بريدة ستي - رحلتي من خلف النفود لتقفي أثار الخبوب !

يوحش الموضوع صح تقل أبا أبطح بذا رواية من سلسلة أدما :d

عاد لا أحد يسأل وشي أدما جاز لي الأسم وبزخته هوني <<<< قلب سوري لا ألفعه :d

لا أتعدى أسمك يا حصان القايلة بس ، المويهم نرجع لروايتنا بسم الله !

على فكرة ترى عنوان الموضوع أخذه من موضوع الخفاش >>> هج أبو الخفافيش

طير البر اللي حاطه بنسمات كشكولية وطلعات صوتية :113:

رحلتي لتقفي آثار السيل شمال المملكة

http://www.buraydahcity.net/vb/showthread.php?t=131548

لا أحد يجي بذا يقول ما له دخل لا أقنعه :d

كله به نفود وخيرات وكشتات وتكشينات وين الجني العبد عن هالتكشينات وهـ بس :113:

المويهم الموضوع ذا كتبته من مرارة في نفسي وألم في قلبي ومعدتي

وكسر في ساقي وفلق في رأسي ومخش في خشتي وإنتفاخ في ساقي :eek5

وشق في فنيلتي ومزع في ثوبي >>>>> لا وتمزيق لبنطولوني <<<< تحسين للفظ

(شق بسروالي) لأن الدستور يمنع الكلام الفاحش البذيء :d

هالحين يجي أبو الدقريات أبو آدم وسيدة ويشلط الموضوع وإلا ابو السر ويقشطه

معنى الشلط هو الحذف أخذت من شلط يشلط شالطاً بمشلطته أي حمل يحمل محمولاً في يده

والقشط مأخوذ من قشط الجلد لأن الجلد لا أنقشط طلع الجلد الزوهري يعني إنشال جلدك

الأصلي فهي مأخوذة ميعني :ن قشط يقشط قشطاً بظفر خبوبي

زلط زلطون (بالتنوين للنون ) زلطتون من ساق مسيكين اللي هو أنا بظفر حدى عيال ضراس

وش وقفت عليه فوق ذكرون يا عيال تراي عيبي لا أسترسلت أبتل فهذي من المآخذ التي

أخذت على حصان القايله >>> وش عنده أبن تيمية

أيه تذكرت وقفت على شق البنطولون الجينز >>> مهب عاقل ( شق سروال السنة )

بعد إذا مهب سروال نص

تراه مابه شي سروال النص اللي إلى الركبة لأن العورة حقت الرجال من السرة

إلين الركبة من عنده خلاف فليأتي هنا ليناقشني >>>> ما ينفس الفوزان

إيه وقفنا على شقت السروال >> والله يا هو عجز يتعداه ذي

بعذره عسى سراويلكم ما يشقن

وتمزيق لسروالي و !!!!!!!! بكيف الباقي <<<< تلاحظون شقت السروال صارت سالفتي :d

إيه ففي يوم من الأيام >>> قلب لغه لا ألفعه :d

واللي سبب لي الزلوط والفلوق والشقوق وشق السراويل

هو عيال الخبوب الله يقطع أباليسهم

وش السالفة :

السالفة وما فيها الله يقطع هالسالفة إني هكالسنة جاء لمي أبو شباصة

قال لي شف يا حصان القايلة وبما أنك حصان والحصان يمغط بالمشي ولا يفحم

لا وخصوصاً إنه عربي لا ويكفيك من أسمك نصيب الأسد >>> حصان القايلة <<< :113:

يعني مطابق لمواصفات الخبوب دبتسه بهالقوايل ولا يجيهم شي وإلا وراك مسمينك

حصان القايلة ، منتب مثل عيالنا لامنه طلع الظهر

للحوش بالقايله جته أبو دمغه لا واللي يخوفهم

زود أبو زبيل ومرحله ذا هالمجرم وأنت لا جاك أبو دمغه وإلا أبو زبيل

ومرحله أنت حصان تكفخ :077: :113: << الحقيقة إنه شحطن وصدقت الله يقطع أبليسه

قلت له أيوه ، قال إن به عيال مواعدهم اليوم الظهر الساعة 2 إلا ربع نبي نباريهم
قلت صادز أنت الظهر حر وبلاوي ووووو !

قال لا يكثر بس !

الصرحة أنلطست !:(

قلت له ومنهم ذولا ؟

قال ربع لي !

قلت يا أبو شباصة طيب وين هوبه المباراة ؟!

قال : ما أدري ما حدودو المحل لكنهم الظاهر يبي يلعبون بالصقرات !

قلت هج ياأبو شباصة بالصقرات قال إيه ! :050:

قلت يعني خبخب ! :050:

قال إيه ، قلت أسمح لي قال يا أبن الحلال أغديك بس جازم !

ومع الشحط والمحط وافقت يوم صارت الساعة 2 إلا ثلث ويمرن أبو شباصة

ودوسان :048: قلت على وين طاير قال صيفنا ، قلت طيب أرفق تراه أبوي بتله يقول لي :

إذا كنت مستعجلاً فسر على مهل ! :113:

قال أخاف يدورون غيرنا وأنا متحديهم قلت الشكوى لله المويهم على أننا نبي نروح

للصقرات يوم دريت ولا الرجال يوقف فوق نفود ضراس قلت خير إن شاء الله قال

إنهم غيرو الملعب حطوه بذا قلت بهالسهله بذا بهالرمضاء قال إنزل ولا يكثر قرقك !

الحقيقة إني تبلعت ريقي يوم نزلت من السيارة وإذا بعيني تسقط على هذا المنظر

قلت والله لا أصوره علشان أوريه العيال بذا :

http://------------/up/images/xbv3r9ea96em96wp4xmn.jpg

قلت يا أبو شباصة أنت صادز نبي نباري ذولا قال أيه وألتفت مناك وأشوف :098:

http://------------/up/images/ivp9h9teer111hqeths7.jpg

هالصورتين تكفي عن كثير من التعبير ! :058:

الحقيقة إني بدأ الخوف ينتابني شيئا فشيئا حتى بدأت أرتجف >>> ما ينفس شكسبير :113:

إيه ولحظات ولا اللي يسار الصورة الأوله اللي طالعن عيبه اللي يتطارحون ذولاك >> عجز يجيبه

إيه ولاو يجيب الكورة ولا وش تشوف كورة أم موزه المخططة بأحمر متقشع جلد جلده :096:

من هالتمزيع والبوز والتكميخ والتخقيل والرمضاء والماء وكل شي :096:

قلت الله يعدي هالمباراة على خير ، الشكوى لله نكبن أبو شباصة ! :076:

ولحظات وتبدأ المباراة :

هذا محدثكم سعفة من خلف المايك أيها الأخوة المشاهدون ايها الأخوة المتفرجون الخبوبيون

( :038:لا أحد منكم يدخل للملعب الهواش والفزعات لا قظت المباراة:038: )

أهلاً بكم إلى أستاذ ضراس الدولي في هذه القايلة سوف نشهد مباراة قوية :026::026:

بين منتخب ضراس الجلف وفريق أبو شباصة :026::026:

وتبدأ المباراة [ طبعاً ما به قرعة علشان السنتره ] على طول جاء أبو الشباب

وبوز الكورة للسماء فوووووووووووووووووووق لا بدينا ما نشوفه :d

وبعد تقريباً خمس دقايق طاحت تحت النفود :096: >>> الله يقلع هالمباراة هذا أوله

وينزلون كل أبوهم تحت النفود لمزرعة الفحيل يجيبونه أتلفت حولي ما حولك أحد

أدور ربعي فريقي أبو شباصة وشلته اللي ما أعرفهم ما حولك أحد ،

الجمهور مابه أحد ، سعفه وين راح أذكره يقرقر ولا قارورة الببس اللي يعلق به بالأرض جادعه :d

وأجيك أركض لم النفود وش أناظر وش أخلي كل الجماعة طيررررررران مدحدرين مع النفود

وين الملعب يا أبو شباصة وين المباراة خير إن شاء ، وأسمع سعفه يلج

وأنطلقة الجياد على بركة الله وهو يركض >> خير إن شاء صار سباق

مع النفود :077:المويهم قلت ما يصلح أقعد أناظرهم كلهم لاحقين الكورة إلا أنا وش أقعد

أناظرهم قلت ياولد معهم وطمبق طمبق وأقلب وأنا أدحدر ولا أقف إلا بجذع هكالأثلة :095:

واتنفظ وأخش الملعب المتنقل مع الشلة وأجي ألقى أبو شباصة قلت له وين فريقنا :eek:

قال ألعب بس قلت خير إن شاء الله وين فريقنا قال فريقك الكورة دوره

قلت صادز أنت قال أيه !:092:

أيه ................

انتظرونا بالجزء الثاني

مثل الخفاش وشحيته هماو كل شوي منزل حلقة

مراسلكم بالقايلة

7ـــــــصان الـQــايلــO