من يساااااااااااااعدني؟؟؟؟؟؟؟له جزيل الشكر
 

السلام عليكم ورحمة الله وبركاته
مســــــــــــــــــــــاء الخير
الله يجزى اللي يرد علي ألف خير
انا أعاني من --ربو وكتمه شديده-- ومليت من الادويه والمضادات اللي يصرفها لي الصيدلي
وقلت ودي أروح لطبيبه كويسه-------وصراحه أنا ماأعرف بالمستوصفات زين
رحت لمستوصف سلامات وقالولي مافيه غير دكتوره عامه وقلت اكيد ماتعرف بامراض الصدر---وطلعت


الله يعافيكم اللي يعرف مستوصف او دكتور كويس ببريده لأمراض الصدر لايبخل علي
والله اني بحاله مايعلم فيها الا الله

انا بانتظاركم على احر من الجمر

يااختي فيه دكتور بالرياض اسمه رسلان وله عيادة بطريق الملك فهد بعد الفيصلية باتجاه الجنوب ومتخصص بالصدر لكن علاجاته قويه

احزان الشيشان----ارين

الله يجزاكم الف خير

لكن للأسف ماأقدر أروح للرياض

اتمنى ألقى أجابه

أهلا بكي شيهانة القصيم
أنا ممن يعانون مرض الربو منذ مايقارب فوق 10 سنوات
وكنت قديما اذا رحت للمستشفى يركبون علي بخار لمدة ربع ساعة
ثمن يعطونني بخاخ الصغير وكان البخاخ الصغير مايفيدن
والبخار الي يعطوني اياه في المستشفى بعده احس براحه لفتره معينه
ثمن يزود الالم والكحه وغيرها من اعراض الربو
فاضطررت الى ان أن اشري جهاز البخار ولكن ليس الي مثل بالمستشفى
هوجهاز صغير وعلى الكهرب يشتغل ويكون معه محلول وفنتولين
وأستفدت منه كثيرا
وبالنسبه لي فالربو يجي عندي فترات معينه
أتمنى أني أفدتك واذا كان عندك أستفسار تراني حاضر.

تحياتي لكـ

اختي فيه عياده في عنيزه السلام زينه
امي العام جاها ربو شديد راحت للمستشفى وصفلها الدكتور العلاج الدائري البنفسجي وقعدت تستخدمه سنه كامله والحمد لله
لا يفوتك جدا رائع
والله يشفيك

السلام عليكم
اختي شيهانة القصيم
علاج مجرب بس يبي صبر ومواضبة لمدة شهر او اكثر حسب الحالة

العلاج / ثوم المدينه المنورة ان وجد لانه غير موجود في الاسواق / واذا مافية فبديله الثوم الصيني الموجود في الاسواق
الطريقة / فص ثوم على الريق الصبح + حليب او ماء
فص ثوم قبل الغدى بقليل
فص ثوم قبل العشاء بقليل
وبعد شهر سوف تشاهدين الفرق الواضح ان شاء الله تعالى

فيه دكتوره بالصفوه بالصفراء ممتاز نسيت اسمه الظاهر حسن

السلام عليكم ورحمة الله وبركاته
اشكر كل اللي رد على موضوعي ---والله يجزاكم كل خير ويوفقكم بالدنيا والاخره

مالك الا الكوي يااختي:41