طريقة الخطبه والزواج عندنا ..... دمار في دمار...
 

طريقة الخطبه والزواج عندنا ..... دمار في دمار...

تروح امك لبيت الفلان مذكور له ان عندهم بنت مجوز ... وتوديه وقلبك يقرقع
يارب تظبط هالمره مليت من الدوران على بيوت الناس

فجاءة تطلع امك من البيت وتركب معك ... ومايمديه تسلم عليك الا انت قايل له
هاه بشري ... حتى السلام مارديت ... من العجله

عاد تقولك لالالا ... <<<<< تمزع قلبك
وراه وش فيه ماتصلح ... همن تقولك بالعكس عسى الله يوفق بس

عاد انت من الخبه تغير من الثالث للثاني بدال ماتحط القير للرابع ... والا جبهة الوالده بالقزازه ... وانت مبسوط ومستانس

وتقول لأمك متى العرس ... طيب ودي اشوفه
ثمن تجي الطامـــه ... ياوليدي اصبر يقولون نبي نشوف عن البنت ونسأل ( عن الولد )

البنت وافقة ...<<<<< عااااااااااد بقى التحريات ...
جو للمسجد وسئلو عنك يصلي بأي صف وين المصحف حقه يدخل برجله اليمنى او اليسرى هو يتسنن والا .. لا .. يسحب مناديل من اللي قدامه بالصف او لا ........... المهم ينخلونك نخل

همن يروحون للعمل ... على اي مرتبه داومه زين او وسط يتأخر ولا يجي بالتمام اذا جاء يتثاوب والا نشيط اذا جلس على الكراسي يقعد يدور والا يرتكز زين ... زعول والا حمقي والا حبيب ماعندك احد ...... مهنو كترك بكثر الأسئله

همن من يعرف من اصدقائه القريبين لوه مره ... فلان
تعال يافلان ... هو راعي سهر هو راعي تتن هوراعي سفريات اذا طلع معك للبر وغرزتو يدف معكم والا يقعد يسبحن على روحوه

الحمدلله كل التحريات اثبتت نجاح ميدك ...

قالو تعال الوالد يبي يجلس معك شوي .....
رحت وجاك الشاكوش ... منهم خوالك ومنهم عمومك همن يعطيك نظره فاحصه من فوق لتحت يخليك تدوخ بعده يقولوك شف ترى العرس مهوب ( قوتره ) وهذي بنيتي تراه من احسن البنات لا وهي الغاليه عندي انا<<<<< ويالله يقعد يرجك بها البنت ....
همن يقولك ابروح اناديه تشوفه ...

جت البنت وحطة القهوه ... قعدت تناظره وابوه يناظرك ... خلاص يالله روحي عاد
ونت تبلع ريقك جازتلك البنت ... ويقولك هاه عسى الأمور زينه ... وتقوله الحمدلله الله يوفق ويكتب اللي بوه خير وخيره ...

الى هنا انتهت مراسيم الخطبه .........

السؤال الذي يطرح ميدوه ؟؟؟

الرجل طلع من احسن الرجاجيل ... لكن ماذا عن البنت ... مأحد سأل عنه
بس الفلان عندهم بنت زينه وحليله ... لكن ليش مايسأل عنه ويتحرى عنه
صحيح ان الحمدلله بناتنا فيهن الخير الكثير وان بيئة الشباب معرضه للأنحراف اكثر من البناتت
ولكن في عصر الفضائيات اصبح انحراف البنت وارد ...
فلذلك يجب التمعن بالسؤال عن البنات لازم لازم لازم

مع تحيات مدحت شوقي بريده :
حرر في 1/1/1429

.
 

مدحت شوقي ..

صبرك قليلا حتى ترى الرجل هو الذي يتشرط على البنت والبنت هي التي يسأل عنها ..

انظر الى البنات في كل بيت لابد من وجود العديد من البنات لم يتزوجن وفي المقابل انظر الى الذكور عدد قليل لا يساوي عدد النساء وبهذا سوف يتم التزويج دون السؤال عن الرجل بل ربما انت من تقوم بالسؤال عن الفتاة ..

وكلامك جميل ومنطقي الى ابعد الحدود لكن الحال لن يثبت على هذا فقط انتظر قليلا .. وسترى العجب ..

أهلا أخوي : مدحت شوقي ..... السلام عليكم ورحمة الله وبركاته ...



والله إنك صادق بهذا ..

لكن

أصلاً أنت ما رحت تخطبه إلا لأنه ممدوحه لك .. وسآلين عن أخلاقة ودينه ..
فأضفر بذات الدين تربت يداك ..

شكل الشايب كل بنت تخطب منه يقول هذي اغلى البنات عندي ..
والولد مصدق =======>> كز أبوه .

عموماً تسلم ميدك على هذا الموضوع ..

ولك مني تحية


ا ل ش ا م خ

معليش اخوي مدحت شوي شوي ليه معصب لها الدرجه ياخي احمد ربك انك انت في احلى منطقه بالنسبه للزواج الظاهر نسيت وش كان اللي هنا وهناك
هذولا اذا جو يخطبون من اهل البنت وكانوا واثقين من الموافقه يالله هذي عشرين الف حق القهوه من الولد طبعا وبعدين هذي من ثمانين الى ميه الف المهر وهذي الشبكه تكلفهم عشر الاف وهذي هدية اهلها تكلفهم حوالي عشرين يعني اقل شي يصرفه في كل زواجه ميتين وخمسين الف هاه عاد يالله وش تقول وانت هنا بس تحط يا خمسين يا اربعين الف وعليها لا شبكه ولا خربطه الا في بعض العوايل عندنا بالنسبه للشبكه لكن مع ذلك ما تكلفهم شي واجد

السؤال عن الدين مهم
كيف لو طلع اللي خطب اختك مدخن او إنسان سفرتي

لا أقول لابد ان يكون ملتزم قوه او شيخ لكن يكون محافظ على واجباته هذا اهم شيء

======== بعدين انت من السعودية======

أو هذه طريقتكم بمصر بعد هههههههههههه

نور الشمس
كلامك صحيح

بس تصدق البنات واجد
لكن اذا بديت تدور تعجز ماتلقا

ياخي مأدري وين يروحن

الشامخ

انا ممدوح لي دينه واهله


بس مادري عن أخلاقه مادري عن طباعه
حاره بارده رزينه والا مطيوره

يعني لازم يسأل عن هذولي ... اتوقع انه مهم


الله يخلي ميدك

المهم اذا عرستوا تعالو تكلمو يالله الحور العين قولوا امين

مدحت شوقي والله كلامك صحيح
نور الشمس وين الطريق ياخي مادام الحريم واجد عجزت مالقيت احد

اخت الأسود

بعد اللي تتكلمين عنهم ماهمه الدين اهم شي الدراهم والأبل وبس

لكن اتكلم عن بيئتنا وواقعنا اللي نعيشه
والف شكر لميدك ..
وواريك خلهم يجون يسألونن عنك

الحليل

احنا بمصر احسن منكم
لأن الراقل بيجلس مع خطيبته 3 سنوات بيعرفه وتعرفه ,,, امحق
اذا مل منه تفل بوجهه الله يخخلف

والله يازين عاداتنا وتقاليدنا المستقاه من الكتاب والسنه
بس لك عليه شوي لو يعملون به كامله كان يصلح المجتمع
ولا يحتاج كثرة السؤال والبهذله