|
تكفوووون ساعدوني لو بدعوه بظهر الغيب
السلام عليكم
تكفووون الله يخليكم ابغى وصفه طبيعيه لضيق التنفس تعبت أعجز انام منه ويطلع صوت انكتم منه انا مابغى اروح طبيب تكفون ادعولي وساعدوني بطرح وصفات طبيعيه |
اسأل الله لك الشفاء العاجل وأن يخفف عنك 00
وان شاء الله تلاقين التجاوب من الأعضاء اللي عندهم معلومات بهذا الخصوص 00 |
أسأل الله أن يفرج لك همومك وأوصيك بذكر الله طوال وقتك سواء كنتي جالسه أو قاعده أو تشتغلين وأوصيك بالمداومه على الأستغفار تراوه ميه بالميه ولله أني مجربته أذا ضاق صدري لجأت للأستغفار بسرعه سبحان الله تنزاح ضيقة الصدر وكثييييييير المجربون لذالك...... الله يوسع صدرك بالعافيه ويفرج همومك؟؟؟آآآآمين |
اخت تميميه اذا حسيتي بضيق جربي صلي لك ركعتين واقرأي المعوذات واية الكرسي ,و يمكن لازم تروحين لطبيب , يمكن يعطيك بخاخ فنتولين موسع للشعب الهوائيه واستخدامه سهل بخه عند اللزوم , اللهم ياكاشف الضر اكشف ضر اختنا تميميه واشفها امين اللهم فرج همها واشرح صدرها امين |
اكثري من ذكر الله والقرب منه بالذكر والقران والدعاء بالاسحار
واسال الله ان يبدل ضيقك فرج وضعفك قوه وان يفتح لكِ أبواب رحمته . . |
فيه عندي شراب ممتاز دايم تجيني كتمه استعمله وحده بوحده حتى زوجي يستعمله
وصفه لي الصيدلي لاتعبت اخذته |
اسال الله لك الشفاء .. ممكن الاستفادة من هذا الرابط اما اذا كان السبب زيادة في الوزن فلدي علاج لذلك وسهل جداً .. http://www.sehha.com/searchwww.htm |
انا اعرف واحد عنده ربو يعني ضيق تنفس وبلغم طبعا هالشي صار يجية من سنة تقريبا بعد ما سوى عملية وقال له الدكتور من تاثير البنج كل شي جربه وكل الادوية مؤقته تنفع فترة استخدامهابس ولما نتركها نرجع مثل ما كنا ومثل ما تعرفون صعب نستمر عليها لكن هو مستمر على استخدام بخاخ فانتولين شافة واحد من جيرانة كبير في السن وعطاة وصفة هو يستخدمها طول عمره له ولاولاده حتى الصغار منهم وجربها واستمر عليها لمدة اسبوع والحمد لله الحين صار لة اكثر من شهر وهو تمام صار حتى البخاخ يستعملة مرة في اليوم ولو تركة عادي مايكون متضايق لذيك الدرجة يعني ممكن يستغني عنه الحين العلاج هو ((قطعوا بصل جوانح وحطوة في صحن عميق شوي واخلطوة معاه عسل طبيعي واتركوة لمدة ساعتين راح تلاحظون ان العسل صار خفيف لان البصل طلعت مويته حركوة واشربوا منه ملعقة الصباح وملعقة في الليل قبل النوم لا تخافون مافيه ريحة للبصل حتى لو شربتوا الصباح وان شالله فيه الشفاء)) |
يبدو أن البعض فهمك بأن عندك ضيق معنوي وليس حسي ,,
لا أقول إلا عسى ربي يشفيك في القريب العاجل وأن يجعل ما أصابك تكفيراً لذنبوك,, وعليك بالصبر وعدم الجزع لقدر الله وإلا ربما استمر عليك ولم يكتب لك الأجر بعدم صبرك عليه,, وأتمنى أن تجدي الحل في القريب العاجل,, دمت بعافية وصحة لا تنتهي,, |
ادهني صدرتس بزيت زيتون وحده بوحده ... وإن شاء الله تشوين |
العسل مع الرشاد (وحده بوحده) مجرب قبل النوم , طبعا إذا كان الي بك ربو أو الحساسية . وكذالك إذا كان التنفس يخرج منه صوت صفير .. |
من الدواء النافع المفيد [رفية المرا نفسه]
عليك بفاتحة الكتاب |
الله يرفع عنك ويشفيك
أولا : الإستغفار ثانيا :الدعاء ثالثا:الرقية. اما عن خلطة .. فمجربة: احضري ورق شجرة الجوافة وتوضع في ماء يغلي و يشرب الماء على الريق وفي ساعات الصباح الأولى وخلال اسبوعين بإذن الله ستلاحظين الفرق.. |
يعطيكم ألف عافيه ويرزقكم من حيث لاتحتسبون و الله يشفيني ويشفي مرضى المسلمين ويرزقني وأياكم دوام الصحه والعافيه يارب وتكشف هم كل مكروب وتعطي كل ذي حق حقه وترزق الاطفال كل محروم
|
| الساعة الآن +4: 10:40 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.