بريدة ستي - يوم الأثنين القادم التجمهر امام وزارة ؟؟؟

بسم الله الرحمن الرحيم

السلام عليكم ورحمة الله وبركاته وبعد,,,
بعد اذن الأدارة والمشرفين والأعضاء المحترمين
احب ادعو اخواني (( خريجي السجلات الطبية الي ماتوظفو لحد الآن ))
الى التجمهر امام وزارة الصحة بالرياض يوم الاثنين القادم
19/11/1429هـ الساعة 8 صباحآ ..
لان الوضع بصراحة ماينسكت عليه درسنا وتعلمنا وطبقنا واختبرنا ونجحنا وقدمنا اوراقنا على وزارة الخدمة المدنية ولنا اكثر من سنة ننتظر الوظيفة ولاجت
واذا رحنا للديوان قالو لنا ماجتنا ارقامكم من وزارة الصحة واذا رحنا لوزارة الصحة قالو مالنا دخل وظائفكم عند الديوان والله حاله ... وش نفهم من هالتصريفات هذي نهاجر ولا نسرق ولا نتاجر بالمخدرات ولانشحذ ولا وش نسوي ؟؟
ياعالم ياناس اللي يعرف ناس تخصصهم سجلات طبية يبلغه ضروري عن موعد الاجتماع
والله ماعاد ينفع السكوت ارجوكم يااعضاء ومشرفين هذا المنتدى
أبي مساعدتكم اللي يعرف أحد يبلغه ويجيبه والله هذا التخصص أنظلم كثيير من وزارة الصحة
ولازم لازم نتحرك قسم بالله قهر تدرس وتشد حيلك وتدفع فلوس وتذاكر وتتعب ومعدلات ممتازة
وفي الأخير يصرفونك ولا يقولون لك انتــ >>> (معهد خاص )
وعلى فكرة هذي المعاهد معترف فيها من قبل الخدمة المدنية
والحمد لله عدينا أختبار هيئة التخصصات الطبية من أول شي واخذنا التصنيف
يعني مافيه فرق بيننا وبين معهد الأدارة وكلية المجتمع نفس المناهج
واللي يقهرك زيادة يجيك واحد من معهد الادارة معدلة أثنين من خمسة ويتوظف قبلك
وانت ياللي معدلك فوق الاربعه ونص يعني ممتاز ماعطوك وجه
والله شي يقهر ويقطع المصاريين وفي النهاية يقولون لك مفاضلة..
بالله عليكم وين الانصااف في المفاضله هذي .
وربي صرنا منبوذيين كل مكان نروحله نواجه الرفض والسبب لأنك من معهد خاص
والله معدلاتنا ممتازة ونعرف أنجليزي وحريفيين حاسب آلي
ومؤهلين تأأهلين ممتاز جداً في تخصصنا هذا
ووالله دراستنا مافيه أحسن منها وفيه ناس والله العظيم يعني تعبت كثير في دراستها عباقرة ومحترفين ومعدلاتهم ممتازة ...؟
بس ماقول إلا حسبي الله عليهم وعلى من حطنى في هالموقف الصعب !
و ليش مايقفلون المعاهد أجل من البداية لازم نرفع قضية
على المعاهد الخاصة اللي أخذت فلوسنا وكذبوا علينا ؟؟؟
أنا لي سنة وشهرين وأنا عاطل واعرف كثير عاطلين تخصصهم سجلات طبية.؟
ومن يقراهذا الخبر من أعضاء هذا المنتدى الغالي ياليت يساعدوننا
أرجووو منهم أن ينشرو الموضوع في المنتديات
ورسالتي للمسؤلين
خافوا الله يامسؤلين تشوفون شباب السعوديه وعيال بلدكم ينضحك عليهم
وتؤخذ أموالهم علانية من هالمعاهد الي ماشفنا منها الخير
وأنتم ساكتين خافوا الله في أنفسكم حرام عليكم والله ثم والله ماترضونه على عيالكم
لازم ثم لازم يعلم ولي الأمر بهذا الشي ومافيه غير ابو متعب هو اللي بحل مشكلتنا
كل سنة عاطلين السجلات الطبية في زيادة وأكثر اللي شغاليين في هالتخصص غير متخصصين وتخصصاتهم غير والله والله طفح الكيل وبلغ السيل الزبى
اللهم أنصفنا منهم يارب اللهم أنصفنا منهم يارب
وأسف على الأطالة وانا في أنتظاركم
والله الموفق