السلام عليكم ورحمة الله وبركاته
أهلين وسهلين ومرحبتين

الصراحه عندي سالفه ودي أذكره لكم

كان ياما كان في قد..وش دعوى كليله ودمنه على غفله .أدري أن بعض الناس وده يفرمن خاصه اللي على بالي .

خلاص نبي نبدى بالسالفه زين :

هاذا الله يسلمكم قصاب من أهل الشام عنده ولد ماله غيره . الولد جاه مرض أقشر (بعيد عن الجميع )

فنذر القصاب أن الولد اشوى أن يذبح أربع خرفان ويعطيهن اللي يحبون الله .

الولد تعافى وردة صحته بأذن الله .

فراح القصاب للسوق وأشترى أربع خرفان طيبات طبعآ أكيد يبي يوفي بنذره . راح للشيخ وعلمه

السالفه وقاله : وين اللي بيحبون الله ؟

فقاله الشيخ :اللي بيحبون الله بتلائيهم بالمسجد .

طلع القصاب وأخذ الخرفان وراح للمسجد وربطهن عند الباب وأخذ السكين ودخل المسجد . والجماعه

توهم مسلمين .

وقف قدامهم وقال: مين بيحب الله ؟

تخيل معي الجماعه قاعدين يطالعون اللي قدامهم قصاب جثه يعني بتره يعني

كبييييييييييييييييييييييييييييييييييير

وطالعات أكتوفه ( تخيل أبو عنتر ) لا ومعه سكين .

واحد من الجماعه عارف السالفه قال : أنا بحب الله .

جا القصاب ومسكه مع ايده وطلع برى المسجد وذبحله خروف وقاله خده لولادك .

ورجع القصاب للمسجد والسكين تقطر دم . والجماعه جالسين وقف قدامهم وقال : مين بيحب الله ؟

طبعآ الجماعه راحو فيها ( تخيل أنك معهم ) ها البتره قدامهم والرجال اللي طلع معه ماجاء والسكين

تقطر دم .
القصاب رد السؤال مين بيحب الله ؟

الجماعه( خرمس ) يعني ولا نفس

القصاب طالع بوجيه الجماعه فطاحة عينه على واحد قاعد بالروضه اللي ورى الأمام . فاللي ورى

الأمام يوم شاف القصاب يناظره قام وقال : الامام بيحب الله .

الأمام من الروعه قال : مين آلي قال أني بحب الله .............. أنتهى .


*طبعآ الجماعه لو كانو يعرفون وش ورى الباب وش عند القصاب وش حقيقته كان تسابقو للباب لاكن

هم تأثرو بالمظاهر ولا تعمقو بالأسرار اللي ورى المظاهر .

*الآن المستقيمين حقيقة الأستقامه يتقطعون ويركضون ورانا ويتحملون أذانا ويبوننا نصير مثلهم

ونشوف ورى الباب

لكننا تأثرنا باالمضاهر ونتخيل أنهم محرومين وغير سعدا .

والحقيقه أن المستقيمين حقيقة الأستقامه هم أسعد الناس لأنهم أكتشفو اللي ورى الباب

وسلامتكم

قصّة ذات مغزى رائع ،،

تحياتي لك .

اشكرك على انتقاك واحسن اسلوبك في الدعوه الى الله ووالله ان هذي القصه تاثرت فيها ....................