|
بأمانة أنقل لكم ما حصل لي من مواقف بأسواق الشامل للملابس الجاهزة
كتب أحد الأعضاء عن الشامل وكذبه الواضح بالإعلانات وأنه خدع المتسوقين بمنطقة القصيم على حضور النجمين بقناة المجد سهيل وإقبال ولكن صدمهم بمجموعة من الملاحظات وهي:
1ــ ذهبت أنا وأبنائي إلى هناك بنفس الساعة التي أطلقت فيها صالة الشامل موعد إفتتاحها ولكن المفاجاة مرة بعدم وجود النجمين!!!!!!!!!!!! 2ــ الجوائز توزع كوبونات على جانب الصالة وهي عبارة عن يمنيين لا بسين شمغ وخلفهم كراتين ولا فيه أي لافته تشير لذلك؟؟؟؟؟؟؟؟؟؟؟؟؟ 3ــ عدم توفير العربات بشكل جيد ومعظها خارج السوق بالشوارع ولا أحد يذهب يجلبها سريعا ومكثت نصف ساعة للبحث عن عربة؟. وضايقو المتسوقين بإيجاد عربات للأطفال صغيرة؟ 4ــ عدم توفير نقطة بيع مياه وذهبت وقطعت الطريق لجلب الماء لأطفالي؟ 5ـــ ملا بس رائعة للأطفال ولكن أسعارها مبالغ فيها أما عن البنات من سن 6 حتى 14فلا تجد ما يفتح النفس؟ وكذلك ملابس النساء من العصر الحجري ويبدو لي مستغفلين القصمان لأن بضاعتهم التي بالرياض (كابينه ) بقلابي بمركزهم ببريدة وأنا وعيالي عارفينه تماما؟ 6ــ الأحذية والكنادر النسائية من أسوأ الماركات وقد يغتر أحد بها لرخص سعرها ولكنها غير صحية وغير مريحه للأرجل؟ 7ــ الكذب سمة البائعين والسرقة عنوانهم الخفي وهذه حقيقة حصلت لي عندما حاسبت وذهبت للمنزل وراجعت الفاتورة وجدت صنف مضاف غير موجود ولم نطلبه نهائيا وسعره 34ريال ولكنها لعبة البائع ليسرق من العميل ولا يستطيع أن يسرق من السوق ورجعت إليه وتنكر وزميله المسؤول عن إدارة السوق دافع عنه وكأن لم يحصل ما حصل فأحذورا بشكل عام من الباركود بكافة الأسواق تحياتي لكم والتنبيه بأمانة وثقة تامة على ماكتبت وسوف أُسأل عن كل حرف سطرته إن كان غير الواقع الذي حصل لي ؟ |
شيء متوقع ياعزيزي...
لا حسيب ولا رقيب... |
اقتباس:
|
أتمنى أن تصل هذه الملاحظات للمسؤلين فهدفنا هو وجود بيئه تنافسيه بين التجار في منطقتنا الغاليه
الباركود : التسعيره IIIiiIIiIiIII |
4ــ عدم توفير نقطة بيع مياه وذهبت وقطعت الطريق لجلب الماء لأطفالي؟
كلمت الحق تنقاال هوو محل ملابس سووق موو بقااله يعني الووضع عاادي ماالهم ذنب والله وانا اخووك الشامل سلبيااته اكثر من ايجبيااته والله يعين انا ماااقدر اتكلم واقوول اي حااجه لاني ماارحت لمه جيت لمه ولقيت زحمه وانا مااحب الزحمه كل شوي طلع لك طفل او مرأهـ .......الخ تقبل مروري |
كل شيء جائز .. :p
|
بالنسبه للصنف المضاف أتوقع إنه بالخطأ بسبب الزحمه
أنا على العكس إشتريت قطعتين بدله بناتي الواحده بسعر 65 ولما شفت الفاتوره بالبيت لقيتهم حاسبين وحده بس بسبب العجله يعني لهم بذمتي 65 ريال بأقرب فرصه بروح لمهم عشان أرجعها أما باقي الملاحظات فأنا معاك بالتمام كل اللي قلته صااااير لكن الحساب ما ودي أظلمهم يمكن بالغلط |
أكيد راح يقولون هالكلام عشان يجون الناس
وبالفعل يوم الإفتتاح أتوقع كل بريده كانت هناك |
. أخي السرب شكراً للتوضيح.. . |
ماقول الا الله يخلي لنا الحسون:oo |
وشلون تقول مستغفلين القصمان ما استغفلونا ولا شي هذي بضاعتهم خايسه مره فالرياض او القصيم نفس الشي حتى للبيت ماتشتري منهم خياس وخلاقين بصراحه ما افكر اني اروح للمحل |
؟؟؟؟؟
الله يعين الماركات غاليه والرخيص مخيس الشكوى لله |
ياخي حنا نبي كل شي يوفر لنا في الاسواق اللي يشوفنا يقول حنا نمشي في المحل عشره كيلوا هذا حنا يالقصمان اول ما يشوف الطفل شي مع الطفل الثاني قال ابي حتى لو يشوف علاج الله يشفي كل مريض قعد يصيح ابي مثل اللي مع هذا وبالنسبه للعربيات كان صرت نشيط وطلعت بره وجبتها وبالنسبه للمويه ماهي سوبرماركت الظاهر انها الشامل للملابس اول ما يقولون ان فيه محل يبي يفتح كل العالم متى يبي يفتح وبعد ما يفتح كل العالم يعذربون في المحل والله احترنا فيكم ما يعجبكم العجب ولا الصيام في رجب
|
الله يرزقهم ، ولا بد من وجود الملاحظات في بداية المشاريع التجارية .
|
| الساعة الآن +4: 03:53 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.