة الجاني وبعد معرفته أعطه طلقة ناريه في أحد أعضاءه وحينئذ تجد المعاملة قد تتحرك ومن ثم تنطلق لجنة المحاكمة وتخرج بإذن الله منها بريئاً لكن حاول جمع أدلة والتحقق بأنه هو من عمل جريمة السرقة أو تسبب فيها قبل عمل أي شئ .. أتوقع هذا هوالحل الوحيد فأنت في زمن الذل وأخذ حقك بالمثل << قد سرق أخٌ له من قبل ولم يجد أية مساعده من أي جهة .. |
الاخ عـــــــــــــــراوي
الله يعوض عليك ماهو انت اول واحد ينسرق بيته ....... والامن وش يلحق وش يخلي والله انهم شيل وحط وسرقت البيوت ما تجي الا من اللي يعرفك وصدقني لو تلاحظ وقت سرقت منزلك تجد انه وقت قصير لان السارق يعرف خروجك ودخولك ,,,,,,,,,,,,,,,,,,, ودي اقــــولكم قصه ... وحده عجوز تسولف لخويتها بجلست قهوة بمواضيع السرقات قالت انا ذهينه اذا نويت اطلع من البيت لسفر او معزومين اقوم واحط قروشي بالثلاجه والحرامي لو دخل مراح يفطن لثلاجه ؟؟؟؟؟؟؟؟؟؟ وبعد مرور اسبوعين خرجت من المنزل العصر ورجعت بعد العشاء واذا بثلاجه مفتوحه واخذ اللي فيها وباقي الغرف لم تلمس ؟؟؟؟؟؟ وهذي حقيقه مــــــــــــــــــــــــــلاحظه اخواني الاعزاء دايم سرقات المنازل تكون يوم الاربعاء ليلة الخميس بكثرررررررررررررررة لان العالم محد قاعد بالبيت خذوا حذركم ........ والطعوس بهم خير وبهم شر ... والثيل بهم خير وبهم شر ؟؟؟؟ لاتضلم احد .....شكرا |
والله يالدعوه هايجه بالسعوديه
خصوصاُ بالرياض قبل فترة سرق بيت لأقاربي بالسلام !! اقولك ترا السلام حول النسيم والنظيم...يعني الحراميه حولكم اذكر مره قيت بحدا الجرايد احصائية عن اكثر الاحياء سرقة بالرياض وكان الحيان الذي لهم النصيب الأكبر من السرقات السلام والصحافه |
| الساعة الآن +4: 12:42 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.