فزعتكم مطلوب إستراحة ..
 

0

0
0
0
0
0
0
0
0
0
0

مطلوب إستراحة تكون محكحكه(وذفه) يوم بالأسبوع يوم الأحد قسم واحد (شباب)
يفضل أيكون بها :
- مشب للشتاء ودكة أو جلسة خضراء ثيل تكون بالصيف
- ملعب كرة
- عامل يطبخ

الموقع يفضل أن يكون :
1- احويلان وماجاورها
2- جهة المستودع الخيري
3- الدائري الغربي
4- أو بأي جهه من مدينتنا

دمتم بحفظ الله ورعايته

شوف مكتب الباحوث يفيدك

فيه استراحة بحويلان للشباب بجنب منتزه الاحمديه الجديد0الظاهراسمه السلام اوالزهرة -نسيت اسمها بالضبط0المهم هي حول المستوصف الجديد0000 بالتوفيق ان شاءالله 0

فيه استراحه على الدائري الغربي ورى محطة الحماد مكتوب عليه للبيع او للايجار واجهتها حجر

أبشر ياحبيبي باللي يرضيك

1/ استراحة على طريق حويلان ملعب بودرة وفيها مشب الموقع : إذا تعديت مزرعة التويجري إدخل يسار بين السورين إدخل تجيك على يدك اليمين
2/ استراحة البرج مهبوله الأستراحة ذي بس مشكلة غالية إلا إذا أنتم منغنغين موقعه طريق حويلان إذا جاك مسجد المقبل لف يسار أول مفرق أتركه الثاني لف يسار العلامة مصورة كهرب لف يسار وتجيك طلعه قدامك إذا رقيت الطلعه سفه على يدك اليسار وطبعاً قبل الطلعه فيه إستراحات على يمينك وشمالك
3/ فيه استراحت العمر بالدائري الغربي

أسف على تأخري بالرد وإلا نتشرف نخدمك
أخوك ( العنبر )

حسب المواصفات لكن بدون طباخ
 

توجد إستراحه بحويلان خلف المستودع وفيها الأحد شاغر وفيها مشب وملعب ثيل ودكه يعني حسب المواصفات لكن بدون طباخ ..

لقيتلك احسن إستراحه هي إستراحات

خنشليله

مكتب الباحوث
من المكاتب المتخصصة في الاستراحات
وهاذا رقم الجوال
0506163331

أذكر فيه موقع في كثير من الإستراحــات الي ببريدة مع الصور والمواصفــات والأرقــام . .
لحظة وأجيبه لك . .

لقيتــه بس معزوووم انــــــا >>>> اطلع برى يافشل علاقــات . . هههههه

http://www.1daleel.com/index.php

بس ترى والله مالي علاقة فيه لا من قريب ولا من بعيد . .
يعني لاتقول عطـــاني إيــاه كيك يعني ثقة . .
لا . .
الحذر . . >>> خوفتك صح . . ؟؟

دمتم بحفظ الله ورعايته..

وش تبي بالاستراحه وحنا على باب الشتاءاكشت على راس النفود وشب اضويه والعب كيرم واترك عنك شغل الدلع ذا ههههههههههههههه اصلح اصير محطم
لالالا امزح عليك ياخيي استانس وانبسط واللعب واتعب الروح قبل لاتروح بالوناسه وطبعا ساعه لربك وساعه لقلبك بس لاتصير معصيه بعدين تقووول جهينه قايلي تقبل مروري ولك خالص تقديري